Let's destroy the system

Chapter-17(Arc-2)

[Unicode]

Entertainment Life.....

ရန်ရွှယ် သူ့ရှေ့မှာထိုင်နေတဲ့ နှစ်ယောက်ကို လက်ပိုက်ကြည့်နေလိုက်တယ်၊တစ်ယောက်က သူနဲ့အကြည့်ဆုံတိုင်း မျက်နှာကြီးနီရဲလျက် အကြည့်လွှဲသွားတယ်၊တစ်ယောက်က မေးခွန်းထုတ်လိုသော မျက်ဝန်းတွေနဲ့ သူ့ကိုအချိန်ပြည့် စိုက်ကြည့်နေတယ်။

မေးစရာမလိုအောင်ပင် ရှက်နေတဲ့ကောင်လေးက ခရစ်ဖြစ်ပြီး ခရစ်ထက် အသက်ကြီးပုံပေါက်သော မေးခွန်းထုတ်လိုသူက ရန်ရွှယ် မန်နေဂျာလက်ထောက်အဖြစ် ရွေးချယ်ထားတဲ့ ဟဲကတ်စ် ဖြစ်တယ်။

'ခရစ် ကိုယ်မင်းကို ဘာလို့ခေါ်လဲသိလား'
ခရစ်က မသိကြောင်း ခေါင်းခါပြတော့

'ကိုယ်နဲ့မင်းရဲ့ CEOနဲ့က အလောင်းကစားတစ်ခု လုပ်ထားလို့ပဲ၊မင်းရယ်လိုင်လာရယ်က တစ်ချိန်ထဲမှာ ပွဲဦးထွက်ပြီး ဘယ်သူကပိုကျော်ကြားမလဲလို့ လောင်းထားတာ'

'ဗျာ..ကျွန်....ကျွန်တော်နဲ့ ဖြစ်နိုင်ပါ့မလား'

'မဖြစ်နိုင်ရင် ကိုယ်က လောင်းပါ့မလား၊ဒီနေ့ကစပြီး မင်းက ကိုယ့်ရဲ့လက်အောက်က လူပဲ၊မင်းဘေးကလူက မင်းရဲ့ မန်နေဂျာ ဟဲကတ်စ်'
တစ်ယောက်နဲ့တစ်ယောက် နှုတ်ဆက်ကြောင်း ခေါင်းညိတ်ပြတယ်။

'မင်းအသက်က ၁၉နှစ်နော်'

'ဟုတ်'
ဒီလူက အသက်ကွာရတာ သိပ်ကြိုက်နေတာများလား၊အရင်ကမ္ဘာတုန်းကလည်း အသက်ကို ၁၀နှစ်နီးပါးကွာတယ်၊အခုလည်းဒီလိုပဲ...

'မင်းက အရှက်အကြောက်ကြီးတယ်လို့ ကိုယ်သိထားတယ်၊ဒီအတွက် စိတ်မပူပါနဲ့၊အကုန်လုံးကို အဆင်ပြေ ပြည့်စုံအောင်သင်ပေးမယ်၊မင်းလုပ်ရမယ့်တာဝန်က ကိုယ်ဆွဲခေါ်ရာကို လိုက်နိုင်ဖို့ပဲ၊မင်းရဲ့ မန်နေဂျာက မင်းအတွက် လိုအပ်တဲ့အစားအသောက်၊လေ့ကျင့်ခန်းတွေကို အစီအစဉ်ဆွဲပေးလိမ့်မယ်၊နားလည်လား'

'နားလည်ပါတယ်'

'သွားလို့ရပြီ၊မနက်ဖြန်မှ စမယ်၊ဒီနေ့နားတော့'

'ဟုတ်'
ခရစ် ယဉ်ကျေးစွာနဲ့ ခေါင်းလေးညိတ်ပြပြီး အိမ်ထဲထွက်ဖို့ တံခါးနားရောက်တော့