CHOICE ME (Completed)

Part-28

[Unicode]

" Sean ရဲ့ လှုပ်ရှားမှုတွေ အားလုံး မျက်ခြေပျက်သွားပါတယ် သခင်ကြီး "

တောက်စ်!!!!

ထို သခင်ကြီး  ဆိုသူက  မျက်နှာများပင်နီရဲလာပြီး ဒေါသထွက်စွာ တတ်ခေါက်သည် ။ Sean ကို ခြေရာခံပြီး ဖမ်းနိုင်ဖို့ သူဘယ်လောက်တောင် ကြိုးစားခဲ့ရသလဲ ? အခုတော့ သဲထဲရေသွန် ။

"  သူ့ လူယုံ ဖေရှီးတို့ရော ? "

"  သူတို့က အခု တရုတ်ပြည်မှာ မရှိကြဘူး ။
နိုင်ငံခြားက ရှောင်း ကုမ္ပဏီ ခွဲတွေမှာ ရောက်နေကြတယ် လို့ သိရတယ် ။  ဖေရှီးတို့က Sean ရဲ့လူတွေ မဖြစ်နိုင်ဘူး လို့ ကျွန်တော်ထင်တယ် ။ သူတို့က တစ်ချိန်လုံး ရှောင်း ကုမ္ပဏီရဲ့ လက်အောက်မှာပဲ ရှိနေကြတာပါ "

ဝန်ကြီး နန်ကျားရုံ နားထင်ကို လက်ဖြင့်နှိပ်နယ်ကာ သူ့ အတွင်းရေးမှူး ကို အပြင်ထွက်ဖို့ လက်ကာပြသည်။

သူလျို့ဝှက်မွေးထားတဲ့ ထောက်လှမ်းရေး
အဖွဲ့က သတင်းစုံစမ်းတဲ့နေရာမှာ အလွန်တိကျသူများဖြစ်ကြသည် ။ သို့သော် အခုတော့ သူ့ကိုယ်သူ သံသယ ပင်ဝင်ချင်လာသည် ။ သူတို့ ဘိန်းထုတ်လုပ်ဖို့ နိုင်ငံခြားက စီးပွားရှာသူတွေနဲ့ တွေ့ဖို့လုပ်တော့ Sean က လက်ဉီးသွားပြီတဲ့ ။ ထို့ကြောင့် သူတို့ တွေ့ဆုံကြတဲ့ နေရာကို တိတ်တခိုး စုံစမ်းတော့ ဖေရှီးဆိုသူနဲ့ ချီယွဲ့တို့နှစ်ယောက် ဝင်လာကြသည် ။ သူ ဖေရှီးနဲ့ ချီယွဲ့ကို ကောင်းကောင်းသိသည် ။ သူတို့က ရှောင်း ကုမ္ပဏီ ဥက္ကဋ္ဌရဲ့ အတွင်းရေးမှူးနှစ်ယောက် ။
ထို့ကြောင့် သူတို့ဟာ Sean ရဲ့ လူတြွေဖစ်ကြောင်းကောက်ချက်ချနိုင်ခဲ့ခြင်း ။

ဒါဆို Sean က ရှောင်းသခင်ကြီးလား ? မဖြစ်နိုင်ဘူး !! ဘာလို့ ရှောင်းသခင်ကြီးက အဲ့လိုလုပ်မှာလဲ ? သူ အတွေးနဲ့တောင် ရှောင်းသခင်ကြီးကို မစွပ်စွဲရဲဘူး ။ ရှောင်းအိမ်တော်ဆိုတာ တရုတ်ပြည် ပေကျင်းမြို့ရဲ့ မျက်နှာဖုံး ။ ကုမ္ပဏီ တွေ အများကြီးရှိပြီး နိုင်ငံတကာမှာတောင် မျက်နှာရနေတဲ့ ဒိတ်ဒိတ်ကြဲသူဌေးကြီး ။ ဒါဆို ဉီးရှောင်းဝေရဲ့သားရော ? ဒါပေမဲ့ သူ့သား ရှောင်းကျန့်  သေသွားတာ (၉) နှစ်နီးပါးတောင်ရှိပြီလေ ။