រឿង បេះដូងពណ៌​ឥន្ទធនូ ( ចប់ )

ep15 ( ផឹកស្រាលួងខ្លួនឯង )

#រឿងបេះដូងពណ៌ឥន្ទធនូ
#ភាគទី15

     ជុងគុក បើកសំបុត្រអានទាំងឈឺពឺតផ្សារ ព្រោះអត្ថន័យនៅក្នុងនោះវាចាក់ទម្លុះបេះដូងរបស់គេតែម្ដង។

   ( ជុងគុក មិត្តសម្លាញ់! ខ្ញុំលាឯងរហូតហើយ ខ្ញុំត្រូវរៀបការមានគ្រួសារហើយ! សូមឲ្យឯងរស់នៅមានសុភមង្គលជាមួយមនុស្សស្រី ដែលឯងស្រលាញ់ចុះ! យើងមិននៅជាជនទីបីសម្រាប់ឯងទេ! សូមឯងបំភ្លេចរឿងរបស់ ពួកយើងចុះ! លាហើយ ពីផាក ជីមីន! )

     ក្រោយពីអានសំបុត្រចប់ ទឹកភ្នែករបស់កូនប្រុសដើមទ្រូងប្រាំហត្ថ របស់ ជុងគុក ក៏ហូរស្រក់ចុះមកដោយឯកឯង។អារម្មណ៍ដែល គេមិនដែលគិតថា វានឹងកើតឡើងចំពោះគេ ឥឡូវនេះ វាក៏បានកើតឡើងភ្លាម។ ទាំងគេមិនបានត្រៀមចិត្តទុកមុន វាពិតជាឈឺចាប់ខ្លាំងណាស់។

     ប្រហែលនេះជាអ្វីដែលគេចង់ប្រាប់នោះមែនទេ គេចាកចេញទាំងបែបនេះអ៊ីចឹងឬ? បេះដូងរបស់ ជុងគុក ត្រូវឈឺដូចគេកាត់យកចេញពីដើមទ្រូងរបស់គេអ៊ីចឹង។

      ជុងគុក កាន់តែអស់សង្ឃឹម គេក៏អង្គុយផ្អែកទៅនឹងគ្រែគេងរបស់ ជីមីន សម្រក់ទឹកភ្នែក ហើយក៏និយាយឡើងថា៖

" ផាក ជីមីន! ឯងអាក្រក់ណាស់ ទៅចោលយើង! ឯងដឹងថាយើងស្រលាញ់ខ្លាំងប៉ុណ្ណាទេ? ហ៊ឹក ហ៊ឹក ហ៊ឹក យើងឈឺចាប់ណាស់ ពេលដែលគ្មានឯងនៅជិតយើង! "

     គេពិតជាចង់ឲ្យ ជីមីន ត្រឡប់មកវិញណាស់។ បើសិនជាជីមីន មកវិញមែន គេហ្នឹងសារភាពប្រាប់ ជីមីន ថាគេស្រឡាញ់ ជីមីន ខ្លាំងមិនមែនស្រលាញ់បែបមិត្តភក្តិនោះ។

      ដោយសារតែខូចចិត្តនឹងរឿងដែល ជីមីន រត់ចោលគេខ្លាំងពេល ជុងគុក បានចេញពីខនដូររបស់ ជីមីន ហើយធ្វើដំណើរឆ្ពោះទៅកាន់ក្លិបមួយកន្លែង។

     គេបានផឹកស្រាអស់ជាច្រើនកែវ រហូតដល់ថ្នាក់ស្រវឹងងើបមុខលែងរួច។  ជុងគុក នៅពេលនេះមិនខុសពីមនុស្សឆ្គួតទេ យំផង និយាយរឿងក្នុងចិត្តផង។

       // ជីមីន //

   ជីមីន មិនបានទៅរកប៉ាម៉ាក់របស់គេទេ ដោយសារខ្លាចគាត់សួររឿងកូននៅក្នុងពោះ ទើបគេធ្វើដំណើរទៅប្រទេសជប៉ុន។ គេធ្លាប់ទៅទីនោះ ទើបដឹងពីរបៀបរស់នៅទីនោះ។

    ក្រោយពីធ្វើដំណើរអស់រយៈពេលជាយូរមក ជីមីន ក៏បានមកដល់ជប៉ុន ដោយសុវត្ថិភាព។ គេបានរកបន្ទប់ជួល ដែលសមល្មមអាចរស់នៅបាន និងមានតម្លៃសមរម្យអាចរស់នៅបានយូរដោយមិនពឹងលុយអ្នកផ្ទះ។

       ជីមីន រៀបចំបន្ទប់រួចហើយ ក៏ចូលគេងទាំងទឹកភ្នែក។ គេពិតជានឹក ជុងគុក ណាស់។ បែកគ្នាថ្ងៃដំបូងក៏នឹកខ្លាំងយ៉ាងហ្នឹងទៅហើយ ចុះទម្ររាប់ឆ្នាំវិញនោះ?

      ជីមីន ក៏នឹកឃើញថា គេមានរូបថតជាមួយ ជុងគុក កាលពីទៅដើរលេងជាមួយគ្នា នៅផ្សាររាត្រីនោះ។ ជុងគុក បានផ្ញើរូបនោះមកឲ្យគេ ទើបគេមានរូបនោះដែរ។ ជីមីន បើករកមើល ពេលឃើញហើយ គេយកវាមកថើប ហើយក៏ឱបជាប់ដើមទ្រូងរបស់គេ។

    " លោកប្រហែលជាមានក្ដីសុខជាមួយនាងហើយមើលទៅនោះ! បើមានជាតិក្រោយ សូមឲ្យស្នេហារបស់ពួកយើងបានសមបំណងផងចុះ! ហ៊ឹក ហ៊ឹក ....."

    ជីមីន យំឱបទូរសព្ទ រហូតដល់គេងលក់។

     // 5 ឆ្នាំកន្លងផុតទៅ //

____________

#យូជី