CHOICE ME (Completed)

Part-11

[Unicode]

" အပြင်မှာ မှောင်တောင် မှောင်နေပြီပဲ "

ရိပေါ် မကျေမချမ်း ရေရွတ်လိုက်သည် ။
လမ်း မီးတိုင်တွေတော့ ရှိပေမဲ့ တစ်ယောက်
တည်းသွားရမှာ ရိပေါ် နည်းနည်းကြောက်
သည်လေ . . . ။

ဆိုင်ထဲသို့ ဝင်လာတုန်းက ညနေ (၅) နာရီ
ပဲ ရှိသေးတာပေမဲ့ စားရင်းသောက်ရင်း
(၆) နာရီထိုးသွားလေပြီ ။ ဆောင်းရာသီ
မလို့ ည (၆)နာရီဆို မှောင်နေပြီ ဖြစ်သည် ။

" ကြောက်တာလား ? "

ဆိုင် အဝလေးမှာ မတ်တပ်ရပ်နေကြရင်း
ရှောင်းကျန့် က ဒီလိုပြောလာတာကြောင့်
ရိပေါ်နှာခေါင်းရှုံ့လိုက်သည် ။

ဒီကောင့် မျက်နှာကြည့်လိုက်တော့ ရိပေါ်
အမှောင်ကြောက်တတ်တာကို ကြည့်ကာ
ရီချင်နေပုံ ၊ နှုတ်ခမ်းပါးတွေကို အနည်းငယ်
တွန့်ကွေးထားတယ် . . . ။ ဒီကောင် ရိပေါ်ကို
လှောင်ချင်တာလား . . . ?

" ကြောက်စရာလား ? 
သွားရဲတယ် . . ."

တကယ်က ကြောက်တယ် ။
ဘတ်စ်ကားနဲ့ သွားရအောင်လည်း ရိပေါ်တို့
မြို့က မြို့ငယ်လေးမလို့ bus နဲ့ သွားစရာ
မရှိ ။ ထို့ကြောင့် ဒီညတော့ တစ်ယောက်တည်း
အိမ်ပြန်ရမည့်ပုံ ။

" ငါ . . . ငါ သွား ပြီ ! "

ရိပေါ် ခါတိုင်းလို မဟုတ်ဘဲ အသံအနည်းငယ်
တုန်နေတာကို ရှောင်းကျန့် သေချာနားထောင်
လျှင် သတိထားမိမည် ဖြစ်သည် ။
.
.
.

" မလှည့်နဲ့ . . .ဟင့်အင်း ! လှည့်မကြည့်နဲ့ "

အနောက်ကနေ လူတစ်ယောက်ယောက်
လိုက်လာသလို ခံစားမိတာကြောင့် ရိပေါ်
ခြေလှမ်း ကို မြန်မြန်သထက်မြန်အောင်
လျှောက်လိုက်သည် ။ သို့သော် နောက်က
လူဟာလည်း ရိပေါ် ခြေလှမ်း တွေ မြန်တာ
နဲ့ အမျှ ပိုပိုမြန်လာသလို . . . ။

လှည့်ကြည့်လိုက်လို့ သရဲဖြစ်နေရင်
ဘယ်လိုလုပ်မလဲ ? ဆံပင်အရှည်ကြီး
ဂါဝန်ဖားလျားနဲ့ သရဲမ ဖြစ်နေရင်ရော . . . ?

မျက်လုံးပြူးပြူး လျှာအရှည်ကြီးနဲ့ သရဲမ
ဖြစ်နေရင်ရော . . ?

"မကြောက်နဲ့ ဝမ်ရိပေါ် မင်းလုပ်နိုင်တယ် ! "

မိမိကိုယ်ကို ပြန်အားတင်းရင်း လမ်းလျှောက်
လာရာ အိမ်ကို သွားတဲ့ လမ်းကို ချိုးတဲ့
လမ်းထိတ် ရောက်လာပြီ ဖြစ်သော်လည်း
နောက်က တစ်ယောက်ယောက် ခြေသံကို
ကြားရဆဲ ။