"ဘာလာလုပ်တာလဲ"
ရှေ့မှာခြေချိတ်ထိုင်နေတဲ့ထိုက်ကိုသူမေးလိုက်တော့
စားပွဲပေါ်က အလှပန်းအိုးကိုတယုတယထိကိုင်ရင်းပင်
သူ့ကို မျက်လုံးလှန်ကြည့်လာသည်။
"အကြောင်းရှိမှလာရမှာလား"
အခန်းထဲဝင်ပြီး အလှလေးနဲ့ထောင့်မကျိုးကောင်
ဘာလုပ်နေလဲမသိရသောကြောင့် သူ့စိတ်တွေက
ပုံမှန်မဟုတ်ချေ။ဒါကို နန်းထိုက်တော်ဝင်က
ပြောစရာရှိတာမပြောဘဲ ဝေ့လည်ကြောင်ပတ်လုပ်နေသဖြင့်
စိတ်အခြေအနေပိုဆိုးလာသည်။
"အကြောင်းမရှိရင်လည်းပြန်တော့"
"စိတ်ကြီးလိုက်တာ...ကျွတ်..ကျွတ်"
ကျွတ်သပ်ကာပင်ပြောလိုက်တော့ မျက်လုံးစိမ်းကြီးတွေ
နဲ့ကြည့်လာသော Royal။စိတ်မကြည်တဲ့သူကိုဆိုလျှင်
ထိုက်က ပိုစချင်သည်။သူ့နေရာမှာ တစ်ခြားသူသာဆို
Royalအကြည့်ကြောင့် ကြောက်ဒူးတုန်နိုင်ပေမယ့်
သူကဘယ်သူမို့လဲ။နန်းထိုက်တော်ဝင်လေ......
"ဆွဲထုတ်ခံချင်နေတာလား"
"အိုကေ...ငါမစတော့ဘူး၊
အဘိုးကမှာလိုက်တယ်၊တစ်ရက်ရက်တော့
အိမ်ပြန်လာပြီး ထမင်းလက်ဆုံလာစားဦးတဲ့"
"ဒါပဲမလား"
"အင်း၊ဘွားတော်ကတော့ အိမ်မှာမင်းမရှိတော့
ပျော်နေတယ်ထင်ပ"
"ဟက်"
ထိုက်စကားအဆုံးမှာ Royalက
သဘောတကျရယ်လာသည်။ပျော်နေမှာပေါ့.....
"တီးတောင်...တီးတောင်"
ခြံရှေ့ကဘဲလ်သံကြောင့် နှစ်ယောက်သား
တစ်ယောက်နဲ့တစ်ယောက်ကြည့်မိသွားသည်။
ဘဲလ်သံကဆက်တိုက်ထွက်လာတာကြောင့်
မကောင်းတတ်သဖြင့် သူတံခါးသွားဖွင့်ပေးရန်ပြင်တော့
အလှလေးကအခန်းထဲကထွက်လာကာ
တံခါးပြေးဖွင့်ပေးလေသည်။
"ကိုကိုကလဲ တံခါးလာဖွင့်တာအကြာကြီးပဲ၊
ကိုစေရာရောက်နေတာလား"
ခြံပြင်မှာရပ်ထားတဲ့ကားကိုမေးငေါ့ရင်းပြောလိုက်သည်။
"သူမနက်ကတည်းက ရောက်နေတာ"
"ကောင်းတာပေါ့၊ဟိုလူဆိုးနဲ့ဆို စိတ်ချရတာမဟုတ်ဘူး"
ဆိုင်မှာ နွေရတုကိုထိကပါးရိကပါးပြောကတည်းက
လဝန်းသော်တာက တော်ဝင်ယောက်ျားကို
အမြင်မကြည်ပေ။ကိုကိုက သူကလူကောင်းလေးလို့ပြောပေမယ့်
အစ်ကိုဖြစ်သူကို လူဆိုးနဲ့တစ်အိမ်ထဲမှာနေတာ
စိတ်မချဖြစ်ရသည်။
YOU ARE READING
ROYAL HUSBAND
Romance"ကျုပ်နာမည် တော်ဝင်ယောက်ျား၊အများစုကတော့ Royalလို့ခေါ်ကြပေမယ့် ခင်ဗျားကတော့ ယောက်ျားလို့ခေါ်ချင်ခေါ်ပေါ့" "မင်းးး" Zawgyi "က်ဳပ္နာမည္ ေတာ္ဝင္ေယာက္်ား၊အမ်ားစုကေတာ့ Royalလို႔ေခၚၾကေပမယ့္ ခင္ဗ်ားကေတာ့ ေယာက္်ားလို႔ေခၚခ်င္ေခၚေပါ့" "မင္းးး" တော်ဝင်ယောက်ျား...
