هل جربت ان تشعر بالاختناق وكأن الارض توقفت عن انتاج الأوكسجين .. هل جربت ان تتعثر في الذكريات كطفل صغير يتعثر في المشي .. هل جربت شعور ان يصفع قلبك عقلك قائلاً "اخبرتك ان هذا سيحدث" .. هل جربت شعور ان يغرس احدهم خنجراً بقلبك الذي لم ينبض سوا له .. هل جربت ان يموت قلبك وانت على قيد الحياة .. الكثير من المشاعر تعصف بالجميلة والوحش التي أخذت قصتهم منحنى مفاجئاً لتنقلب الاحداث وتشتعل الاجواء لتصبح المواجهة صادمة ونهاية قصتهم لم تخطر بالبال .. بعد مرور ساعات كثيرة يدخل المشفى بلهفة .. لم يصدق ذاته حين ورده ذلك الاتصال من المشفى وأبلغوه بوجود امرأة تدعى جميلة تريده .. الساعات السابقة كانت بمثابة جحيم لعقله حين وردته اشارة الاستغاثة من الساعة وعندما ذهب لمكان الاستغاثة وجد نفسه بأحد مخازن صفوت الزيان .. وجد تلك الساعة به وسط الرماد الباقي من حريق ذلك المخزن .. توقع وقتها انها كانت بالداخل ولكن بعد اطفاء الحريق تأكد انها لم تكن بالداخل .. لم يعلم أيسعد بذلك ام يستمر في قلقه وخاصة ان وجود تلك الساعة بذلك المكان يوحي بأنها كُشفت .. هل كشفها عاصي .. ماذا فعل بها .. كل تلك الافكار كانت تحتل عقله حتى أتاه ذلك الاتصال .. فتح باب الغرفة ليُصعق حين وجد امامه جميلة بملامح لا تمت للجمال بصلة .. وجهها يكاد لا يُرى من فرط الكدمات والجروح التي به .. جانب فمها مُلطخ ببعض الدماء المتجلطة .. ماذا فعل بها هذا الوحش؟!!!!
خالد(بلهفة): جميلة .. ايه اللي حصل؟!! مين اللي عمل فيكي كدا؟!
جميلة(بنبرة مختنقة): عرف اني كنت بساعدك ودا كان رده
صُدم خالد من ردها .. نعم يعلم ان عاصي الزيان لا يعرف الرحمة مع من يخونه ولكنه كان يظن انها ستكون بمأمن منه بسبب حبه لها لا يعلم ان ليس هناك مغفرة في قاموس عاصي الوحش
خالد: احكيلي اللي حصل
جميلة: قولي الاول عمر فين؟
خالد: ماتقلقيش .. عمر معايا
ابتلعت جميلة ريقها وتنهدت لتبدأ حكي ما حدث خلال الساعات السابقة
جميلة: صفوت خطفني انا وعمر .. عاصي لقاني وبعدين خدني و...
*فلاش باك*
تفتح عينيها ببطئ لتجده يجلس أمامها بحضوره الطاغي وعينيه السوداء الغامضة والمرعبة في آن واحد
عاصي(وعينيه مثبتة عليها): صحي النوم يا مدام جميلة .. اصحي ورانا حساب طوييييييل
جميلة(وهي تنظر حولها): انا فين؟
عاصي: ماظنش هيفرق معاكي كتير
تحسست جميلة يدها لتكتشف اختفاء الساعة .. ضحك عاصي بتهكم واردف
عاصي: بتدوري عالساعة مش كدا؟ .. ايه؟ مستعجلة عالغدر بيا
جميلة: عاصي انا..
