"အာ....အိမ်ရှေ့ထိမလာနဲ့လေ"
". ......"
"ကိုစေတို့ ကို့အပေါ်ငြိုငြင်သွားမှာကို မယ်မလိုလားဘူး"
". ......."
"အင်းပါ....မယ်ခနနေလာတော့မှာမို့ အဲ့နားမှာဘဲ
စောင့်နေလိုက်နော်"
". ....."
တစ်ဖက်မှချစ်ရသူက ချစ်စကားတွေတီတီကာကာဆိုကာ
ဖုန်းချသွားသဖြင့် အသည်းယားစွာနှုတ်ခမ်းကိုက်ရင်း
ကြည်နူးနေသူမှာ သူယောင်မယ်သာလျှင်။
ခုလည်း မယ့်ကိုအိမ်အထိလာခေါ်မည်ဆို၍
တားနေရခြင်းပင်။ကိုစေတို့ကတော့ မည်သို့မျှဆိုမလာပေမယ့် သူမတို့ကအလိုက်တသိ
ဆင်ခြင်ရမယ်မဟုတ်လား။
သူမအနေနဲ့ ခုလက်ရှိသူမရဲ့ရွေးချယ်မှုအတွက်
နောင်တရခြင်းစိုးစဥ်းမျှမရှိပေ။ဒီလူကို လက်လွှတ်လိုက်ရမှ
သာ သူမအနေနဲ့ဝမ်းနည်းရလိမ့်မည်။သူရထက်နိုင်က
သူမထင်ထားတာထက်ပင် သူမအပေါ်ချစ်မြတ်နိုးပေးသည်။
အချစ်ခံရတာက တကယ်ပင်ပျော်ဖို့ကောင်းလေသည်။
အလုပ်သွားဖို့အတွက် ယူစရာရှိတာတွေကိုယူကာ
အခန်းပြင်ထွက်လာတော့ ဒေါ်လေးကဧည့်ခန်းအကျဥ်းလေး
မှာထိုင်ကာ သိုးမွှေးထိုးနေလေသည်။
"ဒေါ်လေး သမီးအလုပ်သွားတော့မယ်"
ဒေါ်လေးကသိုးမွှေးဆီအာရုံစိုက်ထားကာမှ သူမအသံကြောင့်
မော့ကြည့်လာကာ နူးနူးညံ့ညံ့ပြုံးပြလာသည်။
အခုနောက်ပိုင်း ဒေါ်လေးရဲ့အပြုံးတွေကလောဘကင်းစင်ကာ
ကြည်ကြည်လင်လင်ရှိလာသည်။ဒေါ်လေးဘက်က
ကွာရှင်းစာချုပ်ပေါ်လက်မှတ်ထိုးခဲ့သော်ငြား
ဦးဇာနည်တော်ဝင်ဘက်ကတော့ တရားဝင်ကွာရှင်းပြတ်စဲတာကို လက်ခံခဲ့ခြင်းမရှိသလို
ဒေါ်လေးကိုလာရောက်တွေ့ဆုံတာလည်း မရှိပေ။
"ညည်းအစ်ကိုကိုလိုက်ပို့ခိုင်းလိုက်လေ၊သူဒီနေ့အလုပ်နားထားတာ"
"ရတယ် ဒေါ်လေး၊ကိုသူရလာခေါ်မယ်တဲ့"
သူမအပြောကို ဒေါ်လေးကသဘောကျစွာ
ခေါင်းတငြိမ့်ငြိမ့်နှင့်ပင်။
"ဒါဆို...သမီးသွားတော့မယ်လေ"
"အေး...အေး"
ဒေါ်လေးကိုနှုတ်ဆက်ကာ တစ်ထပ်တိုက်အိမ်လေးထဲက
ထွက်လာတော့ကိုစေကခြံထဲမှာအလှစိုက်ထားတဲ့အပင်တွေကို
ရေဖြန်းနေလေသည်။အခုနောက်ပိုင်းအေးစက်နေတဲ့
ကိုစေ့ကို သူမသဘောမကျပါ။
YOU ARE READING
ROYAL HUSBAND
Romance"ကျုပ်နာမည် တော်ဝင်ယောက်ျား၊အများစုကတော့ Royalလို့ခေါ်ကြပေမယ့် ခင်ဗျားကတော့ ယောက်ျားလို့ခေါ်ချင်ခေါ်ပေါ့" "မင်းးး" Zawgyi "က်ဳပ္နာမည္ ေတာ္ဝင္ေယာက္်ား၊အမ်ားစုကေတာ့ Royalလို႔ေခၚၾကေပမယ့္ ခင္ဗ်ားကေတာ့ ေယာက္်ားလို႔ေခၚခ်င္ေခၚေပါ့" "မင္းးး" တော်ဝင်ယောက်ျား...
