Unicode
" ဘယ်လိုလဲ ကြီးမြတ်ပိုင်ချီ မင်းသူ့ဆီသွားရဲသေးလား "
ချီ မယ်မယ့်ကိုကြည့်လိုက်တော့ မယ်မယ်ကတစ်ကယ်ကိုအပြစ်မလုပ်ထားသလိုမျိုးသူတစ်ယောက်လိုပင်။
" ကြီးမြတ်ပိုင်ချီ မယ်မယ့်စကားနားထောင်နော် ။ စံပယ်မြတ်ဟန် ကို မကြိုက်ဘူးမလား ရတယ် မယ်မယ် အတင်းအကျပ် မလုပ်တော့ဘူး ဒါပေမဲ့ ယဥ်နှောင်းလက်ပံ တော့ မဖြစ်ဘူး "
" မယ်မယ့် ကိုယ် မယ်မယ် မှန်တယ် ထင်နေတာ လား "
" သားချီ "
" မယ်မယ်အစထဲက ဒယ်ဒီ့ကိုလက်မလွှတ်နိုင်ရင်လည်း မိဘတွေပေးစားတဲ့သူကိုဘာလို့ယူသေးလဲ ။ သူ့ဟာသူ တည်ငြိမ်နေတဲ့
ဒယ်ဒီ့ဘဝကိုဖျက်ဆီးပစ်တာ မယ်မယ်ပဲ ။ ဘာအပြစ်မှမရှိတဲ့ ယဥ်ယဥ့်အမေကိုသတ်ပစ်တာလည်း မယ်မယ်ပဲ အခုလည်း
ယဥ်ယဥ့်ဘဝကိုဖျက်ဆီးဖို့ မယ်မယ် ကြိုးစားနေပြန်ပြီ "ကြီးမြတ်ပိုင်ချီ မယ်မယ့်ရှေ့မှ မြန်မြန်သာထွက်လာချင်နေပြီ။
" ချစ်လို့လေ မယ်မယ် မင်းဒယ်ဒီကို ချစ်လို့ လေ သားချီ ။ မယ်မယ် တို့ချစ်လာခဲ့တာ နှစ်တွေအကြာကြီးပဲ မယ်မယ်လက်ထပ်သွားတာနဲ့မင်းဒယ်ဒီကမြခက်နွယ်ဆိုတဲ့မိန်းမနဲ့ ပျော်နေကြတာ "
" ခင်ဗျား မပြတ်သားလို့လေ မယ်မယ် ဘယ်သူ့အပြစ်မှ မဟုတ်ဘူး "
" မယ်မယ် ဂရုမစိုက်ဘူး သားချီ မင်း သူ့ကို ချစ်လို့မရဘူး "
" မယ်မယ်က အတ္တတွေ ကြီးလိုက်တာ "
" သားချီ မယ်မယ့်ကို ချစ်ရင် ယဥ်နှောင်းလက်ပံကို စွန့်လွှတ်လိုက်ပါနော် ။ သူကသာမန်အညတရ ကောင်လေးသာသာပါကွယ် "
" သာမန်အညတရကောင်လေးကိုပဲ မယ်မယ်ကလွှတ်ထားပေးလို့မရဘူးလား ကျုပ်တောင်းဆိုတာပါ "
ချီ့စကားကြောင့် မယ်မယ်က ရှေ့တိုးလာပြီး သူ့ကိုနားမလည်သလိုအကြည့်မျိုးနှင့်ကြည့်လာသည်။
သားအမိနှစ်ယောက် လုံး မျက်ရည်တွေကျနေကြသော်လည်း ဒီအတိုင်း ရပ်နေဆဲ။
" အခု ဘာမဟုတ်တဲ့ကောင်တစ်ယောက်အတွက် မျက်ရည်ကျနေတာလား ကြီးမြတ်ပိုင်ချီ "
YOU ARE READING
My Impressive Husband
RomanceThe entire story line and character names are just the imagination of the author.