CHOICE ME (Completed)

Part-36

[Unicode]၃၆
အနက်ရောင်တွေချည်းဆင်ထားတဲ့ တန်ဖိုးကြီး အခန်းတစ်ခုတွင် ယောကျာ်းပျိုတစ်ဉီးဟာ ဝီစကီ ခွက်ကိုကိုင်ရင်း မြို့ပြရဲ့ ညမီးရောင်လက်လက်တွေကို ခပ်မှိုင်းမှိုင်းငေး ကြည့်နေ၏ ။

ဘေးတွင်ကျောက်ရုပ်ပမာ ရပ်နေကြသော လူယုံနှစ်ဉီးသည်လည်း သခင်ဖြစ်သူကို ကာကွယ်ရန်အသင့်ဖြစ်နေကြသည်။

မကြာပါ ။ အနှီယောကျာ်းပျိုဟာ လူယုံနှစ်ဉီးထံအကြည့်ပို့လိုက်တဲ့အခါ မျက်လုံးတွေသည် ယခင်ကလို ခပ်မှိုင်းမှိုင်းမဟုတ်တော့ပါဘဲ တောဘုရင် ခြ‌င်္သေ့တစ်ကောင်ကဲ့သို့ အကြည့်တွေက စူးစူးရှရှ။ ရှည်လျားနဲ့ ထူထဲတဲ့ မျှော့လို့ မျက်ခုံးတန်းတွေဟာလည်း အလိုအလျောက် တွန့်ချိုးသွား၏ ။ ထိုအကြည့်တွေသည် မှန်တံခါးအပြင်တွင် သတိအနေအထားဖြင့် တန်းစီရပ်နေကြသော ဆယ်ယောက်အထက် တိုက်ခိုက်ရေးသမားတွေကိုပါ လွှမ်းမိုးသက်ရောက်၏။

အနှီယောကျာ်းပျိုဟာ သက်လတ်ပိုင်းမဟုတ်သေးသည့်တိုင် အရှိန်အဝါတွေဟာ ကြောက်မက်ဖွယ်ကောင်းလောက်အောင် ရှိနေသည်မို့ မည်သူမျှ မော့ပင်မကြည့်ရဲကြ ။ အနှီလူသား၏ မျက်နှာကို တွေ့မြင် ခွင့်ရကြသူမှာလည်း လူယုံနှစ်ဉီးအပြင် မည်သူမျှ မရှိ ၊ ယုတ်စွအဆုံး သူ၏ Gang သားများပင် Gang အရှင်ကို မမြင်ဖူးကြပေ ။

အကြည်းစူးစူးတွေသည် ခေါက်တင်ထားတဲ့ အနက်ရောင် ရှပ်လက်ရှည်အောက် အကြောစိမ်းတွေ ထနေသည့် လက်ကောက်ဝတ် က ကြိုးနီလေးသို့ ရောက်သွားသောအခါ သိသိသာသာ နူးညံ့သွားလေရကာ ဝီစကီခွက်ကို စားပွဲပေါ် တင်လိုက်ပြီး ထိုကြိုးနီလေးအား ခပ်ဖွဖွ ထိတွေ့၏ ။

" အကုန် အဆင်သင့် ဖြစ်ပြီ Boss "

Long coat ကိုင်ထားတဲ့ လူယုံထံမှ အသံသြရှရှထွက်လာသည်။အနှီလူသားဟာလည်း ခေါင်းတစ်ချက်ငြိမ့်ကာ ဝတ်ပေးလာတဲ့ ကုတ်အင်္ကျီထဲ လက်လျှိုလိုက်ကာ ကမ်းပေးလာတဲ့ ပစ္စတိုတစ်လက်ကို ကြည့်ပြီး ခေါင်းခါလိုက်သည်။

" ကာကွယ်ဖို့ အတွက် ပစ္စတိုတစ်လက်တော့ ဆောင်ထားရပါမယ် Boss "

အနှီလူသားဆီမှ အသံထွက်လာသည်။

" မလိုဘူး ! "