រឿង បេះដូងពណ៌​ឥន្ទធនូ ( ចប់ )

ep 29 ( ដំណើរកម្សាន្ដ

#រឿងបេះដូងពណ៌ឥន្ទធនូ
#ភាគទី29

    // សាលាមត្តេយ្យ //
    
       នៅពេលម៉ោងសម្រាក ជុងមីន បាននាំ ថេយុនខៃ ដែលជាមិត្តរបស់គេ មកលេងទោងជាមួយគ្នា។ ពួកគេទាំងពីរស្រឡាញ់គ្នាខ្លាំងណាស់ ដូចជាបងប្អូនអ៊ីចឹង។ ជុងមីន បានណែនាំ ជីគុក ឲ្យ ថេយុនខៃ ស្គាល់ទៀតផង រហូតធ្វើឲ្យ ថេយុនខៃ រំភើបចិត្ត ចង់ជួប ជីគុក ជាខ្លាំង គេទន្ទឹងរងចាំថ្ងៃ ដែកពួកគេទៅលេងកោះជេជូជាមួយគ្នា ហើយពួកគេក៏អាចលេងគ្នាបានហើយ។

      ជុងមីន តែងតែរៀបរាប់ហេតុការណ៍ និងរឿងរ៉ាវផ្សេងៗ ដែលទាក់ទងជាមួយ ជីគុក ប្រាប់ ខៃ រាល់ពេល ដែលពួកគេទាំងពីរសម្រាក មិនថារឿងតូច ឬក៏រឿងធំឡើយ។

      // រំលងទៅបីថ្ងៃ //

    កន្លងទៅរយៈពេលបីថ្ងៃ ជុងគុក និងអ៊ីនវ៉ូ ក៏ចាប់បានអ្នកដែលលួចយកឯកសាររបស់គេទៅប្រាប់ដៃគូប្រគួតប្រជែង។ ហើយអ្នកដែលលួចនោះ គឺជាមនុស្សស្រីដែលគេនឹងត្រូវរៀបការជាមួយនាងដែរ។ តែក្រោយពីបានដឹងថា នាងក្បត់គេបែបនេះ ជុងគុក ប្រែទៅជាសប្បាយចិត្ត ព្រោះគេអាចដកបន្លាដែលជាប់ក្នុងទ្រុងរបស់គេ ចេញបានហើយ។

      សុងវ៉ុន បានលួចឯកសារផ្ទៃក្នុងទាំងនោះ យកទៅឲ្យ  ស៊ូដុង ។ នាងមិនមានបំណងលួចឯកសារទោះទេ តែ ស៊ូដុង  ដែលជាដៃគូប្រកួតមុខជំនួញជាមួយ ជុងគុក ជាអ្នកគំរាមនាងឲ្យធ្វើបែបនោះ។ នាងត្រូវ ស៊ូដុង រួមដៃជាមួយ មិត្តជិតស្និតធ្វើបាប ដោយគ្មាននរណាម្នាក់ដឹងឡើយ។

      ដោយសារតែកំហុសរបស់នាង ខាងគ្រួសាររបស់ ជុងគុក ផ្តាច់ពាក្យជាមួយនាងភ្លាមៗ។ គ្រួសាររបស់នាងក៏យល់ព្រមលើកសំណើរនេះដែរ ព្រោះតែកូនរបស់គាត់ ពិតជាមានកំហុសមែន។ សំណាងហើយនាងហើយដែល ជុងគុក មិនបានប្តឹងផ្តល់នោះ។

    សង្គ្រាមរវាង ជុងគុក និងស៊ូដុង ក៏ត្រូវបានបើកចំហ ព្រោះពេលនេះ ស៊ូដុង បានបញ្ចេញគម្រោងផ្សារទំនើបមួយ ដែលជាសាខាថ្មីរបស់គេ ប៊ូសាងផងដែរ។ ថ្វីដ្បិតតែ ជុងគុក អាចផ្ដាច់ពាក្យបានមែន ប៉ុន្តែគេក៏នៅតែមាន សត្រូវនៅតាមចងកម្មពៀរជាមួយគេដែរ។