CHOICE ME (Completed)

Part-34

[Unicode]

ကနေဒါမှာ တစ်ပတ်နေပြီး ပေကျင်းကို ပြန်လာခဲ့ကြသည်။ တစ်ပတ်အတွင်း နေရာအနှံ့လျှောက်လည်ခဲ့ကြသည် ။ သွားတုန်းက (၃) ရက်လောက်ပဲ နေမယ်လို့ စဉ်းစားထားခဲ့တာမှန်ပေမဲ့ တစ်ပတ်လောက်နေမယ်ဆိုတဲ့ ဝမ်ကြောင့် သူကလည်း အလိုလိုခေါင်းငြိမ့်ပြီးသား ။

" မနက်စာစားမယ် "

မနက် (၇) နာရီထိုးပြီပေမဲ့ အရမ်းချမ်းတာကြောင့် မထသေးဘဲ စောင်ထဲကွေးနေလိုက်သည် ။
သို့သော် ထမင်းစားခန်းမှ ဝမ့်အသံကြောင့် ခေါင်းလေးထောင်လိုက်သည် ။

" ကျန့်ရေ . . . မနက်စာစားမယ်လို့
ထလာတော့ "

ဝမ်က ဒီတစ်ခါတော့ အခန်းထဲထိဝင်လာပြီ။
သို့သော် မထသေးဘဲ ဝမ်သူ့နားရောက်လာမဲ့ အချိန်ကို အူပုတ်စွာစောင့်နေလိုက်သည် ။

မကြာပါ ။ ဝမ်က သူခြုံထားတဲ့ စောင်ကို လှန်လာတာမလို့ လက်ကနေ လှမ်းဆွဲကာ မျက်နှာအနှံ့ တမွမွနမ်းနေလိုက်သည် ။ ကြက်တောင်စည်း လေးနဲ့ လှချင်တိုင်းလှနေတဲ့
ဝမ်ခမျာ သူ့မျက်နှာကို လက်နဲ့ကာပြီး ရုန်းနေတော့သည် ။

" ထတော့ဆို ! အသားယူနေတယ်ရော "

" အစောကြီးထသွားတာကို "

" ဟောဗျာ. . .မနက်စာပြင်ဖို့ ထတာလေ။
ကဲ  ထတော့ ! မနက်စာစားမယ် "

မထချင်သေးပေမဲ့ ဝမ်က သူ့ကို အတင်းဆွဲထူနေတာမလို့ ရေချိုးခန်းထဲ ဝင်လာခဲ့သည်။
ဝမ် ကတော့ စောင်တွေကို သေချာခေါက်သိမ်းပြီး ထမင်းစားခန်းထဲ ပြန်ဝင်သွားလေပြီ။

"  မြန်မြန်လာ . . . အေးကုန်တော့မှာ "

" အစောကြီးရှိသေးတာကို ။ ဘယ်သွားမို့လဲ ? "

" ပွဲရုံသွားမလို့ ။ ပါပါးက ငါ ဒီရောက်ကတည်းက သူ့ အလုပ်တွေအားလုံး ငါ့ကို လွှဲတော့တာ"

ဝမ်က ပြောရင်း အလိုမကျစွာ ဆူပုတ်ပုတ်။

" လိုက်ခဲ့မယ် "

" မလိုက်ခဲ့နဲ့ ၊ အိမ်မှာနေခဲ့ !
ခြံထဲပေါင်းတွေ ရှင်းဖို့ ခေါ်ထားတဲ့ အလုပ်သမား
တွေ လာလိမ့်မယ် . . . ဘယ်နေရာတွေ ရှင်းရမလဲ ဆိုတာ မင်းက သေချာပြပေးလိုက် "