လမ်းမကြီးတစ်လျှောက် မီးလုံးတွေထိန်ထိန်လင်းနေပေမယ့်
လမ်းကြားအကွေ့လေးမှာတော့ မီးလုံးတွေက
ဟိုတစ်ကွက်ဒီတစ်ကွက်အပြင် သစ်ပင်ရိပ်တွေကလည်း
မှောင်နေသဖြင့် ကျောချမ်းစရာပင်။
ခါတိုင်းပြန်နေကျလမ်းဖြစ်သဖြင့် လဝန်းသော်တာစိတ်ထဲ
တော့ကြောက်ရွံ့ခြင်းမဖြစ်မိပေ။ဒီရပ်ကွက်က လူရည်သန့်တွေ
နေတာကြောင့်လည်း ပါတာပေါ့။
အဆောင်က ည7နာရီဆိုရင်ပိတ်ပေမယ့်
အဆောင်ပိုင်ရှင်ရဲ့သမီးက အပြင်စျေးဝယ်ထွက်တာ
သူမကိုပါအဖော်ခေါ်သောကြောင့် လိုက်လာခဲ့ခြင်းပင်။
အတော်အတန်လည်းရင်းနှီးသောကြောင့်
ငြင်းဖို့ရာမကောင်း။
အပြန်ကျခုလိုမိုးချုပ်နေပြီပင်။
ပြီးတော့ ရပ်ကွက်ထိပ်မှာအဆောင်ပိုင်ရှင်သမီးရဲ့
ရည်းစားနဲ့ထိပ်တိုက်တွေ့တာကြောင့်
သူမကခုလိုတစ်ယောက်တည်းပြန်လာရခြင်းဖြစ်သည်။
အတူလိုက်ဖို့ခေါ်ပေမယ့် အတွဲကြား
အနှောင့်အယှက်ဖြစ်မှာ မလိုလားပေ။
"ဟေးးညီမလေး တစ်ယောက်ထဲလား"
ရပ်ကွက်ဘောလုံးကွင်းရှေ့ဖြတ်တော့
အမူးသမားနှစ်ယောက်က ထောင့်ကနေယိုင်တိုင်တိုင်ထွက်လာကာ
နှောင့်ယှက်လာကြသည်။
ဘောလုံးကွင်းကျော်လွန်ရင်သူမအဆောင်နဲ့က
ဘယ်လောက်မှမဝေးတော့ပေ။ဒီအမူးသမား
နှစ်ယောက်က ဘယ်လိုလုပ်ပြီးဒီမှာရှိနေရတာလဲ။
မသိချင်ယောင်ဆောင်ကာဖြင့် ခပ်ဝေးဝေးရှောင်ကာ
ခပ်သွက်သွက်သွားမလို့လုပ်တော့ ရှေ့ကနေကာဆီးလာတဲ့
အမူးသမားတွေ။
နောက်ပြန်လှည့်လို့မဖြစ်၊ရှေ့ဆက်တိုးလို့လည်း
မရတဲ့အခြေအနေမှာ သူမကထွက်ပြေးဖို့ရာသာ
တွေးတောလိုက်သည်။အတွေးထက်လည်း
လက်တွေ့ကမြန်ပေသည်။
သို့သော် အမူးသမားနှစ်ယောက်ကသူမထက်မြန်ပေသည်။
သူမလက်ကို အတင်းအကြပ်ဆုပ်ကိုင်ထားကာ
ရွံစရာကောင်းတဲ့ရီဝေဝေအကြည့်တွေနဲ့ နှုတ်ခမ်း
လျှာသပ်ကာကြည့်လာကြသည်။
"ကယ်ကြပါဦးရှင်...ကယ်ကြပါဦး"
"အော်လည်းအပိုပဲနော် အသာတကြည်လိုက်ခဲ့ရင်
ကိုကြီးတို့ကညင်သာပေးမှာပါ"
YOU ARE READING
ROYAL HUSBAND
Random"ကျုပ်နာမည် တော်ဝင်ယောက်ျား၊အများစုကတော့ Royalလို့ခေါ်ကြပေမယ့် ခင်ဗျားကတော့ ယောက်ျားလို့ခေါ်ချင်ခေါ်ပေါ့" "မင်းးး" Zawgyi "က်ဳပ္နာမည္ ေတာ္ဝင္ေယာက္်ား၊အမ်ားစုကေတာ့ Royalလို႔ေခၚၾကေပမယ့္ ခင္ဗ်ားကေတာ့ ေယာက္်ားလို႔ေခၚခ်င္ေခၚေပါ့" "မင္းးး" တော်ဝင်ယောက်ျား...