عاصي(بغضب وعيون مشتعلة): انتي اييييه .. دا انتي الوحيدة اللي امنتلك .. انتي اللي فتحتلك قلبي وحبيتك وكان التمن انك طعنتيني في قلبي .. عارفة المشكلة ايه .. اني كنت متوقع الخيانة من اي حد إلا منك انتي .. كنت شاكك في خيانتك وخفت اني اتأكد .. واتأكدت
قالها وهو يضرب بيده على الطاولة المستديرة امامه لينتفض جسد جميلة .. اندفع عندها وامسك رأسها بيده بقوة
عاصي(وهو ينظر لعينيها بغضب): عملتي كدا ليه .. ليه خونتيني .. ليييييه
جميلة(بدموع): والله ماخونتك
عاصي(بصياح غاضب): ولما تتفقي عليا مع الظابط دا يبقى اسمه اييييه
بكت جميلة بقهر ليردف هو بقسوة
عاصي: انتي خونتيني .. وتمن الخيانة الموت
*عودة*
جميلة(بدموع): نزل ضرب فيا لحد ما كنت هموت .. كنت تقريباً قاطعة النفس .. رماني عالطريق وكان فاكر ان ماحدش هيلاقيني بس ربنا اراد ان شخص يشوفني ويجيبني هنا بس هو خاف ف رماني قدام باب المستشفى ومشي بعربيته
خالد(وهو يضغط على اسنانه بغضب): حيوان .. اقسم بالله ل هجيبلك حقك وحق عاصم وعشق وحق كل واحد قتله بدم بارد .. اقسم بالله مش هسيبه
جميلة: وانا هساعدك .. انا معايا المستندات اللي قولتلي عليها وكمان انا عارفة العملية الجديدة امتى
خالد(بذهول): عارفة ازاي؟!!
جميلة: كان بيقول وهو بيضربني .. كان فاكر اني مش هعيش وبالتالي المعلومات هتموت معايا
خالد(بلهفة): طب امتى وفين؟
جميلة: النهاردة الساعة ٦ .. أما علشان اقولك فين ف انا عندي شرطين
خالد: شرطين ايه؟
جميلة: اول شرط عايزة شهادتين وفاة باسمي انا وعمر
خالد(بصدمة): انتي بتقولي ايه!!! انتي اتجننتي؟!!!
جميلة: عاصي لازم يصدق اني فعلاً مت علشان مايغيرش حاجة في العملية وكمان بعد ما هساعدك لازم اختفي انا وعمر لأن اللي بيشتغل معاهم اكيد مش هيسكتوا وانا عايزة احمي نفسي انا وعمر
خالد: لو على الحماية انا هحميكم وكمان محمد و..
جميلة(مُقاطعة): محمد دلوقتي زوج ومراته حامل ماينفعش ادخله في خطر .. وانت انا اسفة يعني بس كنت حميت عاصم وعشق
صمت خالد حين واجهته بتلك الحقيقة .. نعم فشل في حمايتهم .. فشل في حماية من اعتبره صديقاً وآمنه على سره .. نظرت جميلة له واردفت بهدوء
جميلة(بنبرة لا تحتمل النقاش): انا اسفة بس دا شرطي .. انا عايزة اعيش في امان مع عمر وعلشان دا يحصل لازم نختفي
خالد: حتى لو وافقتك على الجنان دا هنعملها ازاي؟
جميلة: اظن مش صعب عليك انك تقول ان جثتي اتفحمت في المخزن الاول وكان معايا عمر .. كدا كدا مفيش حد غيرك يعرف اننا لسة عايشين
خالد: دا جنان!!
جميلة: هو دا اللي عندي .. مفيش وقت ، موافق ولا لأ؟
خالد(وهو يتنهد بعد تفكير قليل): وايه الشرط التاني؟
جميلة: اني اكون معاك وانت بتقبض على عاصي
خالد(بذهول): انتي اتجننتي؟!!!!!!
جميلة(بحدة يشوبها الألم): ايوة اتجننت .. اتجننت يوم ما وافقت اتجوزه .. اتجننت لما امنتله .. اتجننت لما عرفت اني بسببه خسرت ابني
خالد(بصدمة): ايه؟! هو انتي كنتي حامل؟!
