ROYAL HUSBAND

Special Extra

(Unicode)

တော်ဝင်ယောက်ျားနှင့်နွေရတုသည်
ချစ်သူသက်တမ်း၂နှစ်ပြည့်ရန် ၃လအလို၌
ထိမ်းမြားလက်ထပ်ရန် နှစ်ဦးသဘောတူခဲ့ကြ၏။

အမှန်ဆိုနွေရတုအနေဖြင့် သူ့အသက်၃၅နှစ်ပြည့်မှသာ
အိမ်ထောင်ပြုဖို့စဥ်းစားချင်သည်။ဤသည်ကို
သူ၏လူဆိုးလေးသည် ထိုမျှအကြာကြီးစောင့်ရလျှင်
ကိုကိုသိပ်ရက်စက်တာပဲဟု ဝမ်းနည်းပက်လက်
ဆိုလာလေသည်။

ဒေါ်လေးတို့ရွာရှိတောင်ထိပ်၌ လူဆိုးလေး၏
လက်ထပ်ခွင့်တောင်းခြင်းအား လက်ခံခဲ့ပြီးဖြစ်သည့်အပြင်
ချစ်ရသူမျက်နှာမကောင်းတာမြင်တော့လည်း
မနေနိုင်သောအကြီးဖြစ်သည့်နွေရတုကသာလျှင်
တော်ဝင်ယောက်ျား၏အလိုအား ခေါင်းညိတ်ခဲ့ရသည်။
ထိုမှသာလျှင် ရွှေမျက်နှာတော်လေးသည်
ပြန်လည်ဝင်းပလာလေတော့သည်။

မည်သို့ဆိုစေ နွေရတုပျော်ပါသည်။

ထိမ်းမြားမင်္ဂလာပွဲသည် လူတိုင်းအတွက်
အရေးပါသည့်အပိုင်းကဏ္ဍတစ်ခုဖြစ်၏။ထို့ကြောင့် တော်ဝင်ယောက်ျားသည် ပြီးစလွယ်မလုပ်လို။
တော်ဝင်ယောက်ျားနှင့်နွေရတုသည် တစ်ယောက်နှင့်
တစ်ယောက် တစ်သက်တာပိုင်ဆိုင်သွားပြီဖြစ်ကြောင်း
အများသူငှာလူတိုင်းသိစေရန်အလို့ငှာ မင်္ဂလာပွဲအား
ခမ်းခမ်းနားနားကျင်းပလိုလေသည်။

သို့သော်နွေရတုသည် သူတို့နှစ်ဦး၏ချစ်ခြင်းအား
အမှန်တကယ်လက်ခံပေးသည့်လူနည်းစုဖြင့်သာ
အသေးစားလက်ထပ်ပွဲလေးကျင်းပလို၏။
ထောက်ထားစရာမျက်နှာရှိ၍ မတတ်သာလို့
ပွဲတက်လာရမည့်လူတွေအား သူ၏ဘဝအတွက်
အရေးပါသောလက်ထပ်ပွဲ၌ မရှိစေလို၊
မရှိသင့်ဘူးဟုလည်းသူမှတ်ယူ၏။

ထို့ကြောင့်အဆုံးမှာတော့ တော်ဝင်ယောက်ျားနှင့်
နွေရတုသည် မြန်မာတို့ဓလေ့ထုံးတမ်းအရ မနက်ခင်း၌သံဃာအပါးတစ်ထောင်အားအာရုံဆွမ်းနှင့်
ဝတ္ထုငွေကပ်လှူဒါန်းမည်။နေ့လယ်ခင်း၌ မြို့တွင်းရှိ
မိဘမဲ့ဂေဟာများသို့သွားရောက်ကာ ကလေးများ
လိုအပ်သည့်ပစ္စည်းမှန်သမျှလှူကာ ထိုကလေးငယ်များ၏
ပညာရေးနှင့်ပတ်သက်သည့်ကိစ္စအဝဝအား
ထောက်ပံ့ပေးသွားမည်ဖြစ်၏။