"ကိုကို...ကျွန်....ကျွန်တော်"
မျက်နှာချင်းဆိုင်မှာထိုင်ကာ သူ့ကိုမျက်တောင်မခတ်
စိုက်ကြည့်နေတဲ့ကိုကို့ရဲ့ဒေါ်လေးကြောင့် Royal
နေရခက်လာသည်။အိမ်ရောက်တာ နာရီဝက်လောက်ကြာ
ပြီဖြစ်သော်လည်း ပျဥ်ထောင်အိမ်နှစ်ထပ်ရဲ့အောက်ထပ်မှာ
သူတို့ကိုထိုင်ခိုင်းကာ အကဲခတ်နေခြင်းပင်။
"ဒေါ်လေး!!"
"အမယ်လေးတော် ငါ့တူတို့များကောင်လေးကို
တွန့်တိုလိုက်တာ၊မင်းကောင်လေးက ချောလွန်းလို့ပါကွယ်"
ကိုယ်ချောတာကိုယ်သိပေမယ့် ချစ်ရသူရဲ့အဒေါ်က
ရုပ်ရည်နဲ့ပတ်သက်ပြီးအကောင်းမြင်ပေးလို့ Royal
ဂုဏ်ဆာမိတာအမှန်။
"ကျွန်တော့်ကောင်လေးရှက်နေပြီဗျ၊ပြီးတော့
တစ်ချိန်လုံးကားစီးလာရတာ ပင်ပန်းနေပြီ"
"အိုတော်....ကားပေါ်ထိုင်လိုက်ခဲ့ရတာဖြင့်
မောင်းရတာလည်းမဟုတ်ဘဲ ဘာပင်ပန်းတာတုန်း"
ဟန်ဆောင်ခြင်းမရှိ ဒဲ့တိုးပြောလာသဖြင့်
သူ့မှာရှက်အမ်းအမ်းဖြစ်ရသည်။ကိုကိုကတော့
ဒေါ်လေးတို့နဲ့နေသားကျပြီးသားဖြစ်သဖြင့်
သူ့ဘက်လှည့်လာကာ အားနာပြုံးပြသည်။
"ပြီးတော့ ညနေလည်းရောက်တော့မယ့်ဟာ၊
ခုချိန်နားရင်အိပ်ပျော်သွားမှဖြင့် ခေါင်းတွေကိုက်နေဦးမယ်၊
ဖိုးသားကို ရေစည်သယ်ခိုင်းလိုက်မယ်၊
ခနနေ ရေချိုးကျပေါ့"
ရွာကအမြင့်ကျကာ မြေမာဖြစ်သဖြင့်
အိမ်တိုင်းတွင် ရေတွင်းတူးလို့မရ။
ထို့ကြောင့် ရွာမြောက်ပိုင်းကချောင်းကိုသာ
ချိုးရေအဖြစ်အသုံးပြုပြီး သောက်သုံးရေနှင့်ချက်ပြုတ်ရေး
အတွက်တော့ ရွာလယ်ပိုင်းကကျောက်တွင်းကိုသာ
အသုံးပြုကြသည်။တကယ်တမ်းပြောရရင်
ရွာက မီးပင်မရသေးသောရွာဖြစ်သည်။
ဖိုးသားက နွားသွင်းသွား၍အိမ်မှာမရှိ။
"ကလေးကိုသက်သက်မဲ့ပန်းအောင် ရေစည်သယ်ခိုင်းမနေပါနဲ့ ဒေါ်လေးရယ်၊
ကျွန်တော်တို့ပဲ ကိုယ်တိုင်သွားချိုးလိုက်မယ်၊
ဒီရွာမရောက်ဖူးတာမှမဟုတ်တာ"
"အိုတော်....ဧည့်သည်ကိုဧည့်ဝတ်မကျေရာ
ကျမှာစိုးလို့ပေါ့ကွယ်"
YOU ARE READING
ROYAL HUSBAND
Random"ကျုပ်နာမည် တော်ဝင်ယောက်ျား၊အများစုကတော့ Royalလို့ခေါ်ကြပေမယ့် ခင်ဗျားကတော့ ယောက်ျားလို့ခေါ်ချင်ခေါ်ပေါ့" "မင်းးး" Zawgyi "က်ဳပ္နာမည္ ေတာ္ဝင္ေယာက္်ား၊အမ်ားစုကေတာ့ Royalလို႔ေခၚၾကေပမယ့္ ခင္ဗ်ားကေတာ့ ေယာက္်ားလို႔ေခၚခ်င္ေခၚေပါ့" "မင္းးး" တော်ဝင်ယောက်ျား...
