CHOICE ME (Completed)

Part-15

[Unicode]

ကားထဲဝင်ထိုင်ပြီး ဖုန်းကိုဖွင့်ကြည့်လိုက်
တော့ တစ်စုံတစ်ယောက် ဆီက missed calls
ပေါင်းများစွာကို တွေ့ရတဲ့အခါ ထိုကောင်
လေး၏ အပြုံးတွေဟာ ပိုပို အသက်ဝင်လာခဲ့
သည် ။

" အဟား  . . ."

အိမ်တော်ထဲကနေ ထွက်လာတုန်းကနဲ့
ခြားနားစွာ   ပြုံးရီနေတဲ့ သခင်လေးကို
ကားရှေ့ခန့်က ကိုယ်ရံတော်နှစ်ယောက်က
နောက်ကြည့်မှန်မှတစ်ဆင့် အထူးအဆန်း
ကြည့်ကြသည် ။

မျက်နှာက ဒဏ်ရာဒဏ်ချက်ရဲ့အကျည်းတန်
မှုတွေကို နတ်ဘုရား၏ အပြုံးတွေက
ပိုမိုအနိုင်ယူသွားတဲ့အခါ သူတို့ မျက်ခုံး
ပင့်ရပြီ ။

သခင်မကြီးဆုံးသွားကတည်းက အပြုံးအရယ်
တွေဟာ သခင်လေးနဲ့ လားလားပင်
မဆိုင်တော့သလို ဖြစ်ခဲ့ရာ အခုလိုအပြုံးပန်း
ဝေစေသူဟာ မည်သူလဲ . . . ?

" ပျော်စရာတွေ ရှိတယ်ထင်တယ် . .
သခင်လေး "

ကားမောင်းသူက သိချင်စိတ်မထိန်းနိုင်
တော့ကာ မေးရတော့သည် ။

" သူ စိတ်ကောက်နေလောက်ပြီ !

သိချင်စိတ်ဖြင့် မေးလိုက်သော်လည်း
အမေးတခြား အဖြေတခြားဖြင့် ဖြေသူဟာ
သူတို့ရဲ့ ထင်တိုင်းကြဲ သခင်လေးပေတည်း ။

" အာ . . .ကောင်မလေးလားဗျ ? "

" ကျွန်တော် ချော့ ရတော့မှာ  . . . ! "

အမေးနဲ့ အဖြေနဲ့ မကိုက်ညီတဲ့ အခါ
ကိုယ်ရံတော်ကြီး လက်မြောက်လိုက်ပြီ ။
သူတို့ သခင်လေးက ထင်တိုင်းကြဲ ၊
ပြောချင်တာပြော ၊ လုပ်ချင်တာလုပ်၊
ဘာကိုမှ ဂရုမစိုက်တတ်ဘူး ဆိုတဲ့ စကား
မှန်တယ်  . . . ။

ထိုကောင်လေးဟာ တစ်စုံတစ်ယောက်
ချန်ထားတဲ့ အသံမက်‌ဆေ့ ကို ဖွင့်လိုက်သည်။

⏹️ မင်းငါ့ကို မသုံးတဲ့ ဖုန်းနံပါတ်ကြီး
ပေးတယ်ပေါ့ !! ပြန်လာရဲရင်လာကြည့်
ဥညစ်သတ် ပစ်မှာ !!! ⏹️

အသံစူးစူးလေးက သူတို့သခင်လေး
ဖုန်းထဲကထွက်လာတာကြောင့် ကိုယ်ရံတော်
နှစ်ယောက်မှာ ပြုံးစိစိ ။ သူတို့ သခင်လေး
ကို ဒီလိုပြောရဲတာဆိုလို့က ထိုကောင်လေး
ပဲ ရှိမည် ။ ပေကျင်းမှာဆို မော့တောင်
မကြည့်ရဲရလောက်သည်ထိ အရှိန်ဝါကြီး
သည့် သူတို့ သခင်လေးက ထိုကောင်လေး
ရဲ့ ကြမ်းကြမ်းတမ်းတမ်း ကြက်သီးထဖွယ်
စကားတွေကို အပြစ်ယူဖို့ မပြောနဲ့ ပြုံးပင်
ပြုံးနေလေသည် ။