#រឿងបេះដូងពណ៌ឥន្ទធនូ
#ភាគទី28
ជីមីន ហៅកូនប្រុសតិចៗដោយសំឡេងរអាក់រអួល ថែមទាំងអួលដើមកផងដែរ។ នេះយប់មិញកូនប្រុសរបស់គេនៅគេងចាំគេនៅទីនេះមែនទេ? ជីគុក របស់គេច្បាស់ជារងា និងឃ្លានខ្លាំងហើយ បើគេនៅរងចាំខ្លួននៅទីនេះមែននោះ។
ជីមីន ដាក់ខ្លួនចុះ មកអង្គុយក្បែរកូនប្រុសទាំងស្រក់ទឹកភ្នែក។ ជីមីន បានឃើញគំនូរដែល ជីគុក ឱបនៅក្នុងដៃរបស់គេ។
" ជីគុក...! ម៉ាក់ៗមកហើយកូន ហ៊ឹក ហ៊ឹក! "
គេពិតជាទប់សំឡេងនៃការយំលែងជាប់មែន ព្រោះតែអាណិតកូនរបស់គេខ្លាំងពេក។ ជីគុក បើកភ្នែកតិចក៏បានឃើញអ្នកជាម្ដាយមករកគេវិញ ក៏ស្ទុះងើបមកឱប ។ ជីមីន ឱបកូនដោយក្ដីអាណិត គេពិតជាសូមទោសកូនណាស់ ដែលកើតរឿងបែបហ្នឹង រហូតទុកគេចោលឲ្យគេងនៅខាងក្រៅម្នាក់ឯងបែបនេះ។
" ម៉ាក់សូមទោសណា៎ កូនសម្លាញ់! "
" បាទ! កូនមិនខឹងម៉ាក់ៗទេ! ម៉ាក់ៗបាត់ទៅណាយូរម្លេះ កូនចាំម៉ាក់យូរហើយ! "
" ម៉ាក់ៗ... រវល់ការងារនៅក្រុមហ៊ុន! "
" បាទ! ចុះជុងមីននោះ? "
" ជុងមីន នៅសាលារៀន! កូនឃ្លានទេ? "
ជីគុក ក្រវីក្បាល ហើយគេបង្ហាញគំនូររបស់គេឲ្យ ជីមីន ទាំងស្នាមញញិម។ ជីមីន ហូរទឹកភ្នែកកាន់តែខ្លាំងជាងមុន ព្រោះក្នុងរូបគំនូរនោះ មានគំនូរគូរជារាងដូចមនុស្ស ដែលមានគ្នាបួននាក់ ឈរមើលទៅទឹកសមុទ្រ និងមានព្រះអាទិត្យយ៉ាងស្រស់ស្អាត។
ប្រហែលជា ជីគុក ចង់ប្រាប់ទៅ ជីមីន ថាគេចង់បានគ្រួសារដែលនៅជុំគ្នា និងបានដើរលេងជុំគ្នា រស់នៅក្នុងពន្លឺដែលស្រស់ស្អាត និងភ្លឺថ្លាដូចព្រះអាទិត្យ។ គេចង់បានគ្រួសារកក់ក្ដៅ និងទៅខាងក្រៅលេងដូចអ្នកដទៃដែរ។
" គំនូររបស់កូនពិតជាស្រស់ស្អាតណាស់! "
" ពិតមែនទេម៉ាក់!!! កូនគូររូបប៉ាៗម៉ាក់ៗ ជីគុក និងជុងមីន ទៅលេងសមុទ្រជាមួយគ្នាណា៎ម៉ាក់ៗ! "
YOU ARE READING
រឿង បេះដូងពណ៌ឥន្ទធនូ ( ចប់ )
Romance#រឿងបេះដូងពណ៌ឥន្ទធនូ 👉Trailer 👈 រឿងរាវស្នេហារវាងភេទដូចគ្នា តែមិនហ៊ានសារភាពថា មានចិត្តលើគ្នា ព្រោះពួកគេអ្នកជិតខាង និងជាមិត្តនឹងគ្នាតាំងពីក្មេងៗ។ រហូតដល់ថ្ងៃមួយ ពួកគេបានទៅដើរលេងដាច់យប់ជាមួយគ្នា ហើយក៏ជ្រុលជ្រោះលើកគ្នា។ ថ្ងៃដែលគេសម្រេចចិត្តថា...
