[Zawgyi]
အခန်း ၆၀၆ ငါနဲ့တစ်ညအိပ်
လျှိုရှင်းချီ ပြုံးလိုက်ကာ သူ၏အလိုဆန္ဒများပြည့်လျှမ်းနေသည့် အသံကိုလဲ ဖုံးကွယ်မထားခဲ့ပေ။
“ငါနဲ့တစ်ညလောက်အိပ်ပေး။”
“နင်…” ဖန်ရွှယ်ချင် ဒေါသထွက်သွားတော့သည်။ လျှိုရှင်းချီနှင့်အိပ်ရခြင်းထက် သေတာကမှပိုပြီး သာနေပေဦးမည်။ လျှိုရှင်းချီသည် ရုပ်ဆိုးကာ အဆီများပိတ်နေအောင် ဝရုံတင်မကဘဲ သူ၏အိပ်ယာပေါ်မှ အရည်အချင်းကလဲ ကြက်သီးထစရာကောင်းလှပေသည်။ သူဇနီးဆိုလဲ ထိုသို့သောအခြေအနေကို သည်းမခံနိုင်၍ ကွာရှင်းခဲ့ခြင်းဖြစ်သည်။
တကယ်တော့ လျှိုရှင်းချီသည် အရမ်းရုပ်ဆိုးလွန်းသည်မဟုတ်ဘဲ ခန့်ညာချောမောကာ လူကြီးလူကောင်းဆန်လွန်းသည့် ထန်ယွင်ဖန်းနှင့်ယှဉ်လျှင် အတော်လေးသာမာန်ဆန်ရုံမျှသာဖြစ်သည်။ သို့ပေမည့် ဖန်ရွှယ်ချင်သည်တော့ လှပသည့်အမျိုးသမီးတစ်ဦးဖြစ်သောကြောင့် လျှိုရှင်းချီကို အထင်သေးသည်က ပုံမှန်ပင်။
“အရင်လဲ အိပ်ဖူးခဲ့တာပဲ။ အခုမှ ဘာတွေကြောက်နေတာလဲ? ငါတခြားလူတွေကို ပြန်မပြောပါဘူး။” လျှိုရှင်းချီပြောလိုက်သည်။ သူသာ တစ်ယောက်ယောက်ကို ထိုအကြောင်း ပြောပြလိုလျှင် ယခုလို နှစ်အနည်းငယ်ကြာသည်အထိ လျှို့ဝှက်ထားနေစရာအကြောင်းလဲ မရှိပေ။
လျှိုရှင်းချီသည်လဲ သူ၏ဂုဏ်သတင်းကို တန်ဖိုးထားသူဖြစ်ကာ လူအများအမြင်တွင်တော့ သူသည် ပညာတတ်လူရည်မွန်တစ်ဦးဖြစ်သောကြောင့် သူ၏မကောင်းသည့်ဘက်အခြမ်းကို တစ်ခြားလူတစ်ယောက်အား ကိုယ်တိုင်လိုက်ပြောပြနေစရာအကြောင်းမရှိပေ။ ထို့အပြင် လျှိုရှင်းချီသည် အမျိုးသမီးများကို အပေးအယူဖြင့်သာ ဆက်သွယ်ချင်ပြီး အကြမ်းနည်းလဲ မသုံးလိုသူဖြစ်သည်။
“ပါးစပ်ပိတ်ထားစမ်း! အဲ့ဒီကိစ္စ ပြန်အစမဖော်စမ်းနဲ့!” ဖန်ရွှယ်ချင် ရှက်ရွံ့ကာ ချက်ချင်း ဖြတ်ပြောလိုက်သည်။
