[Unicode]
Zombie World
Rei အခုတလော အမြဲလိုလို အိပ်တိုင်း အိမ်မက်မက်နေတယ်။အိမ်မက်တိုင်းက စုံတွဲနှစ်တွဲရဲ့ ပုံရိပ်တွေ၊ဆရာတပည့်စုံတွဲနဲ့ အဆိုတော်စုံတွဲ...တစ်ခါတစ်လေ သူက တတိယလူအနေနဲ့ မက်လေ့ရှိပြီး တစ်ခါတစ်လေ ကျောင်းဆရာ ဒါမှမဟုတ် အဆိုတော်ကောင်လေးနေရာမှာ မက်လေ့ရှိတယ်။
တတိယလူအနေနဲ့ မက်တိုင်း နိုးလာတဲ့အချိန်တွေမှာ တစ်ခုခုကို အလိုမကျသလိုလို လွမ်းနေသလိုလို ဖြစ်ဖြစ်နေတတ်သည်။
ကျောင်းဆရာ၊အဆိုတော်အဖြစ် သူအိမ်မက်မက်တဲ့အချိန်ဆို အိမ်မက်ထဲမှာတင်မဟုတ်ပဲ အပြင်မှာပါ ပွေ့ဖက်ချင်စိတ်ဖြစ်လာတယ်။
ဒေါက်!ဒေါက်!
"ခေါင်းဆောင် နိုးပြီလား၊ဒီနေ့ သူတို့ရောက်လာတော့မှာ"
တံခါးခေါက်သံအဆုံးမှာ သူ့လက်ထောက်ဖြစ်သူ တပ်ဖွဲ့ခေါင်းဆောင် အာသာရဲ့ အသံကိုကြားလိုက်ရတယ်။
အာသာဆိုတာက သူစစ်တပ်မှာ ခေါင်းဆောင်စဖြစ်ကတည်းက သူ့လူယုံ လက်အောက်ခံတစ်ယောက်။အခုသူခေါင်းဆောင်နေတဲ့ စစ်တပ်ရဲ့ တပ်ဖွဲ့နံပါတ်၁ ဆိုတာ သူ့ရဲ့ သစ္စာရှိ တပ်ဖွဲ့တစ်ခု။
ကမ္ဘာမြေကို စေလွှတ်ခံရတဲ့အတွက် သူ့တပ်ဖွဲ့ တစ်ခုအပြင် နောက်ထပ် တပ်ဖွဲ့၂၀နဲ့ သူ့ကို စေလွှတ်ခဲ့တယ်။
(ဒီနေရာမှ ရှင်းပြချင်တာက Zombieမပေါ်ခင်က Reiကတပ်ဖွဲ့လေးတစ်ခုရဲ့ ခေါင်းဆောင်ပါ။Zombie ပေါ်လာတဲ့အခါ Reiက ဦးဆောင်ပြီး စစ်တပ်ကို ခေါင်းဆောင်ရတာပါ၊Simonကစစ်တပ်ရဲ့ ဒုခေါင်းဆောင်ဖြစ်ပြီး၊အာသာက Reiအရင်တပ်ဖွဲ့ရဲ့ ခေါင်းဆောင်ပါ၊စုစုပေါင်းတပ်ဖွဲ့က၂၁ခုရှိပါတယ်)
ဒီနေ့က ဟိုကဖမ်းထားတဲ့ အကျဉ်းသားကို ခေါ်လာတဲ့ အဖွဲ့ရောက်လာမှာ။အကြောင်းစုံကို အစိုးရက ကြိုတင်သတင်းပို့ထားတဲ့အတွက် ဒီနေ့ရောက်လာမယ်ဆိုတာ သိထားတယ်။
ခဏနေ ထွက်လာမည် ဖြစ်ကြောင်း အာသာကို လှမ်းပြောရင်း ကိုယ်လက်သန့်စင်လိုက်တယ်။
အခုသူတို့စစ်တပ်က အစာရေစာပေါများတဲ့ မြို့တော်Aကို အခြေချပြီး မြို့တော်Aက ဇွန်ဘီတွေကို အချိန်၂လလောက်အကုန်ခံကာ ဖြေရှင်းလိုက်ရသေးတယ်။
ESTÁS LEYENDO
Let's destroy the system
Romance'Host လွတ်မြောက်ချင်လား?' '.....' 'Systemကို ဖျက်စီးကြမယ်လေ' 'ကောင်းပြီ လုပ်ကြစို့'
