[Zawgyi]
အခန်း ၆၄၁ အဖိုးလား? ချစ်သူလား?
လင်ရှောင်းထင် လင်အိမ်တော်သို့ပြန်သွားချိန်တွင်တော့ ကုနင်းက JadeBeautyလက်ဝတ်ရတနာလုပ်ငန်း ကြော်ငြာအတွက် အင်တာနက်အသုံးပြုသူများ၏ တုန့်ပြန်မှုကို ဖတ်ရှုနေခဲ့သည်။ ထို့နောက်တွင်တော့ ကုမန့်ကိုဖုန်းဆက်ကာ အရာရာအဆင်ပြေပြေရှိရဲ့လားဆိုသည်အား မေးမြန်းခဲ့လေသည်။
ကုမန့်ကလဲ အားလုံးအဆင်ပြေကြောင်း ပြန်ပြောပြခဲ့သည်။ သူမနှင့် ထန်ယွင်ဖန်းတို့ကြားမှ ဆက်ဆံရေးအခြေအနေကိုတော့ သူတို့အချင်းချင်းသာ ဖြေရှင်းကြသည်က ပိုကောင်းသည်ဟု ကုနင်းတွေးမိတာကြောင့် မမေးမြန်းခဲ့ပေ။ နောက်၂ရက်နေလျှင်တော့ Fမြို့သို့ အသားအရေထိန်းသိမ်းသည့် အလှကုန်ပစ္စည်းများ ရောက်ရှိမည့်အကြောင်းကိုတော့ ကုနင်းပြောပြခဲ့လေသည်။
ကုနင်းနှင့် ဖုန်းပြောပြီးနောက် ကုမန့် ဆက်ပြီး ကုချင်ကိုဖုန်းဆက်ကာ အလှကုန်ပစ္စည်းများ မကြာခင်Fမြို့သို့ရောက်လာမည့်အကြောင်း လှမ်းပြောလိုက်သည်။
ကုနင်းခနလောက် အိမ်မှာပဲ အနားယူပြီးနောက် သူမ၏လုပ်ငန်းစုအဆောက်အဦးသို့ ထွက်လာခဲ့သည်။
……
ကိုလိန်းဆေးဆိုင်တွင်တော့ မနက်ပိုင်းကလောက် ဝယ်သူမများတော့သော်လည်း အတော်လေးနာမည်ရနေပြီဖြစ်သည်။
အသက် ၂၄နှစ်ရှိပြီဖြစ်သော ရှင်းဟယ်ဆေးဝါးထုတ်လုပ်ရေးကုမ္ပဏီ၏ အမွေဆက်ခံသူ ခိုင်ယောင်ဖုန်းသည် သူ၏ချစ်သူမိန်းကလေးမှနေပြီး ခိုကျီဆိုင်သို့ အလှကုန်ပစ္စည်းများဝင်ရန်အတွက် ဆွဲခေါ်လာခြင်းခံခဲ့ရသည်။ သို့ပေမည့် ခိုကျီဆိုင်၏ဘေးတွင် ကိုလိန်းဆေးဆိုင်ရှိနေသည်အား ခိုင်ယောင်ဖုန်း သတိထားမိပြီးနောက် အလွန်အံ့အားသင့်သွားခဲ့လေသည်။
သူ့အဖေက ကိုလိန်းရဲ့စီးပွားရေးကို ဖျက်ဆီးထားခဲ့ပြီးမဟုတ်ပါလား? ကိုလိန်းမှာ ဆေးဝါးစစ်ဆေးမှုကို မဖြတ်ကျော်နိုင်တာကြောင့် ဒေဝါလီပင်ခံရနီးနေပြီလေ။ ဘယ်လိုကြောင့် ချက်ချင်းကြီးဆိုင်ပြန်ဖွင့်လာရုံတင်မက ပိုပြီးတောင် ကျော်ကြားနေရတာလဲ? သူတို့ဆေးတွေ ဈေးကွက်ထဲရောက်နိုင်အောင် ဘယ်လိုများလုပ်လိုက်တာလဲ? ဒါမှမဟုတ် ကိုလိန်းရဲ့ပိုင်ရှင်ပြောင်းသွားလို့များလား?