جميلة(بدموع تلمع بعينيها): كنت .. ومابقتش
قالتها بنبرة يشوبها الكثير من القهر والحزن .. هربت دمعة ساخنة من عينيها وهي تضع يدها على بطنها .. نظر لها خالد بألم على حالها فترى هل سيقبل بشروطها وهل سيستطيع القبض على الوحش ام ان هناك مفاجأة كبيرة بانتظاره
///////////////
يدخل منزله ويتوجه لغرفته ليفتحها بهدوء ويرى المنظر الذي لن يمل منه ابدا .. نوره الجميلة تنام على سريره الكبير وهي ترتدي احد قمصانه وتتمسك بالاكمام وكأنها تتمسك بيده هو .. يبتسم وهو يجلس بجانبها ويضمها لصدره لتفتح هي عينيها الساحرة وتنظر له
نور(بنبرة ناعسة): كريم، انت جيت؟
كريم(وهو يداعب وجهها بيده): اها جيت يا قلب كريم
نور(وهي تنظر له كالأطفال): كريم هو انت كنت زعلان مني؟
كريم: ليه بتقولي كدا؟!
نور: علشان كان بقالك كذا يوم مش بتكلمني ومشغول عني
كريم: انا فعلا كنت مشغول بس علشان اوفي بوعدي ليكي
نور: وعد ايه؟
كريم: انا مش وعدتك اني اجيبلك حقك منه
نور: من مين؟!
كريم: من اللي فرق بيني وبينك .. من اللي بعدني عنك سنين .. من اللي دمر احلامنا
نور(بلهفة وخوف): لا وحياتي يا كريم .. وحياتي انسى الحكاية دي انا مش هقدر اخسرك كفاية اللي خسرته .. انا...
كريم(وهو يحتضن وجهها بيده): ششششش خلاص .. الحكاية خلصت
نور: خلصت!! .. ازاي؟
كريم: جبتلك حقك منه .. صفوت خلاص مات
نور: م.. مات؟!!!
كريم(وهو يهز رأسه بتأكيد): ايوة .. خلاص مابقاش فيه خوف تاني .. عمره ما هيقدر ياذيكي تاني
نور(بعيون تلمع بفرحة): بجد يا كريم؟!
كريم: بجد يا قلب كريم .. بس انتي ليه ماقولتليش انه هو اللي عمل كدا؟
نور(بعيون تلمع بالدموع): كنت خايفة عليك .. هددني اني لو قولتلك هيموتك .. ماكنتش متخيلة فكرة موتك .. خوفت اخسرك .. قولت كفاية اللي خسرته ..(ثم اكملت بقهر وألم).. كفاية اني ماقدرتش احمي شرفي .. انا اسفة يا كريم
كريم(وهو يرفع وجهها بيده): اسفة على ايه؟! انتي في نظري اشرف واطهر انسانة .. انتي مراتي وحبيبتي وبنتي .. انتي احسن واحدة في الدنيا
نظرت نور له قليلاً ثم اقتربت منه بشفتيها لتطبع قبلة رقيقة على شفتيه .. ارتبك قلبه في البداية ثم احاط بكفيه وجهها ليحول تلك القبلة لقبلات كثيرة جائعة لها هي فقط .. ذابت معه بقبلاته ونست كل شئ لتنتبه حين وجدته يكاد يبتعد عنها لتتمسك به هامسة
نور: رايح فين؟
كريم: نور .. انا لو قربت تاني مش هبعد
نور(بخجل): ومين قالك تبعد
قالتها بهمس يشوبه الخجل الشديد ليسألها بحنان
كريم: متأكدة؟
ابتسمت وهي تشعر بحنانه في سؤاله وهزت رأسها ببطئ ليعود يرتوي من شهد شفتيها الذي حُرم منه لسنوات .. كان حنونا هادئا مراعيا لحالتها وكان قلبها يدق بقوة ويفرح لتفهمه فسلمت قلبها قبل جسدها له واصبحت زوجته قولا وفعلا .. زوجته التي عشقها وعشقته وفرقهم القدر وجمعهم من جديد فتعاهدوا أللا يفترقا مرة أخرى
