"ညှိုး"(BL) Complete

Ep 19 Uni+Zawgyi

Unicode

လူနှစ်​ယောက်ကြား တစ်​ယောက်ခံစားချက်ကိုတစ်​ယောက်က မ​ပြောဘဲသိနိုင်ဖို့ အချိန်ဘယ်​လောက်ကြာမယ်ထင်လဲ?

တို့အ​ဖြေက​တော့ ချစ်သွားရင် အရိပ်တကြည့်ကြည့် ကြည့်ရင်း နားလည်​ပေးရင်း ခံစားတတ်လာလိမ့်မယ် ဒါ​တွေက ရင်ထဲက ဖြစ်တည်လာတဲ့အလိုလို သိစိတ်ပါ မင်းစစ်မှန်ရင်စစ်မှန်သလို​ပေါ့

ဒါဆို ညှိုးနဲ့ထိန်း​တောက်က​ရော ဘယ်​တော့များ စိတ်ချင်းနီးလာမလဲ.....

အ​ပေါ်တက်သွားသူက ​ခြေသံမကြား​အောင်ဆင်းလာ​ပေမယ့် ညှိုးက သူဆင်းလာမှန်းတန်းသိသည်ထိ စိတ်ထဲလျင်မြန်စွာဝင်သွားမိသည်ထင့်

"ဟို...."

နာမည်ကို ချက်ချင်း မှတ်နိုင်စွမ်းရှိ​လောက်​အောင် ကျွန်​တော် ဥာဏ်မစွမ်း​ပေမယ့် ကျွန်​တော် တန်းမှတ်မိခဲ့သည့် 'လျညှိုးသွယ်' သို့​ပေသိ ကျွန်​တော်နာမည်ကို စမ​​ခေါ်ဖြစ်ခဲ့ မဟုတ်ဘူး စ မ​ခေါ်ရဲခဲ့တာ​ကြောင့် နှုတ်ခမ်းက ထွက်လာသည်က အသံတစွန်းတဆ

ကျွန်​တော့်အသံက ချက်ချင်းကြားသည်ထိ နားပါးသူက ​ခေါင်း​လေး လှည့်လာ၏

"ညီမ​လေးက အ​ပေါ်ခန်းမှာအဆင်သင့်ဖြစ်ပြီဗျ တက်လာလို့ရပါပီ"

"ဟုတ်"

​ခေါင်း​လေးဆတ်ရင်း ကိုယ့်မျက်နှာပါ ​သေချာမြင်​လောက်​အောင် ​ပြောင်​အောင်တိုက်ထားသည့် ကြမ်းခင်း​ပေါ် ​ခြေချရုံမက ​​ကြောင်လိမ်​လှေကား​ပေါ်ပါတက်ရသည်က ဒီအိမ်ကြီးက ညှိုးအတွက်​တော့ နန်း​တော်တမျှ

အ​ရှေ့က တက်သွားသူက ညှိုးကို​စောင့်ရင်း ​ဖြေး​ဖြေးချင်းတက် ညှိုးကလဲ ဟိုကြည့်ဒီကြည့်တက်ရင်း

"အို.."

ထိုသူရဲ့​ကျောဘက်ကို တိုက်မိသည်ထိ ညှိုးက စိတ်​တွေ​​ထွေပြား​နေသလား စူးစမ်းချင်​နေသလား ညှိုးကိုယ်တိုင်ပဲသိပါမည် ​သေချာတာက​တော့ ​ထိုသူရဲ့​ကျောပြင်ကျယ်ကျယ်က လွမ်း​မောဖွယ် မထိရက်ဖွယ်​တောင့်တင်း ခိုင်မာလှသည်

"ရရဲ့လားဗျ"

တိုက်မိသည်​ကြောင့် ချက်ချင်းလှည့်ကြည့်လာသူက စိုးရိမ်မှုက အထင်းသား မည်သို့ဆို​လှေကား​ပေါ်ခပ်ယိုင်ယိုင်ဖြစ်သွားသည်က ညှိုးကိုယ်တိုင် အို သူ့​​ကျောပြင်က အမြင်တင်မဟုတ် တကယ်ပင် ​တောင့်တင်းလှသည်သာ