រឿង បេះដូងពណ៌​ឥន្ទធនូ ( ចប់ )

ep 39 ( ចាកចោលកូន និងប្ដី )

#រឿងបេះដូងពណ៌ឥន្ទធនូ
#ភាគទី39

   ជុងគុក បានចូលមកក្រុមហ៊ុន ដោយជ្រួសគ្នាជាមួយនិង ជីមីន ។ គេទទួលបានដំណឹងភ្លាម ក៏ប្រញាប់មក ជួយដោះស្រាយ ជីមីន ឲ្យទាន់ហេតុការណ៍។ គេពិតជាខឹងនឹង ស៊ូដុង ណាស់ គេពិតជាមនុស្សខាំមិនលែងមែន។

     គេបម្រុងនឹងដើលចូលទៅក្នុងការិយាល័យទៅហើយ តែក៏បានឃើញសត្រូវមុន ទើបបញ្ឈប់ដំណើរទៅរកគេសិន។ ជុងគុក បានសម្លក់ ស៊ូដុង ដោយមុខមាំ រួចក៏និយាយដោយសំឡេងមុតៗថា៖

    " ចរឹកនៅតែថោកដដែលឯងនេះ! "

    " យើងថោកតែជាមួយឯងទេ! "

  គេមិនបានខ្លាចជាមួយនឹងទឹកមុខរបស់ ជុងគុក នោះទេ ផ្ទុយទៅវិញមានតែឌឺដងឲ្យ ជុងគុក ថែមទៀត។

     ជុងគុក កាន់តែក្ដៅជាងមុនថែមទៀត គេពិតជាស្អប់ ស៊ូដុង ណាស់ បើអាចយកកាំភ្លើងបាំងសម្លាប់គេបាននោះ គេនឹងបាំងឲ្យស្លាប់នៅពេលនេះតែម្ដង។

    " ខ្លាំងបានតែលេងផ្លូវអាក្រក់ ធ្វើបាបបានតែជាមួយមនុស្សទន់ខ្សោយ! "

    " យ៉ាងម៉េច អាណិតប្រពន្ធឯងមែនទេ? ហាស ហាស ...! "

   ស៊ូដុង សើចចំអកឲ្យ ជុងគុក ព្រោះគេបានដឹងពីភាពបរាជ័យបន្ទាប់របស់ ជុងគុក និង ជីមីន។

     " ឯងចាំទទួលយកភាពបរាជ័យពីយើងទៅ ស៊ូដុង! "

     " យើងចាំទទួល24ម៉ោងណា៎ ជុងគុក! អូ! មើលថែប្រពន្ធខ្ទើយរបស់ឯងឲ្យបានល្អផងណា៎! "

     គេនិយាយដោយទឹកមុខឌឺដាក់ ជុងគុក ។

     ជុងគុក ពិតជាខឹងណាស់ នៅពេលបានឮសម្ដីរបស់ ស៊ូដុង ហៅ ជីមីន បែបនោះ។ គេក៏បានដាល់ផ្ទៃមុខរបស់ ស៊ូដុង មួយដៃយ៉ាងធ្ងន់ ធ្វើឲ្យមុខរបស់គេឡើងក្រហមជាំ។

     " បើឯងហ៊ានហៅ ជីមីន បែបនេះម្ដងទៀត! ឯងស្លាប់របស់យើងមិនខានទេ!!! "

     ជុងគុក ដើរចូលក្នុងការិយាល័យរបស់ ជីមីន ដោយទុកឲ្យ ស៊ូដុង ឈរអង្អែលផ្ទៃមុខរបស់គេទាំងខឹងតែម្នាក់ឯង។

    // ការិយាល័យ //

   ចូលមកដល់ខាងក្នុង ជុងគុក បានឃើញលេខារបស់ ជីមីន កំពុងតែរៀបចំរបស់របបរបស់ ជីមីន ដាក់ក្នុងកេស។ នាយកាន់ពិបាកចិត្តជាខ្លាំង ព្រោះគេដឹងថា ជីមីន ច្បាស់ជាខូចចិត្តខ្លាំងហើយចំពោះរឿងនេះ។