အိမ်မှာတစ်ယောက်တည်းနေတုန်း
မနေ့ညကခြံရှေ့ကအရိပ်မည်းကြီးရောက်လာမှာစိုးသဖြင့်
ဆိုင်သို့ခါတိုင်းအချိန်ထက်စောစွာ သူထွက်လာခဲ့လိုက်သည်။
မနက်ခင်းစာကိုတောင် ခါတိုင်းလိုထမင်းပူပူချက်မစား
တော့ဘဲ နို့နှင့်ပေါင်မုန့်အမြန်သွပ်ခဲ့ရသည်။
လူတိုင်းအချိန်တန်သေရမှာကိုသိပေမယ့်
သူက လက်နက်တွေကြောင့်သေရမှာကိုအတော်
ကြောက်သည်။ဓားနဲ့ထိုးလို့ချက်ကောင်းထိပြီးသေ၊ဒါမှမဟုတ် သေနတ်မှန်ပြီးဘာမှမခံစားရဘဲ
တစ်ခါထဲသေသွားတာဆိုဟုတ်သေးတယ်။
လူသတ်သမားက တစ်ခါထဲအသေမသတ်ဘဲ
ညှင်းပန်းနှိပ်စက်ပြီးမှသတ်မယ်ဆိုရင်ဘယ်လိုလုပ်မလဲ။
ပြီးတော့ သူကလည်းတစ်ယောက်တည်း
နေတဲ့လူ။
စက်ဘီးနင်းနေရင်းပင် အရပ်ရှစ်မျက်နှာသို့
အရိပ်အခြေကြည့်ရသည်။လူသွားလမ်းကြီးမှာတော့
မရှိလောက်ဘူးမလားးးး????
အဝေးကနေသူ့ဆိုင်ရဲ့ပုံရိပ်လေးမြင်မှစိတ်အေးရသည်။
မိန်းလမ်းမကြီးနဲ့သိပ်မဝေးတော့သဖြင့်
လူသွားလူလာမပြတ်တာကြောင့် စိတ်ချရသည်။
ဟင်!ဆိုင်ရှေ့က ဘယ်သူကြီးလဲ???
ဆိုင်ကယ်အမည်းကြီးပေါ်မှာ ခြေတစ်ဖက်ချိတ်ထိုင်နေသောလူ။
ဒီတိုင်းပဲ သူ့ဆိုင်ရှေ့တစ်ယောက်ယောက်ကိုစောင့်နေတာဟုသာ
ထင်လိုက်သည်။
စက်ဘီးကိုဆိုင်ထောင့်ကမြေကွက်လပ်မှာရပ်လိုက်သည့်တိုင်
ဆိုင်ရှေ့ကလူကို သူသေချာမကြည့်မိ။
စက်ဘီးရှေ့ခြင်းထဲကကြောင်လေးတွေကိုထုတ်ကာ
ပွေ့ချီလိုက်သည်။အရွယ်ငယ်သေးသဖြင့်
လက်တစ်ဖက်ထဲနှင့်ပင် ကြောင်နှစ်ကောင်လုံးကို
ထိန်းထားလို့ရသည်။
အမှတ်မထင် ဆိုင်ကယ်ပေါ်ကလူကိုကြည့်လိုက်တော့
ထိုလူကလည်း သူ့ကိုစူးရဲစွာစိုက်ကြည့်နေသည်ပင်။
ဟင်!ဟိုလူဆိုးကောင်
အမည်းနှင့်အဖြူကွက်ကျားရှပ်အက်ျီကို
ဂျင်းဘောင်းဘီနှင့်ရိုးရိုးရှင်းရှင်းဝတ်ဆင်ထားသော်ငြား
ရုပ်ရည်ရူပကာကသာမန်ထက်သာလွန်နေတော့
အတော်လေးကြည့်ကောင်းသည်မှာ အမှန်ပင်။
တကယ်မနာလိုစရာကောင်းအောင်ပင်
လူဆိုးကောင်က ချောမောလွန်းတယ်။
YOU ARE READING
ROYAL HUSBAND
Random"ကျုပ်နာမည် တော်ဝင်ယောက်ျား၊အများစုကတော့ Royalလို့ခေါ်ကြပေမယ့် ခင်ဗျားကတော့ ယောက်ျားလို့ခေါ်ချင်ခေါ်ပေါ့" "မင်းးး" Zawgyi "က်ဳပ္နာမည္ ေတာ္ဝင္ေယာက္်ား၊အမ်ားစုကေတာ့ Royalလို႔ေခၚၾကေပမယ့္ ခင္ဗ်ားကေတာ့ ေယာက္်ားလို႔ေခၚခ်င္ေခၚေပါ့" "မင္းးး" တော်ဝင်ယောက်ျား...