////////////////
تمر ساعات كثيرة وكادت الشمس بالمغيب .. تجلس بجانب خالد بتلك السيارة في احد الاماكن النائية في الصحراء وخلفهم سيارات اخرى بها الدعم .. تحاوطهم الجبال من كل اتجاه فبالطبع اختار الوحش ذلك المكان حتى يصبح بأمان تام أثناء عمليته .. امسك خالد بمسدسه الاحتياطي وناوله لجميلة
خالد: خلي دا معاكي للامان
سكتت جميلة ولم تنطق .. ربما لو قال لها أحدا من بضعة شهور انها ستمسك بين يديها مسدس لما صدقته ولكنها الآن تمسكه بين اصابعها ولا تهتز لها شعرة .. خطوة واحدة دخلتها لعالم عاصي الزيان كانت كفيلة بتعكير صفاء عالمها .. مر الوقت ببطئ حتى ظهرت سيارته .. سيارة الوحش .. وقف بمكان ما وانتظر بداخل سيارته .. لم يمر الكثير من الوقت حتى وصلت سيارتين .. نزل عاصي ونزل بعض الرجال الذي توحي هيأتهم انهم لأجل الحراسة ثم نزل رجل ما من السيارة الاخرى بهدوء يحتل ملامحه الاجنبية .. تقدم ذلك الرجل من عاصي واردف
ماركوس: سعيد بتعاملنا مستر عاصي وارجو ان تغفر لنا ما حدث بسبب مارك ف هو كان من اهم رجالنا وكان قرار الانتقام غير محسوب
عاصي: اين الاسلحة؟
ماركوس: موجودة .. ولكن اسمح لي بسؤال .. أليس من المفترض ان السيد صفوت هو من كان سيقوم بتلك العملية؟
عاصي: فوضني مكانه ألديك مانع؟
ماركوس: ابدا ابدا .. تفضل
كاد ماركوس ان يعطي عاصي الاسلحة ويأخذ النقود ولكن صدح صوت سيارات الشرطة وعلى رأسهم سيارة خالد .. في ثانية بدأ تبادل الطلقات النارية واسرع عاصي لسيارته وتحرك بها ليتبعه خالد مصمماً ان ينهي تلك القضية اليوم .. يسرع عاصي بسيارته وخلفه خالد تاركاً الدعم يتعامل مع ماركوس ورجاله .. يزيد عاصي من سرعته وهو يتجه ناحية جبل عالي .. يصعد ويصعد وخلفه خالد وبالطبع جميلة بجانبه .. تتمسك بالمقبض الخاص بالباب المجاور لها حين بدأ خالد ينحرف بسيارته محاولا إجبار عاصي على إيقاف السيارة ولكن هيهات .. استمر الوحش في صعوده على ذلك الجبل حتى وصل قمته .. ادار خالد سيارته بقوة فأجبر الوحش على إيقاف سيارته .. نزل عاصي من سيارته حين ادرك انه لا سبيل للهروب الآن ف هو على قمة الجبل .. سيارة خالد تسد طريق النزول والناحية الاخرى من الجبل بها منحدر كبير لو نظرت من اسفله لا تستطيع رؤية نهاية الجبل .. هل تلك هي نهاية الوحش .. نظر عاصي لخالد الذي ترجل من سيارته وهو يبتسم بفخر ويشهر مسدسه
خالد: عاصي الوحش .. أخيراً
عاصي: كنت لسة هقولهالك .. اخيرا يا خالد باشا .. دا انا زهقتلك يا راجل
خالد: لا انا مابزهقش .. اصلي كنت واخد عهد على نفسي ان ماحدش هيسجنك غيري ..(ثم رفع يده بالكلبشات).. وماحدش هيلبسك الاساور دي إلا انا
عاصي: الطموح حلو
خالد: واحلى لما بيتحقق .. كدا خلصت يا عاصي بس فاضل حاجة
