وبعد طول انتظار بقلم بيبو

الحلقة الخامسة والثلاثون

الحلقة الخامسة والثلاثون
بعد التهانى المباركات
اقترب رفيق رعد وبجواره زوجته
لحظات وانادى على سيلا لتسلم على زوجة صاحبه
اقتربت سيلا منهم وهى مبتسمة وعند ظهور زوجة صاحب رعد اختفت ابتسامتها تدريجيا
فكانت طبيبتها النفسية... حتى ان الطبيبة ايضا صُدمت لم تكن تتوقع ان سيلا زوجة رعد... صاحب زوجها
ابتلعت سيلا ريقها وهى تنظر ناحية رعد بهلع
احاط رعد كتفيها وقال بمرح دون ان ينتبه:لنظرتها ودى بقا يا ستى اميرتى المدللة... سيلا
ابتسمت سيلا بتوتر بينما تابع رعد وهو ينظر لسيلا:ودى يا اميرتى... مرام.... مرات الكائن ده اللى محسوب عليا صاحب
ابتسمت مرام بينما اخذت سسلا نفسها المكتوم بارتياح فرعد لا يعرف علاقتها بمرام
سلما على بعضهن بينما قالت مرام بمرح:عن اذنكم بقا يا رجالة... هاخد القمر دى وندردش
رعد بمرح:اوعى تطلعى عليها امراضك النفسية
اخرجت له لسانها وامسكت يد سيلا ووقفت جانبا
مرام تطمئنها:سيلا اهدى... غلط عليكى التوتر
سيلا بصوت خافت هَلِع :انتى قولتيله صح... رعد عارف...
قاطعتها مرام:يا سيلا اهدى... اقوله ازاى... انا مش لسه قيلالك لازم يعرف منك... لازم تقوليله بنفسك هروح انا اقوله...... وبعدين شرف المهنة يمنعنى انى اقوله يا سيلا
ثم تنهدت:وبعدين لو رعد عارف....... كان هيتعامل معاكى عادى
هزت سيلا رأسها نفيا واخذت نفسا عميقا
ابتسمت لها مرام وقالت:مبروك البيبى يا حبيبتى
ابتسمت لها سيلا
................................................
بعد مرور اسبوعين من دلال رعد لسيلا واصراره على ان تتابع مع طبيبة لا طبيب والراحة من العمل... ممكن ان تعمل فى المنزل على حاسوبها... لا تتحرك من السرير بتاتا
.............................
كانت تجهز حقيبة سفره وعينيها تلمع بالدموع
اقترب منها وضمها يحنان:يا حبيبى مفيش حاجة مستاهلة دموعك ابدا
سيلا بدموع:لا يا رعد فى.... لما تسافر وتسيبنى لوحدى
ادارها له وقال بحنان:يا اميرتى الجميلة انا مش سايبك لوحدك..... ماما وبابا واخواتى معاكى... ثم وضع يده على بطنها وقال بمرح عاشق: وولى العهد معاكى اهو.....
سيلا بحزن طفولى:بس يا رعد كل دول مش مهمين... انت اميرى وانت ونَسي ودنيتى.... لو انت مش موجود فمحدش موجود خالص
ابتسم لها بعشق وضمها بحب الى صدره وهى تشبشت فى قميصه
قال بغيظ مرح:طب اعمل اى دلوقتى... يعنى الغى ام السفرية دى....... واخليكى فى حضنى يومين كاملين على الكلمتين دول
رفعت رأسها عن صدره وهزت رأسها ايجابا
نظر لعينيها الحمراء وانفها وخديها ثم مال قبل جبينها ثم عينيها طرف انفها خديها ثم شفتها برقة شديدة وتعمق داخل روحها
ابتعد بعد لحظات وقال بحنان:هم يومين وهرجع... ثم تابع بغموض:السفرية دى مهمة اوى صدقينى
اخفت وجهها فى حضنه وصمتت وهى تتشبع منه وشئ داخلها قَلِق
............................................
بعد ان سافر رعد ووصل الى تحدى البلدان الاوربية
ذهب بالسائق الى منزل لهم فى تلك البلد

بعد ان وصل لم يرتح فقط اتصل طمئنهم بوصوله واغلق هاتقه ثم اخرج من حقيبة حاسوبه الخاص  وفلاشة
ظل ينظر لهم مطولا وقلبه يكاد ينفجر خوفا من الموجود داخل الفلاشة.
والذى كان عبارة عن جلسات سيلا مع مرام مسجلة صوتيا....!!