Ring~~~
အိပ်နေတုန်းဖုန်းသံမြည်လာသဖြင့် မျက်လုံးမဖွင့်ဘဲ
ဖုန်းစမ်းကာကိုင်လိုက်သည်။
"ဟယ်လို"
"ကိုကို ညီမလေးကိုတံခါးလာဖွင့်ပေးဦး"
တစ်ဖက်ကချိုချိုသာသာမိန်းကလေးသံလေးထွက်လာမှသာ
ဖုန်းscreenမှာပေါ်နေတဲ့contactကိုကြည့်လိုက်တော့
"သော်တာ💙"လို့မှတ်ထားသည်ပင်။
ကြည့်ရတာ ဘဲလ်တီးသံမကြားရတာနဲ့
ဖုန်းဆက်ပြီး တံခါးဖွင့်ခိုင်းတယ်ထင်ပ။
"ကိုကို ကြားလား၊တံခါးလာဖွင့်ပေးဦးလို့"
"အေးးအေး လာပြီ"
ဖုန်းချပြီးထထိုင်လိုက်တော့ဘေးနားမှာကွေးကွေးလေးဖက်အိပ်နေကြတဲ့ ကြောင်ဝါကလေးနှစ်ကောင်ကို
တွေ့လိုက်ရသည်။ညက အချိန်လင့်နေတာနဲ့
ကလေးတွေအတွက်အိပ်ယာသီးသန့်မလုပ်ပေးဘဲ
သူ့ကုတင်ပေါ်မှာပဲသိပ်လိုက်တာ။
ဘာအနံ့မှမရတာကြောင့် ကုတင်ပေါ်မှာချီးပါသေးပေါက်
မလုပ်ထားမှန်းသိလိုက်ရသည်။ကြောင်လေးတွေက
ထမင်းစားတတ်တဲ့အရွယ်လေးတွေဖြစ်သဖြင့်
တွေ့တဲ့နေရာမှာ လက်လွတ်စပယ်ကျင်ကြီးကျင်ငယ်
မစွန့်တတ်ဘူးလို့ပဲ သူတွေးလိုက်တယ်။
ညတုန်းကလဲထမင်းဆာနေမှာစိုးသဖြင့်မနက်ကကျန်တဲ့
ထမင်းအနည်းငယ်ကိုအသင့်ကြော်ထားတဲ့ငါးကို
အသားဖတ်လေးတွေခွာပြီးနယ်ကျွေးလိုက်တော့
စားလိုက်ကြတာအားရပါးရပင်။
စားပြီးဗိုက်လေးသွားကြတော့ ငုတ်တုတ်လေးတွေထိုင်ရင်း
နဲ့ပင် မျက်လုံးလေးတွေစင်းကျပြီးငိုက်နေကြသည်မှာ
တကယ်ပင်ချစ်စရာကောင်းလှ၏။
ဘယ်လိုလူတွေကများ ဒီလောက်ချစ်စရာကောင်းတဲ့ကလေး
တွေကိုအိတ်ထဲပိတ်ပြီးလာပစ်ရပါသလဲ၊ပြီးတော့
ဒီအရွယ်လေးတွေတောင် ရောက်ပါပြီဆိုမှ။
အိပ်နေတာလေးတွေနှိုးသွားမှာစိုးသဖြင့်စောင်ကို
အသာခွာချကာ ကုတင်ပေါ်ကဆင်းလိုက်ပြီး
ဘေးနားကစားပွဲပေါ်ကသော့ကိုလှမ်းယူလိုက်ပြီး
အခန်းထဲကထွက်လာလိုက်သည်။
ကလန့်ချထားတာကိုဆွဲချလိုက်ပြီးခြံပြင်လှမ်းကြည့်လိုက်တော့အထုပ်အပိုးတွေနဲ့သော်တာ့ကိုတွေ့လိုက်ရသည်။
သူ့ကိုမြင်တော့ အားနေတဲ့လက်တစ်ဖက်ရမ်းပြလာသည်။
YOU ARE READING
ROYAL HUSBAND
Random"ကျုပ်နာမည် တော်ဝင်ယောက်ျား၊အများစုကတော့ Royalလို့ခေါ်ကြပေမယ့် ခင်ဗျားကတော့ ယောက်ျားလို့ခေါ်ချင်ခေါ်ပေါ့" "မင်းးး" Zawgyi "က်ဳပ္နာမည္ ေတာ္ဝင္ေယာက္်ား၊အမ်ားစုကေတာ့ Royalလို႔ေခၚၾကေပမယ့္ ခင္ဗ်ားကေတာ့ ေယာက္်ားလို႔ေခၚခ်င္ေခၚေပါ့" "မင္းးး" တော်ဝင်ယောက်ျား...
