CHOICE ME (Completed)

Part-18

[Unicode]

" ကောင်းကျဲ ကျွန်တော့်အတွက် ထမင်းဗူး
ကို နှစ်ယောက်စာ ထည့်ပေးနော် ! "

" သား ရှောင်းကျန့် အတွက်လား ? "

မားက ထမင်းစားပွဲ ရှေ့ဝင်ထိုင်ရင်း မေး၏။

" ဟုတ်မား ! "

" အေးကွယ် . . . မိဘတွေ မပါဘဲ တစ်ယောက်
တည်း ဒီမှာ လာနေရတော့ ဒုက္ခရောက်မှာပဲ !
သမီးကောင်း များများထည့်ပေးလိုက် ။
သားရှောင်းကျန့် ဘာကြိုက်လဲ သေချာမေး
လာခဲ့နော် သားငယ် ! "

မားက မနက်စာစားရင်း ကောင်းကျဲကို တစ်လှည့် ၊ သူ့ကို တလှည့်ကြည့်ကာ ပြောသည်။
ပါးကတော့ မနက်စာကို သာခပ်သွက်သွက်
စားနေသည် ။

ကောင်းကျဲက ရိပေါ် တို့ အိမ်မှာ ရိပေါ်ငယ်ငယ်
ကတည်းက အလုပ်လာလုပ်တဲ့ အလုပ်သမား
ဖြစ်သည် ။ ရိပေါ်တို့ ဝမ်အိမ်က ဒိတ်ဒိတ်ကြဲ
လူချမ်းသာတွေ မဟုတ်ပေမဲ့ အကုန် ပညာ
တတ် မိသားစုမို့ အရှိန်ဝါက မသေးလှ ။
ထို့ကြောင့် မားကလည်း သူ့အလုပ်နဲ့သူမို့လို့
မိသားစု ရဲ့ ဝေယျာဝစ္စ တွေကို တစ်ယောက်
တည်း တာဝန်မယူနိုင်တော့ ကောင်းကျဲ
ကို ခေါ်ခဲ့ကြခြင်းပင် ။

" သွားတော့မယ် မား ! "

" အေးအေး . . . သားကျန့်ကိုလည်း အိမ်
ခေါ်လာအုံး ၊ မား အဲ့ကလေးကို ထမင်း
ချက်ကျွေးချင်လို့ ၊ အိမ်ထမင်းရော
စားဖြစ်မှာ မဟုတ်ဘူး ! "

" ဟုတ်ကဲ့ဗျ "

သွားခါနီး ဖိနပ်စီးနေတုန်း မားရဲ့ စကားကြောင့်
ဝမ်ရိပေါ်မှာ ပြုံးလို့ အိမ်က ထွက်လာခဲ့သည်။

သူတို့အိမ်လမ်းကြားထဲက ထွက်လာတော့
ကျောင်းဝတ်စုံလေးကို သပ်သပ်ရပ်ရပ်
ဝတ်ပြီး ရပ်နေသည့် ရှောင်းကျန့် ကို တွေ့ရတာမို့
ရိပေါ်မှာ မျက်လုံးတွေအဝိုင်းသား ။

ရှောင်းကျန့် က သူတို့ အိမ်နားထိ သူ့ကို
လာကြိုတာလား . . .?

သူရောက်နေပြီဖြစ်တာကို ရှောင်းကျန့် က
မြင်တော့ မျက်နှာသေကြီးဖြင့် ကြည့်သည် ။
ထို့နောက် နောက်လှည့်ကာ ကျောင်းသွားဖို့
ပြင်သည်။