Unicode
" မင်းကိုမွေးစားထားတာ ယဥ်ယဥ် "
" မေမေ "
သူ့ကို နားမလည်သလိုလေး ကြည်လာသည့် ယဥ်ယဥ့်ကြောင့် ယုယခိုင် အိတ်ထဲကနေ စာအိတ်တစ်အိတ်ထုတ်ပေးလိုက်သည်။
" ဖတ်လိုက် ယဥ်ယဥ် မင်းအတွက် မင်းမေမေထားခဲ့ပေးတာ "
လက်ထဲသို့ရောက်လာသော စာအိတ်အား
ယဥ်နှောင်းလက်ပံ ချက်ချင်း ဖောက်ကြည့်လိုက်သည်။
//
သို့
ဒီစာကိုဖတ်နေတဲ့အချိန် မေမေ့သားလေးက အရွယ်ရောက်နေလောက်ပြီပေါ့နော်။
အကြောင်းအမျိုးမျိုးကြောင့် သားကို မေမေစွန့်ပစ်ခဲ့ရလို့ အားနာရပါတယ်။
ယဥ်နှောင်းလက်ပံဆိုတာ သားအတွက်မေမေစဥ်းစားထားတဲ့နာမည်လေးလေ သားကြိုက်တယ်မလား။
သားကိုမေမေသိပ်ချစ်ပါတယ် ကောင်းကောင်းမွန်မွန် ကြီးပြင်းလာပေးပါ။
//
" ယဥ်ယဥ် ဘာလို့ဖြဲပစ်ရတာလဲ "
" မေမေလိမ်နေတာမလား ကျွန်တော်က မွေးစားသားဆိုတာ ပြီးတော့ ဒီစာလေးတစ်စောင်နဲ့ပဲ သေချာပြောလို့မရဘူးလေ မေမေ "
ခေါင်းငုံ့ထားလျက်ဖြင့်သာ သူ အတုန်တုန်အရီရီဖြင့် ပြောမိသည်။
" ဒါကအမှန်တရားပဲ ယဥ်နှောင်းလက်ပံ "
" ဟင့်အင်း မေမေလိမ်နေတာ ကျွန်တော် မယုံဘူး "
" ယဥ်နှောင်းလက်ပံ "
စီးကျလာတဲ့မျက်ရည်တွေကို မသုတ်အားသေး သူ မေမေ့ကို မော့ကြည့်မိသည်။
" ဘာလို့ စွန့်ပစ်ခဲ့တာလဲ သူက "
" ငါလည်းမသိဘူး "
" မေမေ "
ယုယခိုင် သက်ပြင်းသာ ချမိသည် ။
" တစ်ကယ်မသိတာ ယဥ်ယဥ် ။ မြခက်နွယ်နဲ့ငါက သာမန်သူငယ်ချင်းပဲ ။ မင်းမေမေက ငါနဲ့ အရမ်းကြီးရင်းနှီးတဲ့ ဆက်ဆံရေးမျိုးမရှိဘူး ။ မြခက်နွယ်က အရမ်းလည်းလှသလို အရမ်းလည်း ရည်းစားရှုပ်တယ် ကောင်လေးတွေတစ်ယောက်ပြီးတစ်ယောက်တွဲတယ် ဘဝကို သူပျော်သလိုဖြတ်သန်းတယ် ။ တက္ကသိုလ် နောက်ဆုံးနှစ်မှာ မင်းမေမေပျောက်သွားတယ် ။ငါအဆက်အသွယ်လုပ်ကြည့်ပါသေးတယ် ဒါပေမဲ့ အစတောင်ရှာလို့မရခဲ့ဘူး "
BINABASA MO ANG
My Impressive Husband
RomanceThe entire story line and character names are just the imagination of the author.
