CHOICE ME (Completed)

Part-8

[Unicode]

" ရှောင်းကျန့် ! "

ဖြတ်ခနဲ မော့ကြည့်လာတဲ့ မျက်ဝန်းတွေမှာ
အလိုမကျမှုတွေ အထင်းသား ။ ဒီကောင်
သူ့မျိုးရိုးနာမည်ခေါ်တာကို  မကြိုက်တာလား ?

" နာမည်က ရှောင်းကျန့်လား ? "

ဖြေမလာ ။ မျက်မှောင်ကြီးကို ကျုံးထားဆဲ ။
အကြောတင်းလိုက်တာဗျာ . . .

" ဉီးရှောင်းဝေရဲ့သား  ရှောင်းကျန့် တဲ့"

ဒီကြားထဲ အလိုလိုလေထုက အေးခဲလာသလို
ခံစားလာရတာကြောင့် မနေနိုင်တဲ့ ဆရာဝန်က
ရှောင်းကျန့် အစားဝင်ဖြေပေးလာသည်။
ထို့ကြောင့် ရိပေါ်လည်း ခေါင်းတငြိမ့်ငြိမ့်
လုပ်လိုက်သည် ။

" အဖျားက အဲ့လောက်ကြီး မကြီးဘူး ။
ဆန်ပြုတ်သောက် ၊ ပြီးရင် ဆေးသောက်နော် "

ဆရာဝန်က ဂရုတစိုက် ပြောနေပေမဲ့
ဒီကောင်က ခေါင်းလည်းမငြိမ့်သလို
တုတ်တုတ် ပင်မလှုပ်၊ ကျောက်တိုင်ကြီး
နဲ့ နင်လားငါလားပဲ . . . ။

ဒီကြားထဲ ရိပေါ်ကသာ ဆေးအညွှန်း
ကို ရှောင်းကျန့် အစားမေးရသည် ။

မင်းငါ့ကို အစ်ကိုတော်သင့်ပြီ ရှောင်းကျန့် !

ဆန်ပြုတ်ဆိုလို့ ဆရာဝန်ပြန်သွားတော့
ရိပေါ် မီးဖိုချောင် ထဲ
ဝင်လာခဲ့သည် ။ ညက သူ့ကို ခေါ်ထား
ပေးတာကြောင့် ကျေးဇူးတင်တဲ့ အနေနဲ့
ချက်ကျွေးရမည် ။

သို့သော် ဆန်ပြုတ်လုပ်ဖို့ ဘာလိုအပ်တဲ့
ပစ္စည်းတွေမှ ရှိမနေတဲ့ မီးဖိုချောင် က
ရိပေါ်ကို ကြိုဆိုတယ် ။ ရေခဲသေတ္တာ
ကို ဖွင့်ကြည့်လိုက်တော့ အသင့်စား
ခေါက်ဆွဲဗူးတွေနဲ့ ရေသန့်ဗူးတွေက သာ
ရေခဲသေတ္တာ အပြည့်နေရာယူထားသည်။

ဒီကောင် ခေါက်ဆွဲပြုတ်ချည်း
လိမ့်စားနေတာလား . . ?

ထို့ကြောင့် မီးဖိုချောင် ထဲက ထွက်ကာ
ဟိုကောင်တွေကို ဈေးဝယ်ခိုင်းရန်ပြင်
ရသည်။

" ရှောင်းကျန့် ရော ? ."

ဧည့်ခန်းထဲမှာ မတွေ့တာကြောင့် သေချင်းဆိုး
သုံးယောက်ကို မေးလိုက်ပါတယ် ဂိမ်းထဲ
အာရုံရောက်နေတဲ့ ဒီကောင်တွေက ရိပေါ်ကို
လှည့်တောင် မကြည့်ဘဲ ရှောင်းကျန့် အခန်း
ကို လက်ညိုးထိုးပြသည် ။