نظر خالد ناحية سيارته واشار لجميلة بالنزول لتنزل وتتلاقى عينيها مع عيني عاصي الذي اردف بنبرة متهكمة يشوبها الكسرة
عاصي: مدام جميلة .. للمرة التانية بتخونيني بس براڤو .. احييكي بجد .. واحييك انت كمان يا خالد باشا انك قدرت تمسكني .. عارف ليه مسكتني المرة دي .. علشان ماكنتش لوحدك .. كان معاك مساعدة من اكتر حد وثقت فيه .. اصل الضربة لما بتيجي من القريب بتوجع اكتر .. براڤو
خالد: يلا يا عاصي
عاصي: مستعجل عالترقية .. حقك .. اشهدلك بصراحة بس عايز اسألك سؤال
خالد: خير؟
عاصي: تفتكر انهي يوجع اكتر الغدر ولا الموت؟
خالد: مايهمنيش اعرف
عاصي(بنبرة يشوبها الألم): انا اقولك .. الغدر يوجع اكتر الف مرة .. انك تحب حد وتآمنله ويغدر بيك اقوى من انك تقتله .. ان الايد اللي مسكتها تكون هي هي الايد اللي بتدب السكينة في قلبك دي تموت اكتر من كل رصاص العالم
خالد: ملوش لازمة الكلام دا .. يلا يا عاصي
عاصي: تعرف الجملة اللي بتقول ومن الحب ما قتل .. الجملة دي صح 100% .. الحب ساعات بيموت .. تفتكر ممكن حد يحب حد لدرجة انه يقتله
قالها وهو ينظر لجميلة في عينيها لتقوم هي في اقل من ثانية برفع المسدس الذي كان بحوزتها وإطلاق رصاصة تليها الاخرى لصدر عاصي الذي ابتسم قبل ان يترنح جيده ويسقط من فوق الهاوية .. ركض خالد ناحيته محاولاً امساك جسده ولكنه لم يستطع فنظر للاسفل ليرى جسد عاصي يهوي لاسفل الجبل الذي لا يستطيع ان يرى نهايته .. تحرك ناحية جميلة بغضب واردف وهو يمسك ذراعها
خالد: ليه؟! ليييييييه؟!!!!!!
جميلة(وهي تنظر ناحية الهاوية): علشان حبيته
نظر خالد لها بصمت لتصرخ هي بألم وهي تقع ارضا
جميلة(بنبرة يشوبها الكثير من الوجع): حبيته .. غبية وحبيته .. رغم كل اللي عمله حبيته .. رغم انه قاتل حبيته .. رغم انه كان السبب في كل وجع ليا حبيته .. دا حبه
قالتها وهي تضرب بقبضة يدها فوق قلبها لتكمل بوجع
جميلة(بدموع): حبه .. رغم كل اللي عمله لسة بيحبه .. رغم كل اللي عمله لسة بيدق ليه .. لييييييه .. حاسة بيه بيموت وبرضو لسة بيحبه .. آآآآآآآآآآآه
صرخت جميلة بقوة وهي تغمض عينيها وتطلق العنان لدموعها لتنساب بقوة .. هل بالفعل من الحب ما قتل .. هل يمكن للحبيب ان يقتل من يحبه .. هل يكمن الغدر بالامان .. هل بالفعل انتهت قصة الجميلة والوحش ام ان تلك مجرد بداية جديدة
كاااااااااااااااات .. كفاية كدا النهاردة
انتظروا الخاتمة غداً إن شاء الله
أنت تقرأ
جميلة عشقت الوحش 🤍🖤
Romanceجميلة عشقت الوحش 🤍🖤 بقلم حورية الإبداع/ حنين عماد💜✨ قاسي, متملك, قلبه مظلم .. أسهل شئ في حياته القتل .. رغم ثروته التي لا تُعد والقصور والسيارات التي يمتلكها إلا ان قلبه فقير .. فقد أخيه الوحيد ليزداد أنغماسه في مستنقع أبيه المُظلم .. فـ هل ستسطي...
