[Zawgyi]
အခန်း ၆၄၈ သေနတ်
လင်ရှောက်ကျား၏ပုံစံကြောင့် စမစ် ကိုယ့်ကိုကိုယ်ဂုဏ်ယူမိလာတော့သည်။
“မင်းအခုထိ တစ်ယောက်တည်းမဟုတ်လား။ ချစ်သူမရှိမှတော့ ဘာစိတ်ပူစရာရှိသေးလို့လဲ။ ဒါက သစ္စာဖောက်တယ်လို့မှမခေါ်တာ။”
လင်ရှောက်ကျားလဲ ထိုသို့တွေးမိလေသည်။ သူမကိုယ်တိုင်ကလဲ ကျန်းယွေ့ချင် သူမကိုလျစ်လျူရှုသည့်အတွက် အရွဲ့တိုက်ချင်စိတ်လေးကလဲ ရှိနေတာကြောင့် လက်ခံလိုက်တော့သည်။
“ကောင်းပြီလေ။”
လင်ရှောက်ကျား၏အဖြေကြောင့် စမစ်ပျော်ရွှင်သွားတော့သည်။ တကယ်တော့ လင်ရှောက်ကျားကို စမစ်သဘောကျပေမည့် သူမနှင့်အိပ်ရသည်ကိုသာဖြစ်ပြီး တရားဝင်လက်တွဲဖော်တစ်ယောက်အဖြစ်တော့ မလိုချင်ပေ။ သူ၏ဇနီးဟောင်းသည်လဲ စမစ်ဖောက်ပြန်ခဲ့ခြင်းကြောင့် ကွာရှင်းခဲ့ကြခြင်းဖြစ်သည်။
စမစ်၏စိတ်ထဲတွင် သူသာအသက်ကြီးသွားခဲ့ပါက လုပ်ချင်တာလုပ်လို့ရတော့မည်မဟုတ်၍ ငယ်တုန်းရွယ်တုန်း ဘဝကိုအပျော်ရွှင်ဆုံးဖြတ်သန်းချင်သူဖြစ်သည်။ ထို့အပြင် စမစ်သည် ချမ်းသာတာကြောင့်လဲ သူလုပ်ချင်တာမှန်သမျှ လုပ်နိုင်နေခြင်းဖြစ်သည်။ လင်ရှောက်ကျား သူ့ကို သဘောမကျဘဲ သူ၏အိပ်ရာထက်မှအရည်အချင်းကိုသာ သဘောကျကြောင်းလဲ သိပေမည့် သူ့အနေနှင့် သူမနှင့်လိင်ဆက်ဆံလို့လဲ တာဝန်ယူတာဝန်ခံပေးစရာမလိုတာကြောင့် သူမဘယ်လိုပဲသဘောထားပါစေ ဂရုစိုက်နေဖို့မလိုပေ။
မကြာခင်တွင်ပဲ ရှီယန်ယန်သည် ခန့်ညားသည့် ကောင်လေးတစ်ယောက်နှင့်အတူ ထွက်သွားကာ ချင်းပေရှင်းသည်တော့ အမူးလွန်နေ၍ တုကပြန်လိုက်ပို့ပေးခဲ့သည်။
အဆုံးတွင်တော့ လင်ရှောက်ကျားနှင့် စမစ်နှစ်ယောက်သာ ကျန်ခဲ့လေသည်။
“ငါနဲ့နည်းနည်းထပ်သောက်ပေးဦး! ငါသောက်ချင်နေတုန်းပဲ။” လင်ရှောက်ကျား၏ စိတ်အခြေအနေမကောင်းတာကြောင့် သူမရင်ထဲမှ နာကျင်မှုကို ဖြေလျှော့ရန်အတွက် မူးချင်နေသည်။
