[Zawgyi]
အခန်း ၆၁၂ အနာဂါတ်ခယ်မလေး
ကုနင်း ညနေစာစားချိန်တွင် စုန့်မန်နီနှင့်တွေ့ပေးမည့်သူမှာ နဉ်ချန်ခိုင်ဖြစ်သည်။ သူမလုပ်ငန်းခွဲများမှ မန်နေဂျာများအနေဖြင့် တစ်ဦးနှင့်တစ်ဦး ရင်းနှီးမှုရှိထားကြရန်လိုအပ်ပေသည်။
“ရတာပေါ့။” စုန့်မန်နီပြန်ဖြေလိုက်သည်။
ထို့နောက် ကုနင်း တက္ကစီတစ်စီးငှားကာ ဆေးဝါးစက်ရုံသို့သွားလိုက်သည်။ လမ်းတွင်တော့ သူမ လုရှောင်းကို ဖုန်းဆက်ကာ ညနေစာအတူလာစားရန်အတွက် ဖိတ်ခေါ်ိုက်သည်။ လုရှောင်းသည် လင်ရှောင်းထင် တာဝန်ချပေးမှုကြောင့် ရောက်လာသူဖြစ်သော်လည်း သူမအတွက် အလုပ်လုပ်ပေးနေခြင်းသာဖြစ်သောကြောင့် သူတို့တစ်ယောက်ကို တစ်ယောက် တွေ့ဖူးထားဖို့လိုပေသည်။
ကုနင်း မြို့တော်ကိုရောက်နေကာ သူ့ကိုပါ ညနေစာစားဖို့ ဖိတ်ကြားလာသည်ကို ကြားလိုက်ရချိန်တွင် ကုနင်းအကြောင်း အရမ်းသိချင်နေမိသည် လုရှောင်းတစ်ယောက် အလွန်စိတ်လှုပ်ရှားသွားတော့သည်။ သူ့ဘော့စ်၏ နှလုံးသားကို ခိုးယူနိုင်သည့် မိန်းကလေးမှာ ဘယ်လိုမိန်းကလေးမျိုးဖြစ်မှန်း သိချင်နေသောကြောင့် ချက်ချင်းပင် သဘောတူလိုက်လေသည်။
ကုနင်းဆေးဝါးစက်ရုံသို့ ရောက်ချိန်တွင် ညနေ၄နာရီထိုးခါနီးနေပြီဖြစ်သည်။
ဆေးများနှင့် အလှကုန်ပစ္စည်းများ ထုတ်လုပ်မှုမှာ ပြီးစီးလုနီးပါးဖြစ်နေပြီဖြစ်ကာ ဈေးကွက်ထဲတင်သွင်းဖို့ရန် ဆေးဝါးစစ်ဆေးမှုရလဒ်ကို စောင့်နေရုံသာရှိတော့လေသည်။
မနေ့မနက်ခင်းပိုင်းတုန်းက နဉ်ချန်ခိုင်ကို အစားအသောက်နှင့်ဆေးဝါးကွပ်ကဲရေးဌာနသို့ နမူနာထုတ်ကုန်များသွားပို့ထားရန် ကုနင်းပြောထားပြီးဖြစ်သောကြောင့် ရလဒ်ထွက်လာဖို့ တစ်ရက် နှစ်ရက်လောက် စောင့်ရပေမည်။
နဉ်ချန်ခိုင်၏ စီးပွားရေးပြန်လည်ပတ်မှုကို တစ်စုံတစ်ယောက်က ရပ်တန့်နေစေလိုကြောင်း ကုနင်းနားလည်ထားလေသည်။ အစပိုင်းတွင်တော့ ကုနင်း သူမအဆက်အသွယ်ကို အသုံးပြုကာ နဉ်ချန်ခိုင်ကို ကူညီပေးချင်ပေမည့် ပြဿနာဖြစ်လာသည်အထိထားပြီးကာမှ နောက်ကွယ်မှလူကို ရှာခြင်းက ပိုပြီးကောင်းမည်ဟု သူမတွေးမိသွားသည်။
