[Career Series #4]: The Water Pollutant (COMPLETED)

Chapter 62

"Kukuhanin ko lang 'yong lunch ni Dawson," sabi ko at tumayo na mula sa pagkakaupo ko. Lumabas ako sa kwarto para ituloy 'yong ginagawa ko kanina.

Inayos ko na 'yong tray at naglakad na ako pabalik sa kwarto para pero tumigil ako noong narinig ko na nag-uusap 'yong dalawa. Sumilip ako sa pinto at nakaupo si Dawson sa lap ni Braden habang si Braden naman nakaupo sa sahig.

"Anong work, daddy? Swimming?" tanong ni Dawson.

"Hindi... Alam mo ba 'yong mga machine sa gasoline station? 'Yong may pinipindot na numbers 'yong mga gasoline boy?"

Tumango si Dawson habang nakangiti. Mukhang eager talaga siyang malaman kung anong trabaho ni Braden.

"Kami 'yong gumagawa ng... software... program..." Huminga siya nang malalim at mukhang nahihirapan i-explain kay Dawson 'yong work niya. "Basta kami 'yong gumagawa noong mga numbers. Ang hirap i-explain, anak, eh."

I pursed my lips to stop myself from laughing. Kahit naman noong college kami, nahihirapan din siya i-explain sa akin 'yong ginagawa nila sa degree program niya.

"Where, daddy? Wala dito?"

"Sa Japan... Malayo kasi 'yon kailangan mag-airplane para makapunta roon." Nag-pause si Braden. "Pero hindi na ako pupunta roon ngayon, may work na si daddy dito."

"Hard work? Like mommy?" tanong ni Dawson.

Tumango si Braden. "Hard work pero hindi kagaya ng mommy mo, mas mahirap work ng mommy mo."

Tumango si Dawson. "Mommy... great."

"Oo naman! Your mommy is really great," sagot ni Braden kay Dawson na puno ng admiration.

Pumasok ako sa kwarto at nag-act na parang wala akong narinig dahil ang awkward naman kung malaman nila na nakikinig ako sa usapan nila.

Kinuha ko 'yong foldable bed table namin at inayos 'yon sa taas ng kama namin. "Kain ka na, anak," sabi ko kay Dawson.

Nagmamadaling lumapit si Dawson sa higaan namin at pinilit umakyat kaya kinarga na rin siya ni Braden papunta sa ibabaw ng kama.

Hinawakan ni Dawson 'yong kamay ni Braden at hinila 'yon gamit lahat ng energy niya pero hindi man lang niya napagalaw si Braden. "Daddy, sit here." Tinapik pa ni Dawson 'yong space sa tabi niya.

Tumingin sa akin si Braden at 'yong mata niya parang humihingi pa ng permission kaya tumango ako sa kanya at ngumiti. Umupo siya sa tabi ni Dawson at lumingon sa akin. "Kumain ka na?"

Tumango ako. "Kanina, noong natulog si Dawson. Ikaw?"

"Mamaya na lang ako sa hapunan babawi... Nakalimutan ko dahil sa problema namin doon sa program."