Unicode
ယဥ်နှောင်းလက်ပံ အခုမှပင် အင်္ကျီ အတည့်
နှင့် ကြည့်ကောင်းသွားသော ကြီးမြတ်ပိုင်ချီဘက်လှည့်လိုက်သည်။
" ချီ ငါ့နောက်လိုက်လာတာလား "
" လိုက်မလာလို့မရဘူးလေ ညက ခင်ဗျား အတော်ပင်ပန်းသွားတယ်မလား "
" ကြီးမြတ်ပိုင်ချီ "
ဒီအကောင်ကစကားကို ဘယ်လိုဖြစ်လို့ ဒဲ့ပြောနိုင်ရတာလဲ ။
" မဟုတ်လို့လား နာနေသေးလား ယဥ်ယဥ် ကျုပ်ဆေးတော့လိမ်းပေးထားတယ် ။ ကျုပ်က ကြမ်းကြမ်းရမ်းရမ်းဆိုတော့ ခင်ဗျား ခံနိုင်ရည် မရှိမှာဆိုးလို့ "
" ကြီးမြတ်ပိုင်ချီ ပါးစပ်ပိတ် "
" နေပါဦး ခင်ဗျားက ဘာဖြစ်လို့ အဲ့အကောင်နဲ့ အတူတူထိုင်နေရတာလဲ "
ချီ မေးလိုက်တော့ ဘေးက အညိုစင်က မပြောချင်ဟန်ပြလာသည်။
" ချီ "
" မဟုတ်မှ သွေးစက်ရိပ်မာန်ကို ခင်ဗျားကြိုက်နေတာလား ယဥ်နှောင်းလက်ပံ "
" ကြီးမြတ်ပိုင်ချီ ပေါက်ကရတွေလာမပြောနဲ့ "
" အဟက် မဟုတ်လို့လား ရည်းစားစကားအပြောခံနေရတာတောင်မှ Blueberry cake ကစားနိုင်သေးတယ် ဘာလဲ ခင်ဗျားက အစားနဲ့မြှားရင် ရတယ်ပေါ့ ယဥ်ယဥ် "
" ကြီးမြတ်ပိုင်ချီ "
" ကျုပ်နာမည် အလကားရတိုင်းခေါ်မနေနဲ့"
တစ်မနက်လုံး သူကတော့ လိုက်ရှာနေလိုက်ရတာ ။
စာထဲမှာကျ မေမေခေါ်သွားလို့ဆိုပြီး အပြင်မှာကျ ကိတ်မုန့်တောင်စားနေလိုက်သေးတယ်။
" ငါဘာသာ သူ့ကိုကြိုက်ကြိုက်မကြိုက်ကြိုက်မင်းနဲ့ဘာဆိုင်လဲ ကြီးမြတ်ပိုင်ချီ "
ကျွီ ဒုန်း
" ချီ "
ကား ကို ရုတ်တရက်ကြီး ဘရိတ်ဆောင့်အုပ်လိုက်တာမို့ ယဥ်နှောင်းလက်ပံ လန့်သွားရသည် ။
" အေး သတ္တိရှိရင် ခင်ဗျားကြိုက်ရဲ ကြိုက်ကြည့်လိုက်လေ ။ ခင်ဗျားနဲ့ ကျုပ်က ညားထားပြီးသား သူတွေ ။ ပြောရရင် ခင်ဗျားက ကျုပ်တစ်ယောက်ထဲရဲ့ ပိုင်ဆိုင်မှုပဲ ယဥ်နှောင်းလက်ပံ "
YOU ARE READING
My Impressive Husband
RomanceThe entire story line and character names are just the imagination of the author.
