Let's destroy the system

Chapter-37(Arc-3)

[Unicode]

Zombie World

Zen အခန်းထဲပြန်ရောက်တာနဲ့ Ryuuအကြောင်းကို သူလိုက်စုံစမ်းတော့တယ်၊သူ့အတွက်က လူတစ်ယောက်အကြောင်းကို စုံစမ်းဖို့လွယ်ကူလွန်းတယ်။

Ryuuအကြောင်းကို ရှာတွေ့တဲ့အခါ စိတ်ထဲလေးလံမှုတွေက ပိုများလာတယ်၊ဒီကောင်လေး ဘယ်လိုနေထိုင်ခဲ့တာလဲ....

အဖွဲ့လေ့ကျင့်ရေးကွင်းကိုရောက်တော့ မျက်နှာမကောင်းတဲ့ Zenကြောင့် အကုန်လုံးက ဝိုင်းမေးကြတယ်၊

'Ryuuကြောင့်လား၊ဘယ်လိုလဲ မင်ထင်သလိုဖြစ်ရဲ့လား'
အာသာရဲ့ မေးခွန်းကြောင့် Zenက တခဏအံ့ဩမိပေမယ့် အာသာအကြောင်းကို တွေးမိတဲ့အခါ မအံ့ဩမိတော့။

'မင်း သိနေခဲ့တာလား'

'ခန့်မှန်းကြည့်တာပါ'

'မင်းတို့ ဘာအကြောင်းတွေပြောနေတာလဲ Ryuuကြောင့်ဆိုတာဘာလဲ'
အမွှာအငယ်ကောင်က ဘာမှမနားလည်လို့ ဝင်မေးတော့

'Zenကို မေးကြည့်လေ'
အားလုံးရဲ့ မျက်လုံးက သူ့စီရောက်လာတော့ Ryuuနဲ့Samအကြောင်းကို ပြောပြရင်း သူရှာတွေ့ခဲ့တဲ့ Ryuuရဲ့အကြောင်းကိုပါ ပြောပြလိုက်တယ်။

အားလုံးက ပင့်သက်ရှိုက်လိုက်ရင်း....
'မထင်ထားစရာပဲ၊ရုပ်လေးနဲ့မလိုက်'

'အဲ့တာထက် ဟိုSimonဆိုတဲ့ကောင်ကလည်း အမြင်ကပ်စရာပဲ'

'အေးလေ ကိုယ့်လူကို မကာကွယ်ပဲနဲ့ မျက်နှာနှစ်မျိူးနဲ့ အကောင်ဘက်ကို ပါနေတာ'

'အဲ့တာတွေထက် အခုမင်းတို့ ပိုဂရုစိုက်ရမှာ ရှိတယ်'

'ဘာလဲ'

'Samထွက်မပြေးအောင်ပဲ ဂရုစိုက်ရမယ်၊အပေါ်ယံမှာ Ryuuကိုစောင့်ကြည့်နေသလိုနဲ့ ငါတို့ Samကိုစောင့်ကြည့်ရမယ်'

သူတို့အားလုံး အာသာအကြံကို လက်ခံတယ်၊အဓိကတရားခံက မျက်နှာနှစ်မျိူးနဲ့ကောင်မလား။

နောက်နေ့မှာ စထွက်ကြတော့ သူတို့ဇာတ်လိုက်လေးယောက်အပြင် တပ်ဖွဲ့၁က အဖွဲ့သား၉ယောက်၊စုစုပေါင်း ၁၃ယောက်။

Zenက Ryuuနားမှာပဲ စောင့်ကြည့်နေပေမယ့် အရင်ရန်လိုစိတ်တွေ နားမလည်တဲ့မျက်ဝန်းတို့နဲ့ မကြည့်တော့၊ဒီတိုင်း ဘာလုပ်ပေးရမှန်းမသိတဲ့ မျက်ဝန်းတွေနဲ့ စိုက်နေကြနေတာပေ။