Let's destroy the system

Chapter-6(Arc-1)

[Unicode]

School Life....

'လင်းဟန် ငါစဉ်းစားပြီးသွားပြီ၊မနက်က အတန်းထဲ ငါအစောဆုံးရောက်တာ မင်းတင်ထားတဲ့စာမရှိဘူး၊ဟိုတစ်ယောက် ယူသွားတာမဟုတ်ခဲ့ရင် မနေ့ကညနေကျောင်းဆင်းကတည်းက တစ်ယောက်ယောက်ယူသွားတာပဲ'

'အင်း'

'ဒီတော့ စာထဲမှာ မင်းဒီပိတ်ရက် သူနဲ့တွေ့ဖို့ ချိန်းထားတယ်မလား၊ငါတို့ အဲ့တော့မှချောင်းကြည့်ကြမလား'

'သူက လာမှာ သေချာလို့လား'

'မဟုတ်ရင် ဘယ်လိုလုပ် မင်းစာကို ခိုးသွားမလဲ၊သေချာတာကတော့ မင်းကောင်မလေး ကြိုးစားစိုက်ထားတဲ့ အသီးအပွင့်ကို အချောင်လိုချင်နေတာပဲ'

'ဆရာယူသွားတာရော မဖြစ်နိုင်ဘူးလား'

'မဖြစ်နိုင်ဘူး၊တကယ်ယူသွားရင် မင်းကို ရုံးခန်းခေါ်မှာပေါ့'

'ဒါဆို ငါတို့ သုံးယောက် ပိတ်ရက်မှာ စောင့်ကြည့်ကြမယ်'

'သုံးယောက်?'

'ရန်ရွှယ်ပါ ခေါ်လာရမယ်၊သူပဲ တကယ့်လူက ဘယ်သူဆိုတာသိတာ'

'ဟုတ်သားပဲ၊သူ့ကို ပြောပြီးခေါ်ရမယ်'

'ဆရာလာပြီ၊နောက်မှ ဆက်ပြောကြမယ်'

'Ok'
###############
'မင်းပုံစံက ဘယ်လိုဖြစ်နေတာလဲ'
လင်းဟန် သူ့ရှေ့မှ မင်ရဲ့အား အံဩနေသောပုံနဲ့ မေးလိုက်တယ်၊ပိတ်ရက် သူတို့သုံးယောက် ချိန်းထားတဲ့ နေရာကို ၁နာရီစောပြီး ဆုံကြတယ်။

အပေါ်အောက် အမည်းတွေပဲဝတ်ထားကာ ဦးထုပ်၊မျက်မှန် Maskပါပါသေး၊မထင်ပေါ်အောင်နေပြီး ချောင်းမယ်ကြံကာမှ သူ့ပုံစံကြောင့် လူတွေက ကွက်ကြည့်ကွက်ကြည့်လုပ်သွားတယ်။

'ငါမှန်းမသိအောင်လို့ လုပ်လာတာလေ၊ဘယ်လိုလဲ တော်တယ်မလား'
မင်ရဲ့ကိုကြည့်ပြီး နှစ်ယောက်လုံး ခေါင်းခါမိတယ်၊ငတုံး!

'ချိန်းထားတဲ့ အချိန်ကိုရောက်တော့မှာမလား'

'ဟုတ်တယ်'

'ဒါဆို ငါတို့နှစ်ယောက် မင်းနဲ့ ခပ်ဝေးဝေးမှာ ရှိနေမယ်'