Unicode
"ညှိုး က တဖြည်းဖြည်းချင်းကြွယ်ဝဆီတိုးလာပေးပါ့မယ်"
"မောင်ကတော့ ညှိုးတိုးလာတဲ့နား ပြေးလာမယ် ပိုပိုနီးစပ်အောင်ပေါ့"
မောင့်စကားကြောင့် ငုံ့ထားသော မျက်နှာလေးသည် ပြုံးစစလေးဖြစ်ရပြန်ပါသည်
× × ×
ဒေါက် ဒေါက် ဒေါက်"လာပြီ"
အလာစကားလေးဆိုရင်း တံခါးလေးနား ညှိုးအပြေးလေးလှမ်းလာလိုက်သည်
"ကြွယ်ဝ"
"ဟုတ်ပါတယ်ခင်ဗျ ညှိုးအတွက် မနက်စာလာပို့ရင်း မျက်နှာလေးလာကြည့်တာ"
ထိုသို့ မူယာမာယာများသော စကားများဆိုရင်း အိမ်အတွင်းသို့ လှမ်းလာသော ကြွယ်ဝနောက် ညှိုး ထပ်ကြပ်မကွာ လိုက်ပါလာခဲ့သည်
"အ!!"
ညှိုးနောက်က လိုက်လာမှန်းသိသိရက်နှင့် လှည့်လိုက်သောမောင့်ကြောင့် ညှိုး မျက်နှာလေးက မောင့်ရင်ခွင်ထဲအပ်လျက်
သူကမည်သို့သောစိတ်မှမရည်ရွယ်သည့် အလား ညှိုး၏ပုခုံးလေးနှစ်ဖက်အား ကိုင်ရင်း ဆိုဖာလေးထက် အသာအယာထိုင်စေပြီး
"ညှိုး က ဒီမှာစောင့် မောင်က မုန့်သွားထည့်ပေးမယ်"
ထိုသို့ ပြောရင်း အိမ်နောက်ဖေးသို့ လှမ်းသွားသောမောင်က မိနစ်အနည်းငယ်ကြာသောအခါ ပန်းကန်ပြားလေးနှင့် ပန်းကန်လုံးလေး ကိုင်မရင်းထွက်လာသည်။ပြီးနောက်ညှိုးရှေ့က စားပွဲခုံထက် ထိုပန်းကန်နှစ်ခုတင်ပေးရင်း ညှိုးနဘေးကို ထိုင်လိုက်သည်။
"ညှိုးက နန်းကြီးသုပ်ကြိုက်တာမို့ မောင်က မှတ်ထားပြီး ဝယ်လာတယ် မောင်တော်တယ်မလား"
ညှိုးက ပြုံးယောင်သမ်းရင်း ခေါင်းငြိမ့်ပြလိုက်သည်
"ဒါဆို မောင်လို့ခေါ်"
အမိန့်ပေးတာမျိုး မဟုတ်ပါဘဲ ချွဲနွဲ့နေတာမျိုးက မောင်က ကလေးတစ်ယောက်သာသာ
"အို မုန့်လေးတစ်ခုအတွက်နဲ့ ဒီလိုခေါ်ရမှာလား"
"ဒါဆို မုန့်တွေများကြီးဝယ်ပေးရင်ရော"
ESTÁS LEYENDO
"ညှိုး"(BL) Complete
Historia Corta"အခြောက်တစ်ယောက်ကို နင်ကြိုက်နေတာ မရှက်ဘူးလား ကြွယ်ဝထက်သာ" မြစိမ်းမိုး "ညှိုး"ကခပ်ယဲ့ယဲ့လေး အမြဲပြုံးတတ်ပြီး သူ့ရဲ့အားနည်းမှုတွေကို မာန်မာနလေးတွေနဲ့ကာဆီးထားတတ်သူပင် "ညှိုး"ကယုံကြည််မှုရှိဟန် ဆောင်နေသည့် အခ...