[Unicode]
Entertainment Life.....
'အသံပိုင်ရှင်က ဘယ်သူဆိုတာ သိရပြီလား'
'ကျွန်တော်တို့လည်း မသိရပါဘူး၊အဖြစ်နိုင်ဆုံးက ခရစ်ပါ'
ဒုန်း!!
'ခရစ်ဆိုရင် ဘာလို့အရင်က သူ့ကို မင်းတို့မသိခဲ့ကြတာလဲ၊မင်းတို့ ဘယ်လိုအလုပ်လုပ်နေကြတာလဲ'
အစည်းအဝေးပွဲမှာ အဲလစ်ခုံကိုရိုက်ပြီး အကုန်လုံးကို အော်ငေါက်လိုက်တယ်၊ဒီလူတွေက ဘာမှသုံးစားမရပေ။
ပါရမီရှင်တစ်ယောက်က ပါသွားပြီ၊ဒီလူတွေက အေးဆေးနေနေကြတုန်း....
'အဲ့ကောင်က ဘာဖြစ်နိုင်မှာဟုတ်လို့လဲ၊ကျွန်တော်တို့ဆီမှာ လိုင်လာရှိတာပဲလေ၊လိုင်လာသာ ပွဲဦးထွက်လိုက်တာနဲ့ အဲ့ကောင်ကို ဘယ်သူမှသတိရတော့မှာမဟုတ်ဘူး'
'ဘာပဲဖြစ်ဖြစ် လိုဂန်က ခရစ်ကိုယူသာယူထားတာ၊ခရစ်က ကျွန်တော်တို့လူဖြစ်နေတုန်းပဲ လိုင်လာအတွက် ခရစ်ကိုချနင်းရင်တောင် ရလောက်တယ်'
'ဟုတ်တယ်'
'ဟုတ်တယ်၊ခရစ်ကို ပြန်ခေါ်ပြီး အရင်ပွဲဦးထုတ်လိုက်မယ်၊ပြီးရင် လိုင်လာကိုသူနဲ့ပတ်သက်ပြီး ပွဲဦးဆက်ထွက်ခိုင်းရင်ရော'
အဲလစ် သူရှေ့က ဝန်ထမ်းတွေကို အံဩစွာကြည့်လိုက်တယ်၊အခုတလော သူ့လူတွေဟာ လိုင်လာမှလိုင်လာဖြစ်နေပြီ။ဘာကိုမှမမြင်နိုင်လောက်အောင် ကန်းနေပြီ။
သူကတော့ လိုင်လာနဲ့ တရင်းတနှီးမနေပဲ သတိနဲ့ဆက်ဆံပြောဆိုတဲ့အတွက် ဒီမိန်းမဟာ အကြံစည်ကြီးကြောင်း သူသိပြီးသားပေ၊အခုလည်း ဒီမိန်းမဟာ ကုမ္ပဏီရဲ့ ဒုတိယရှယ်ယာအများဆုံးလူနဲ့ ဟိုလိုလိုဒီလိုလိုပေ။
လိုဂန်ရဲ့ လောင်းကြေးကြောင့်သာမဟုတ်ရင် ဒီမိန်းမကို သူအာရုံစိုက်နေမှာ မဟုတ်ဘူး၊အခုတော့ သူလွှတ်ပေးထားတာ များသွားပြီ၊ကုမ္ပဏီဝန်ထမ်းတွေပါ လိုင်လာမှလိုင်လာဖြစ်နေပြီ။
သူ့အတွင်းရေးမှူးကို လျှို့ဝှက်စုံစမ်းခိုင်းတော့ ဒီမိန်းမက မက်ဒရူးကိုလည်း ကပ်ဖို့ကြံစည်နေတယ်တဲ့...တစ်ဖက်လူရှိတဲ့ နေရာကို ခဏခဏသွားပြီး ရင်းနှီးအောင်လုပ်နေတယ်။
YOU ARE READING
Let's destroy the system
Romance'Host လွတ်မြောက်ချင်လား?' '.....' 'Systemကို ဖျက်စီးကြမယ်လေ' 'ကောင်းပြီ လုပ်ကြစို့'
