CHOICE ME (Completed)

Part-19

[Unicode]

အိမ်ပြန်ရောက်ကြတော့ မိုးစဲသွားပြီမို့
ဝမ်ရိပေါ် မိုးကို အသံတိတ်ကျိန်ဆဲလိုက်သည်။
ထို့နောက် နှစ်ယောက်လုံးအဝတ်လဲလိုက်ကြကာ
အိပ်ဖို့ပြင်ရသည်။ ကျန့် ကိုကြည့်လိုက်တော့
ကုတင်ပေါ်မှာ ကားယားအိပ်နေသည်။

သို့သော် သူကတော့ မအိပ်ဖြစ်သေး ။
ဗီရိုထဲက သေချာမခေါက်ထားတဲ့ ကျန့် အဝတ်အစားတွေကို မခေါက်တတ်ခေါက်ဖြင့်ခေါက်ပေးရသည် ။ နောက်ပြီး ဖိနပ်တွေကိုလည်း အတည်တကျစီပေးရသည်။ နောက်ပြီး ခေါင်းလိမ်းဆီ၊ ခေါင်းဖြီး ၊ မျက်နှာလိမ်း ခရင်မ် ၊
စသဖြင့် နေရာအတည်တကျ မထားသည့် အသုံးဆောင် ပစ္စည်းလေးတွေကို သပ်သပ်ရပ်ရပ်စီရသည် ။

အိမ်မှာတုန်းက နေချင်သလိုနေ၊ ပစ္စည်းတွေကို
ထားချင်သလို လျှောက်ထားပြီး ကောင်းကျဲကို
ဒုက္ခ ပေးခဲ့သမျှ အခုတော့ ဝဋ်လည်နေပြီဖြစ်သည်။

သူဒါတွ အားလုံးလုပ်ပြီးတော့ ည ( ၉) နာရီပင်ခွဲလေပြီ ။ ကုတင်ပေါ်က လူကိုကြည့်လိုက်တော့
တခူခူနဲ့ အိပ်ပျော်နေပြီဖြစ်သည်။ ထို့ကြောင့်
ကားရားလေးအိပ်နေတဲ့ သူကို နေရာသေချာရွေ့ပေးပြီး စောင်သေချာခြုံပေးလိုက်သည် ။ သူကတော့ မပြီးပြတ်သေးတဲ့ စာတွေကို ဆက်ပြီး
ဖတ်နေလိုက်သည် ။ မဟုတ်လျှင် စာမေးပွဲကျသွားလိမ့်မယ် ။

သူစာဖတ်ပြီးလို့ နာရီကြည့်လိုက်တော့ ည (၁၁) နာရီပင်ထိုးသွားလေပြီ ။ ထို့ကြောင့် စောင်လေးကို အသာလေးလှန်ကာ ဝင်လှဲပြီး အခန်းမီးကို လှမ်းပိတ်လိုက်သည် ။ ထို့နောက် သူလည်း အိပ်စက်ခြင်းသို့ . . . .

ည သန်းခေါင်ရောက်သည်နှင့် နီးကပ်သွားတဲ့
ခန္ဓာကိုယ်နှစ်ခု ၊ မှဲ့နက်နဲ့ ကောင်လေးသည်
သူ့ရင်ခွင်ထဲက ကောင်လေးရဲ့ ပါးပြင်ဖောင်းဖောင်းပေါ်က သားရေတွေကို အသာတကြည်သုတ်ပေးကာ နင့်နင့်နဲနဲငေးသည်။

အချိန်တွေ ရပ်တန့်ထားရင်ကောင်းမယ် . . .
ညတာဟာလည်း ဒီတစ်ပတ်စာမေးပွဲအတွင်း ပုံမှန် ညတွေထက် ရှည်ရင်ကောင်းမယ် . . . ။
သူ ဒီအချိန်လေးကို နှမြောလွန်းလို့ပါ . . . ။

ဒီတစ်ပတ်တည်းလေးပါ . . !
ဘဝမှာ လိုလေသေးမရှိ အောင် ပြည့်စုံလွန်းခဲ့တာမလို့ ဘာဆုမှမတောင်းစရာမလိုခဲ့တဲ့ သူ ၊
ဘယ် အရာကိုမျှခခယယ မတောင်းပန်ခဲ့ဖူးတဲ့သူ ၊ ဘယ်သူ့ကိုမှ ဉီးမညွှတ်ခဲ့ဖူးတဲ့သူ ၊
သူကိုယ်တိုင်ကိုတောင် နတ်ဘုရားလို့ တင်စားခံရတဲ့သူ ၊ သူဟာ ဒီညမှာတော့  ရှိသမျှဘုရားတွေကို တ တယ် . . . ။