[Zawgyi]
အခန်း ၆၂၈ ဘယ်သူက အရင်စပိုးပန်းတာလဲ?
အခန်းထဲတွင်တော့ ဘိလိယက်စားပွဲ၊ ကာရာအိုကေစက်၊ မာကျောက်ခုံတို့လိုမျိုး ကစားနိုင်သည့်ပစ္စည်းမျိုးစုံရှိသောကြောင့် သူငယ်ချင်းများနှင့် စားသောက်ရင်း ပျော်ပါးကစားနိုင်လေသည်။
ညနေ၅နာရီခွဲပြီးချိန်တွင်တော့ ကုနင်းနှင့်လင်ရှောင်းထင်တို့ရောက်ရှိလာခဲ့ကာ သူငယ်ချင်းများမှာတော့ စတင်ကစားနေကြပေပြီ။ အခန်းထဲတွင်တော့ ရှုကျင်းချန်၊ရှင်းပိုင်၊ ရှုချင်ယင်းနှင့် ကူအန်းနာ စုစုပေါင်း၎ယောက်ရှိနေလေသည်။
“ဟိုင်း၊ ရှောင်းထင်၊ ကုနင်း!” ကုနင်းနှင့်လင်ရှောင်းထင်တို့ ဝင်လာချိန်တွင် ဘိလိယက်ကစားနေကြသည့် ရှုကျင်းချန်နှင် ရှင်းပိုင်တို့က နှုတ်ဆက်လိုက်ကြကာ ဆက်ပြီးကစားနေကြသည်။
ရှုချင်ယင်းနှင့် ကူအန်းနာသည်တော့ ကာရာအိုကေအခန်းထဲတွင်ရှိနေကြပေမည့် သီချင်းသံအကျယ်ကြီး မဖွင့်ထားကြတာကြောင့် ရှုကျင်းချန်တို့ လင်ရှောင်းထင်ကို နှုတ်ဆက်လိုက်သည်အား ကြားလိုက်ကြသည်။
ကူအန်းနာသည်တော့ လင်ရှောင်းထင်နှင့်အတူ ကုနင်းပါလာသည်ကိုကြားရကာ အံ့အားသင့်သွားသလို သူမနားကြားမှားနေသည်ဟုပင် ထင်မိသွားလေသည်။ သူမမှ ကုနင်းနှင့်လင်ရှောင်းထင်၏ ဆက်ဆံရေးကို မသိထားလေဘဲ။
“အို! ကုနင်းလဲရောက်နေတာပေါ့!” ရှုချင်ယင်းသည်တော့ စိတ်လှုပ်စွာဖြင့် ချက်ချင်းအပြင်သို့ထွက်သွားခဲ့သည်။
“နေပါဦး၊ ကုနင်းက ရှောင်းထင်နဲ့အတူလာတာလား?” ကူအန်းနာမေးလိုက်ပေမည့် ရှုချင်ယင်းမှာ ထွက်သွားနှင့်ပြီဖြစ်သောကြောင့် သူမလဲ အမြန်ထလိုက်သွားတော့သည်။ သူတို့နှစ်ဦးအပြင်သို့ရောက်လာချိန်တွင်တော့ လင်ရှောင်းထင်၏ဘေးတွင် ရှိနေသည့် ကုနင်းကို တွေ့လိုက်ရကာ လင်ရှောင်းထင်က ကုနင်း၏ကျောပိုးအိတ်ကိုပင် ကူချွတ်ပေးနေလေသည်။
