[Career Series #4]: The Water Pollutant (COMPLETED)

Chapter 61

Karga-karga ni Axel si Dawson habang naglakad silang dalawa ni Blair palapit sa amin. Nakayakap si Dawson sa leeg ni Axel at dinadaldal si Blair.

"Kami na muna bahala rito sa anak niyo—"

Pinanlakihan ko ng mata si Axel at tumingin kay Dawson na nakikipag-usap pa rin kay Blair kaya nakahinga ako nang maluwag. Buti hindi niya narinig.

"Ah hindi niya alam?" Axel mouthed.

Umiling ako habang pinalalakihan ko pa rin siya ng mata. "Kaya 'wag mong sabihin," bulong ko.

Tumawa nang malakas si Axel. "Oo na." Hinarap niya si Dawson sa amin. "Tapos ka na ba kumain?"

"Yes!" sagot ni Dawson at tinuro 'yong maliit niya na bowl na wala nang laman.

"Ay! Hindi pa ubos ang milk," sabi ni Axel at kinuha 'yong sippy cup. "Ubos muna bago tignan mga pasalubong namin ni tita Blair." Nag-baby talk pa.

Kinuha agad ni Dawson 'yong sippy cup niya kay Axel at inubos 'yong laman noon. Ngumiti pa siya nang pa-cute kay Axel.

"Wow! Ang galing naman ni baby Dawson, healthy living! Matutuwa si tita doc niyan," sabi ni Blair at kinuha si Dawson kay Axel. "Una na kami."

"Alagaan niyo 'yan nang mabuti!" sabi ko sa kanilang dalawa dahil kilala ko silang dalawa at wala silang gagawin kundi i-spoil si Dawson kahit pa pakainin nila ng maraming sweets.

"'Wag kang mag-alala tatawagan ka namin kapag may ipapakain kaming food," sabi ni Axel at inirapan pa ako.

"Bye, guys! Enjoy your pahinga!" sabi ni Blair at tumalikod na sa amin.

"Bye, mommy! Bye, Mr. Swimmer!" sabi ni Dawson at kumaway sa amin ni Braden.

Pilit na ngumiti si Braden at kumaway din kay Dawson bago binalik 'yong tingin niya sa kinakain niya. Tahimik lang siya habang kumakain pa rin ng pancakes. Nanlulumo 'yong expression ng mukha at halatang gusto niya ipagdamot 'yong anak namin. Anak namin...

"Oo nga pala, pupunta raw si Ash dito sa susunod na araw," sabi sa akin ni Axel at ngumisi.

Kumunot 'yong noo ko. "Bakit daw?"

"Kasi may pag-uusapan kaming bagong business venture eh sabi ko nandito ako for two weeks kaya pupunta na rin siya rito habang pinapagbakasyon sila. Hindi niya sinabi sa'yo?"

Umiling ako. "Baka busy pa kaya hindi ako kinontact, alam mo naman 'yon."

"He was really planning to have his vacation here naman... You know... Para makita ka." Nagtaas-baba pa siya ng kilay.

Sinamaan ko siya ng tingin. Nasa tapat lang namin si Braden, my gosh!

"What? You're single, he's single." Nag-chuckle si Axel. "Good influence for Dawson."