[Unicode]
Zombie World
'ခေါင်းဆောင်..'
အာသာရဲ့ လေသံတိုးတိုးလေးက ReiရောRyuuကိုပါ နိုးစေတယ်။
'ပြော..'
'ဒီကနေ မီတာ၃၀၀အတွင်းမှာ အဆင့်၁၊၂ဇွန်ဘီတွေ စုလာတာခံစားရတယ်'
လေစွမ်းအားရှင် Neroက လေထဲတစ်ဆင့် ဇွန်ဘီတွေကို ခံစားမိတာဖြစ်တယ်။
'အရေအတွက်ကရော?'
'မခန့်မှန်းနိုင်ဘူး ခေါင်းဆောင်၊ဒါပေမယ့် ပိုပိုများလာတာတော့ ခံစားမိတယ်'
Neroစကားကြောင့် အားလုံးအခြေအနေက ပိုလေးနက်လာမှန်း သိတယ်။
ဇွန်ဘီတွေ တဖြည်းဖြည်း စုလာတာက တစ်ခုခုမှားနေမှန်းသူတို့သိသည် အထူးသဖြင့် ဇွန်ဘီတွေက သူတို့ဆီဦးတည်လာချိန်မှာပေါ့။
'အဆင့်၃ဇွန်ဘီ'
Ryuuရဲ့ စကားကြောင့် ပိုပြီး စိတ်မသက်သာဖြစ်လာတယ်။အရင်ကဆို အဆင့်၁၊၂ကို စိတ်ထဲမထားပဲ သတ်ဖြတ်မိမှာ အခုကကျ အခြေအနေတွေက ကွာခြားသွားပြီ။
လူပြန်ဖြစ်လာနိုင်တဲ့ ဇွန်ဘီတွေကို သူတို့ မသတ်နိုင်၊အထက်က အတတ်နိုင်ဆုံး မသတ်ဖို့ မှာကြားထားသည်။
ပုံမှန်ဆို ထွက်ပြေးလို့ရပေမယ့် နောက်ကွယ်မှာ စေခိုင်းနေတဲ့ အဆင့်၃ဇွန်ဘီ ရှိရင် သူတို့ပြေးလွတ်မှာ မဟုတ်ဘူး။
'ခေါင်းဆောင် ဘယ်လိုလုပ်မလဲ'
'အာသာ အကြံရှိလား'
အဖွဲ့ရဲ့ ဦးနှောက်ဖြစ်သူ အာသာက
'ထူးဆန်းတာကို တစ်ခုရှိတယ်'
'ဘာလဲ'
'ကျွန်တော်တို့ တည်နေရာပဲ၊စထွက်ကတည်းက ဇွန်ဘီတွေကို မသတ်ပဲ ထွက်ခဲ့တာ၊သွေးနံ့ရလို့ လိုက်လာကြတာမဟုတ်ဘူး၊အဆင့်၃ကောင်က ဘာလို့ ကျွန်တော်တို့ရှိနေတာ သိနေတာလဲ၊ပုံမှန်ဆို သူတို့ကအမှောင်ထဲမှာပဲ ပုန်းနေကြတာ၊
ကျွန်တော်တို့ရှိတာ ခံစားမိရင် ခေါင်းဆောင်ပါတာကိုလည်း သိမှာပဲ၊ဒါတောင် ပုံမှန်လို ပုန်းမနေပဲနဲ့ တိုက်ဖို့ ထွက်လာတာ မထူးဆန်းဘူးလား
ခြုံငုံကြည့်လိုက်ရင် ဖြစ်နိုင်ချေက တစ်ခုပဲရှိတယ်'
'ဘာလဲ'
BẠN ĐANG ĐỌC
Let's destroy the system
Lãng mạn'Host လွတ်မြောက်ချင်လား?' '.....' 'Systemကို ဖျက်စီးကြမယ်လေ' 'ကောင်းပြီ လုပ်ကြစို့'
