[Zawgyi]
အခန်း ၆၅၃ ရှောင်းထင်ရဲ့ချစ်သူကို လုယူမယ်
သခင်ကြီးကျန်း၏ရောဂါ ပိုကောင်းလာပြီမှန်းကြားလိုက်ရသည်နှင့် အားလုံးပျော်ရွှင်ဝမ်းသာသွားကြတော့သည်။ အခုထိအန္တရာယ်တွင်းထဲရှိနေစဲဆိုသော်လည်း မကြာခင် ပြန်သတိရလာနိုင်ချေတော့ရှိနေပေပြီ။
ဒါရိုက်တာက သူ့လက်ထောက်ကို စမ်းသပ်သည့်စက်များအား သေချာကြည့်ထားရန် မှာကြားပြီးနောက် သခင်ကြီးလင်ဆီသို့သွားလိုက်ကာ၊
“သခင်ကြီးလင်၊ ဒီဆေးကို ဘယ်ကများရခဲ့လဲဆိုတာ ကျွန်တော့်ကို ပြောပြလို့ရမလား?”
ထိုစကားကြောင့် အားလုံးဆေးအကြောင်း ပြန်အမှတ်ရသွားကာ သခင်ကြီးလင်ကို ဝိုင်းကြည့်လိုကကြသည်။
“ဟုတ်သားပဲ! သခင်ကြီးလင်၊ ဒီမှော်ဆေးလုံးကို ဘယ်ကရခဲ့တာလဲ?” ကျန်းကျန့်ကော ပါမေးလိုက်သည်။
“ငါ့အနာဂါတ်မြေးချွေးမလေးပေးထားတာလေ။ ငါလဲ ဒီဆေးကိုသောက်ထားလို့ အခုလို ကျန်းကျန်းမာမာရှိနေတာပေါ့။”
“ဘာ?” ထိုစကားကြောင့် အားလုံးအံ့အားသင့်သွားကြတော့သည်။
“ရှောင်းထင်ရဲ့ချစ်သူလား?” ကျန်းကျန့်ဟွာမေးလိုက်ခြင်းဖြစ်သည်။
“ဟုတ်တယ်လေ!”
“အာ၊” ကျန်းကျန့်ဟွာ သက်ပြင်းလေးသာ ချလိုက်ရင်း၊
“သခင်ကြီးလင်ရဲ့ အနာဂါတ်မြေးချွေးမလေးက တကယ့်ကိုအံ့ဖွယ်မိန်းကလေးပဲ။ သူက ကျွန်တော့်သားကို ကယ်ပေးခဲ့ရုံတင်မကဘဲ အခုတော့ ကျွန်တော့်အဖေရဲ့အသက်ကိုလဲ ကယ်လိုက်ပြန်ပြီ!”
“ဘာ? ဒါဆို ကုနင်းက လင်ရှောင်းထင်ရဲ့ချစ်သူပေါ့?” ကျန်းယွေ့ချင် အမှန်တရားကို လက်မခံနိုင်ဟန်ဖြင့် မေးလိုက်သည်။
“မင်းက ငါ့ရဲ့အနာဂါတ်မြေးချွေးမလေးကို သိနေတာလား?” သခင်ကြီးလင်ကတော့ သိချင်သွားတော့သည်။
ကုနင်းဆိုတာ ရှေးဟောင်းလမ်းမှာ တွေ့ခဲ့တဲ့ကောင်မလေးနာမည်မဟုတ်လား? နာမည်တူသူများစွာရှိတဲ့အတွက်ကြောင့် သခင်ကြီးလင် သိပ်တော့ အာရုံမထားပေ။
