UniCode
"နက်ဖြန် တို့ ဆိုင်ပြန်သွားတော့မယ်"
"သက်သာရဲ့လား ညှိုးရဲ့"
"အရှင်းသက်သာနေပါပြီ"
တီဗွီဖွင့်ထားသော်လည်းဘေးချင်းကပ် စကားပြောနေသည့်တိုင် မောင်က တီဗွီဘက်လှည့်မထိုင်ဘဲတို့နဘေး တို့မျက်နှာကို သေချာကြည့်ရင်းဆိုသည်
"ညှိုး"
"ဟင်"
ညှိုးကတော့ တီဗွီမှာလာနေတဲ့ koreaကားကိုကြည့်ရင်းသာ ထူးလိုက်သည်
"ခုနကလိုပဲ အမြဲခေါ်ပါလား မောင်လို့လေ"
ချွဲ့နွဲ့တောင်းဆိုနေတာမဟုတ်သော်လည်း လိုအပ်ကြောင်းဖွင့်ဟလာသည့် ရင်ထဲကလိုအပ်ဆန္ဒတစ်ခုသာ ဖြည့်ဆည်းပေးရင်ပျော်မည် မဖြည့်ဆည်းပေးရင် ရောင့်ရဲမည် မောင်ဟာ တို့ကို ထိုလောက်ထိ အနေမကြပ်အောင် မြတ်နိုးပေးပြန်သည်
ခေတ္တအကြာ ညှိုးမောင်ဘက် မျက်နှာသေချာဦးတည့်လို့
နှုတ်ခမ်းလေးလှုပ်ခတ်ရုံ နှစ်ကိုယ်ကြား ကြားရုံဆိုမိသည်က
"မောင်!"
မောင် လှိုက်လှိုက်လှဲလှဲ ပျော်နေပုံက တို့ထံပါ ချက်ချင်း ကူးစက်လွယ်သည်
ထိုအခါ ငြိမ်သက်သွားသည့်မောင်က လက်ဖမိုးလေးများမြှောက်၍ ညှိုးပါးလေးကို ခပ်ဖွဖွဆွဲညစ်ရင်း
"နားထဲ ချိုမြသွားတာပဲ"
"အို....နားက အရသာမှမခံတတ်တာပဲ"
ညှိုးစကားကြောင့် ပလီပလာ ပြောနေသည့် မောင်က ခေါင်းလေးမော့လို့ သူ့အသံသြသြလေးက အခန်းထဲပျံ့လွှင့်သွားစွာရယ်စပျိုးလိုက်သည်
ထိုအခါ ညှိုးက
"နားက အရသာခံတတ်တယ်မောင်"
ညှိုး စကားကြောင့် မောင်ကရယ်နေတာလေး အနည်းငယ်ရပ်ပြီး ညှိုးအပြောကိုစောင့်နေသည်
"မောင့်ရယ်သံကလေ ညှိုးနားလေးကို နွေးသွားစေတာပဲ"
"ဒါဆို ပိုနွေးထွေးတဲ့နည်း ရှိတယ် ဒီလိုလေ"
ESTÁS LEYENDO
"ညှိုး"(BL) Complete
Historia Corta"အခြောက်တစ်ယောက်ကို နင်ကြိုက်နေတာ မရှက်ဘူးလား ကြွယ်ဝထက်သာ" မြစိမ်းမိုး "ညှိုး"ကခပ်ယဲ့ယဲ့လေး အမြဲပြုံးတတ်ပြီး သူ့ရဲ့အားနည်းမှုတွေကို မာန်မာနလေးတွေနဲ့ကာဆီးထားတတ်သူပင် "ညှိုး"ကယုံကြည််မှုရှိဟန် ဆောင်နေသည့် အခ...
