Unicode
နှာခေါင်းထိပ်ဖျားက မှဲ့နက်ကလေးကို ချီ ခပ်ဖွဖွလေး လက်မလေးနဲ့ ထိကြည့်လိုက်သည်။
ယဥ်နှောင်းလက်ပံ ကို စတွေ့တော့ နေရောင်ခြည်လဲ့လဲ့အောက်မှာ နှာခေါင်းထိပ်ဖျားက မှဲ့နက်ကလေးကို ချီ အရင်ဆုံး သတိထားမိခဲ့တာ။
အဲ့ဒီအချိန် တင်္ဒဂလေးအတွင်းမှာပဲ ယဥ်နှောင်းလက်ပံဆိုတဲ့ အညိုရောင် ချောကလက်လေးက ချီ့နှလုံးသားထဲမှာ နေရာယူပြီးသွားပြီ။
ကျုပ်နဲ့အိပ်မလား ယဥ်ယဥ်လို့ မေးခဲ့ရမှာ မဟုတ်ဘူး ကျုပ်ကို ချစ်နိုင်မလားယဥ်ယဥ်လို့ မေးခဲ့ရမှာ။
" မောင့်ကို မမုန်းပါနဲ့နော် ယဥ်နှောင်းလက်ပံ "
ယဥ်နှောင်းလက်ပံ ချီ့ ပါးကို လက်နဲ့အုပ်ကိုင်လိုက်တော့ မျက်ဝန်းညိုတွေကိုပိုင်ဆိုင်ထားသည့်လူဆိုးကောင်က ပြန်ကြည့်လာသည်။
" မုန်းစရာလား ချီ မင်းကို ငါ မမုန်းဘူး မုန်းလို့မရနိုင်တာဆို ပိုမှန်လိမ့်မယ် "
" ကျေးဇူးတင်ပါတယ် "
" မလိုပါဘူး မောင်ရယ် ငါ နားလည်တယ် "
" မောင် မင်းကို "
" အခုမပြောနဲ့ဦး ငါတို့ မှာ အချိန်တွေအများကြီး ရှိသေးတယ် မောင် "
" ခင်ဗျား အဲ့အချိန်အထိ မောင့်အနားမှာ ရှိနေပေးမှာလား "
" ဒါပေါ့ "
လိုချင်တဲ့ အဖြေရသွား၍ ချီက ကလေးတစ်ယောက် လို ကြည်ကြည်လင်လင်နဲ့ပြုံးလာသည်။
" ဒါဆို မောင်တို့ ထွက်သွားကြမယ် ယဥ်ယဥ် လိုအပ်တာတွေ ထည့်ကြမယ်နော် လာ "
" ချီ "
" မောင့်စကားနားထောင်နော် ခင်ဗျားကို မောင်က ကာကွယ်ပေးပါ့မယ် ခင်ဗျားက မောင့်စကားကိုပဲနားထောင်ပေးပါ "
" ဘာတွေဖြစ်လာမှာမို့လို့လဲ ချီ "
ယဥ်နှောင်းလက်ပံ မေးလိုက်သော်လည်း ချီက စိတ်မပူဖို့ပဲ ပြောလာသည်။
" ဘာတွေပဲဖြစ်လာဖြစ်လာ ခင်ဗျားကို မောင်က အသက်နဲ့လဲပြီး ကာကွယ်မှာ ။ စိတ်မပူပါနဲ့ ခင်ဗျားဘေးမှာ မောင်ရှိနေသ၍ ခင်ဗျားထိခိုက်ဒဏ်ရာတစ်ခုတောင်မရစေရပါဘူး "
YOU ARE READING
My Impressive Husband
RomanceThe entire story line and character names are just the imagination of the author.
