Let's destroy the system

Chapter-47(Arc-4)

[Unicode]

[Crossdresser]

Darenဘေးမှာ သူ့ကိုစောင့်နေတာ အချိန်ပိုကြာလေ Kiraရဲ့ စိတ်အခြေအနေကပိုဆိုးလေပဲ။

သွေးထွက်မတက် နှုတ်ခမ်းကိုကိုက်ထားမိရင်း Keiကို သူမပိုမုန်းလေပဲ။Kei၊Darenဆိုတာ သူမအတွက် ဘာမဟုတ်တဲ့ဇာတ်ကောင်သာသာပဲ။

ဒါကို Darenက သူမကို ပစ်ပယ်ထားရဲတယ်။နှစ်ယောက် ကမ္ဘာဖြစ်နေတဲ့ သူတို့ကိုကြည့်ရင်း Keiကိုသတ်ပြစ်ချင်စိတ်တို့က အစိုးမရ။

Darenနဲ့ သူမတွဲနေတာသိရက်နဲ့ Darenအနားမှာ မျှော့လိုကပ်နေသေးတယ်။

'Daren ဘာလုပ်နေတာလဲ'

'Kira ကိုယ်ဒီမှာ Keiနဲ့ စာလုပ်နေတာလေ'

'အတန်းစတော့မယ်လေ ကိုရဲ့'
Daren ရဲ့ဘေးမှာ ဝင်ထိုင်ရင်း Kiraပြောလိုက်တယ်။

'နောက်ပြီး ဒီနေ့ အစမ်းသရုပ်ဆောင်ရမယ့်အပိုင်း Kiraမရသေးဘူး၊ Kiraနဲ့အတူတူလေ့ကျင့်ပေး'

'ဘယ်အပိုင်းကို မရသေးတာလဲ'

'ဒီမှာလေ့ကျင့်လို့မကောင်းဘူး၊အတန်းထဲပဲ ပြန်သွားရအောင်'

Darenက Keiကို တစ်ချက်လောက်ကြည့်လိုက်ရင်း

'Keiရော ငါတို့နဲ့ လိုက်ခဲ့မလား'

'မလိုက်တော့ဘူး၊ကောင်းကောင်းပျော်ခဲ့ကြပါ'

'သွားမယ်လေ ကို၊Keiက သူ့ဘာသာ လိုက်လာလိမ့်မယ်'

'အင်း၊ငါတို့သွားနှင့်ပြီနော်'

ရန်ရွှယ်က သူတို့အပေါ် အကြည့်တစ်ချက်တောင်မပေးပဲ ခေါင်းညိမ့်ပြလိုက်သည်။

Keiရဲ့ သူ့ကိုအလေးမထားတဲ့ပုံစံလေးက တစ်မျိူးလေးအသည်းယားစေကာ Keiရဲ့ဆံပင်ကို ဖွလိုက်သည်။

ရန်ရွှယ်အတွက် Darenရဲ့လက်တွေကိုရှောင်နိုင်ပေမယ့် Kiraရဲ့မျက်နှာကို မြင်လိုက်ရတော့ ငြိမ်ငြိမ်လေးနေနေလိုက်တယ်။

ဒေါသထွက်သွားတဲ့ Kiraမျက်နှာကိုမြင်ရတာ သဘောကျစရာပဲ။

Darenတို့ထွက်သွားတာနဲ့ ရန်ရွှယ်ပစ္စည်းသိမ်းပြီး အိမ်ပြန်ဖို့ပြင်သည်။

ဒီနေ့တော့ ကျူးကျော်သူခိုးက မရောက်လာသေးပေ။Darenထိသွားတဲ့ သူ့ခေါင်းကို မသတီစွာ ခေါင်းပြန်လျှော်ဖို့ လုပ်လိုက်သည်။