Let's destroy the system

Chapter-11(Arc-1 Final)

[Unicode]

School Life

'ဒါပေါ့၊ယူလာပြီ'
မင်ရဲ့က လူကြားထဲက ထွက်ကာ ရန်ရွှယ်ဆီ စာအုပ်တစ်အုပ် ကမ်းပေးလိုက်တယ်၊ရန်ရွှယ်က စာအုပ်ကို ထောင်ပြရင်း

'သူယူလာတဲ့ မင်းစာအုပ်ပဲ'

'နင်တို့ ငါ့စာအုပ်ယူပြီး ဘာလုပ်မလို့လဲ'

'ရှင်းရှင်းလေးပါ၊လင်းဟန်ကို ပေးတဲ့ စာနဲ့ မင်းလက်ရေးကို တိုက်စစ်ကြည့်ရင် မင်းလိမ်မလိမ်သိရတယ်လေ'

'နင်..နင်!'

'ဘယ်လိုလဲ ငါလိမ်နေတာဆို၊လက်ရေးကို စစ်လိုက်ရင်ရပြီလေ'

'မရဘူး'
နင်းနင်းက ရှေ့တိုးကာ ရန်ရွှယ်လက်ထဲက စာအုပ်ကို လုလိုက်တယ်၊ရန်ရွှယ်က အမြန်ရှောင်လိုက်ရင်း

'ဘယ်လိုဖြစ်တာလဲ ဆက်ဆက်ထိမခံတဲ့ပုံနဲ့'

လင်းဟန်က ရန်ရွှယ်လက်ထဲက စာအုပ်ကို ယူရင်း
'လက်ရေးက အကွာကြီးပဲ၊မင်းလိမ်နေတာ အသိသာကြီး'

'ဟယ် နင်းနင်းက မထင်ရဘူးနော်'

'အေးလေ ကျီးအာသီးလိုပဲ အပြင်ပိုင်းလှပြီး အတွင်းပိုင်းက ပုတ်နေတာ'

'လူတစ်ယောက်ကို ကြိုက်ရင် ကြိုက်တယ်ပေါ့၊လိမ်ပြီး အဲ့လိုချဉ်းကပ်ရလား'

'အေးလေ'
ဘေးလူတွေက သူ့ကိုအပြစ်ဝိုင်းတင်ကြတော့

'ဒီကိစ္စ ဒီမှာ မပြီးဘူး၊နင်တို့ သတိထားပြီးနေ'
ရန်ရွှယ်တို့ကို လက်ညှိုးထိုးခြိမ်းခြောက်ပြီး နင်းနင်းကျောင်းထဲမှ ထွက်လာခဲ့တယ်

'ဘာလို့ ဒီလိုဖြစ်ရတာလဲ၊ဘာတွေ မှားနေတာလဲ၊ငါ့မှာ Systemရှိတယ်လေ၊ဘာမဟုတ်တဲ့ ကောင်မကို ရှုံးစရာလား'
#########
'သူ ထွက်ပြေးသွားတာ မြန်ချက်ပဲ သိလား'
ဝူကျိ ရန်ရွှယ်ပြောသမျှကို နားထောင်ပေးနေပြီး ရေဘူးကို ဖွင့်ပေးကာ

'မောနေမယ် ရေသောက်လိုက်အုန်း'
ဒီလို အလိုက်သိတဲ့လူကို ရထားတော့ ရန်ရွှယ် ပြုံးမိပြီး ရေဘူးကို ယူသောက်လိုက်တယ်၊ကျောင်းဆင်းချိန် လူမရှိတော့လို့ အတန်းထဲ သူတို့နှစ်ယောက်ထဲသာ၊ခုံကနေထလာပြီး ဝူကျိပေါင်ပေါ် မျက်နှာချင်းဆိုင် ထိုင်လိုက်တယ်