Let's destroy the system

Chapter-34(Arc-3)

[Unicode]

Zombie World

စစ်ဆင်ရေးအတွက် သူတို့စတင်ဆွေးနွေးကြတယ်။Ryuuရဲ့ အိမ်က မြို့တော်Dမှာရှိတဲ့အတွက် သူတို့တွေ မြို့တော် Bနဲ့Cကို ဖြတ်သွားရမယ်။

တစ်ချိူ့တပ်ဖွဲ့ခေါင်းဆောင်တွေက တပ်ဖွဲ့၁၀ဖွဲ့ကိုခေါ်သွားစေချင်တယ်။

တစ်ချိူ့ကျ သဘောမတူ၊အကြောင်းအရင်းက အဆင့်၃ဇွန်ဘီကြောင့်ပဲ။ခေါင်းဆောင်မရှိမှန်းသိတာနဲ့ အင်အားတစ်ဝက်ပဲရှိတော့တဲ့ သူတို့စစ်တပ်ကို လာတိုက်မှာ စိုးရိမ်လို့ပေ။

အချင်းချင်းငြင်းကုန်နေကြရင်း အာသာရော အဓိကဇာတ်ဆောင် ၄ယောက်အပါအဝင်ကတော့ ဘာမှဝင်မဆွေးနွေး။

'၁၀ဖွဲ့ခေါ်သွားတာတောင် နည်းတယ်လို့ ခံစားရတယ်။သေတ္တာက ဇွန်ဘီဖြစ်စေတဲ့ မူရင်းအစ!သေတ္တာနားမှာ စောင့်ကြပ်နေမယ့် အဆင့်၃ဇွန်ဘီကောင်တွေကို စဉ်းစားကြည့်စမ်း!အခွင့်အရေးက တစ်ကြိမ်ပဲရှိတယ်!စစ်ဆင်ရေးကျဆုံးတာနဲ့ Ryuuသေတာနဲ့ အရင်လိုကမ္ဘာကြီးပြန်မဖြစ်နိုင်တော့ဘူး'

နောက်ဆုံး တပ်ဖွဲ့ခေါင်းဆောင်တစ်ယောက်ရဲ့ စကားကြောင့် အကုန်လုံး တိတ်ဆိတ်ကုန်တယ်။

အခွင့်အရေးက Ryuuရှိသရွေ့အဆင်ပြေနိုင်တယ်၊မတော်လို့ စစ်ဆင်ရေးကျဆုံးသွားပြီး Ryuuသာ တစ်ခုခုဖြစ်ခဲ့ရင်....သူတို.မတွေးဝံ့တော့။

'ခင်ဗျားက အဲ့လောက် အားနည်းတာလား'
Ryuuရဲ့ မေးသံတိုးတိုးက သူတို့ကို အံ့ဩစေတယ်။Reiက Ryuuရဲ့ ခေါင်းကို ကလေးတစ်ယောက်လို ဖွလိုက်ရင်း

'မင်းကို ကာကွယ်ပေးမယ့် ကိုယ်က အားနည်းပါ့မလား'

'ဒါဆို ကျွန်တော်တို့ နှစ်ယောက်ပဲသွားကြမလား'

'အဲ့လိုပဲ သွားကြမလား'

အကုန်လုံးလိုလို သူတို့နှစ်ယောက်စကားကြောင့် ထိုင်ခုံပေါ်က ပြုတ်ကျမတက်ပေ။

တဆိတ်လောက် အကိုလေးတို့!ဟန်နီးမွန်းထွက်နေတာမဟုတ်ပါဘူးနော်!!

'ခေါင်းဆောင်!အဲ့လိုလုပ်လို့မဖြစ်ပါဘူး'
ငြိမ်နေတဲ့အာသာက ပထမဆုံးအကြိမ် စကားပြောလိုက်တယ်။