រឿង បេះដូងពណ៌​ឥន្ទធនូ ( ចប់ )

ep14 ( ផ្លូវបំបែក )

#រឿងបេះដូងពណ៌ឥន្ទធនូ
#ភាគទី14

       ជុងគុក កំពុងតែឈររង់ចាំ ជីមីន នៅក្រោមដើមឈើមួយដើម ជិតមួយម៉ោងទៅហើយ។ នៅពេលនោះ សុងវ៉ុន បានដើរមករកគេ។ នាងញញិមបន្តិចហើយ ក៏ដើរទៅជិត ជុងគុក ដែលឈរស្ដាប់ចម្រៀង។

     " ជុង! "

   នាងបានទាញកាសចេញពីត្រចៀករបស់ ជុងគុក ហើយនិយាយទៅកាន់គេថា៖

    " ជុង! អូនមានរឿងចង់ប្រាប់បង! អូនស្រលាញ់បង! "

  នាងមិនរង់ចាំចម្លើយរបស់ ជុងគុក ទេក៏ងើបទៅបឺតមាត់រាងក្រាសតែម្ដង។

     // ជីមីន //

 
    " ជីមីន ឃើញទេ! ពួកគេពិតជាសមគ្នាណាស់! "

   ស៊ូដុង បាននិយាយទៅកាន់ ជីមីន ដែលឈរភ្លឹកបាត់ស្មារតី ពេលបានឮ និងឃើញរូបទាំងនេះ នៅមុខគេស្រស់ៗបែបនេះ។ គេមានដំណឹងល្អចង់ប្រាប់ឲ្យនាយបានដឹង តែពេលនេះវាចប់ហើយ។

    ដោយទ្រាំមិនបាន ជីមីន ក៏បានរត់ចេញមកវិញ ហៅតាក់ស៊ី មកខនដូរវិញយ៉ាងលឿន។

    // ជុងគុក //

  " នាងកើតឆ្គួតស្អីហ្នឹង!!! គួរឲ្យខ្ពើមណាស់!!! ចេញឲ្យឆ្ងាយពីយើង បើមិនចង់ងាប់!!! "

   គេពិតជាខឹងនាងណាស់ ចេះមកបឺតមាត់ និងឱបគេទៅកើត នេះបើ ជីមីន មកឃើញច្បាស់ជាយល់ច្រឡំមិនខានទេ។ ជុងគុក បានស្ដាប់ចម្រៀងបន្ត នៅពេល សុងវ៉ុន ដើរចេញទៅបាត់។

   // ស៊ូដុង និងសុងវ៉ុន //

    ពួកគេមកចួបគ្នានៅកន្លែងអង្គុយលេង ដើម្បីនិយាយគ្នារឿងគម្រោងមុននេះ។

   " នាងធ្វើបានល្អណាស់! "

   " តែជុងគុកដេញខ្ញុំមកដូចឆ្កែ! "

  " សំខាននាងបានថើបគេ និងបានបំបែកពួកគេដែរមិនអ៊ីចឹង! "

  នាងប្រែមកញញិមវិញ ដែលអាចធ្វើឲ្យសត្រូវនាងយល់ច្រឡំបែបនេះ។

// ជីមីន //

  
    រាងតូចប្រមូលសម្លៀកបំពាក់ដាក់វ៉ាលីទាំងទឹកភ្នែក គេមិនអាចរស់នៅជិត ជុងគុក បន្តទៀតទេ។ ថ្ងៃនេះគេមានដំណឹងល្អ ចង់ប្រាប់ដល់នាយ តែក៏បានឃើញថា គេមានអ្នកដែលគេស្រលាញ់រួចហើយ។

     គេក៏ដឹងហើយថា ជុងគុក គេងជាមួយគេព្រោះតែតណ្ហាមិនបានស្រលាញ់គេទេ។ ហើយម្យ៉ាងទៀត ពួកគេទាំងពីរមិនអាចទៅឆ្ងាយជាងពាក្យថាមិត្តនោះទេ។

     " ទៅជាមួយអាប៉ាណា៎! "

   គេយកដៃអង្អែលពោះ ហើយក៏ទុកសំបុត្រតូចមួយនៅលើតុ រួចអូសវ៉ាលី ចាកចេញពីកន្លែងដ៏សែនឈឺចាប់នេះ។

  // រំលងទៅពេលយប់ //

      ជុងគុក ខឹង ជីមីន ណាស់ណាត់គេហើយមិនទៅចួបទេ ថែមទាំងខលមិនចូលទៀត។ ចិត្តមួយបារម្ភចិត្តមួយខឹង ដែលត្រូវ ជីមីន ទុកគេចោលម្នាក់ឯងមួយថ្ងៃទៅហើយ។

      គេចូលមកក្នុងបន្ទប់ ជីមីន ហើយស្រែករករាងតូច តែមិនបានឃើញគេឆ្លើយតបនោះទេ។ ជុងគុក ដើរចុះឡើង ក៏បានឃើញកូនសំបុត្រមួយ។ គេបានយកវាមកមើល ហើយក៏បើកអាន។

_________________

See you next part.

#យូជី