Unicode
ညှိုးလည်းသတင်းကြားသည်နှင့်တစ်ပြိုင်နက် အိမ်ကိုသုတ်ခြေတင်ပြေးလိုက်သည် အိမ်ဝရောက်သည်နှင့် ရင်စို့ဖွယ် အရင်က ပြည့်နေသော ပါးမို့လေးတွေချောင်ကျလို့ ကိုယ်လုံးသည်လည်း အင်မတန် ပိန်လှီ၍ အိပ်ရာထဲတွင် မျက်လုံးအစုံမှိတ်ထားသောအမေ
"အမေ အမေ"
ခေါ်သည်ကတစ်ဖက် လှုပ်နှိုးမိသည်က အနည်းငယ် ရင်အစုံကို နားကပ်နားထောင်မိတော့ နှလုံးခုန်သေးသည်မို့ ၂ခြံကျော်က နွားလှည်းအပြေးသွားငှား ပြေးမိသည်က ခြေနှစ်ဖက် ဗလာ ဆူးဆူးသည်လည်းမနာ ရင်မှာနာနေသည်က ပိုနှင့်နေပြီးသား
"ဦးကြီး သာဒွန်း ဦးကြီး သာဒွန်း"
၂ကြိမ်ထဲခေါ်ရုံနှင့် နွားစာကျွေးနေသော ဦးကြီးက ထွက်လာသည်မို့ ကြုံကြိုက်သွားသည်က လိုသည်ထက်အချိန်မကုန်
"ဦးကြီး အမေ မေ့လဲနေလို့ ရွာဆေးခန်းကို လိုက်ပို့ပေးလို့ရမလားဗျ"
"အေး အေး ဦး အခုထွက်လာမယ်"
"ကျေးဇူးပါ"
အိမ်ရှိရာအလျင်တဆော ပြေးကာ အမေ့ကိုချီပိုး၍ လှည်းပေါ်တင်လို့ ရွာဆေးခန်းကို အလျင်မောင်းခိုင်းရပေသည်
ဆေးခန်းရောက်တော့ အားပြတ်မေ့နေပြီး နှလုံးရောဂါရနေကြောင်း သိရသည်
အားဆေးသွင်းနေသောအမေအား တစိမ့်စိမ့်ကြည့်ရင်း နောင်တက အခါခါ ပစ်ထားမိသော သားမိုက်ကို မည်သို့မည်ပုံ နားလည်ခွင့်လွှတ်ခွင့် တောင်းရမည်နည်း တဇွတ်ထိုးခေါင်းမာပြီး ကိုယ်မှန်တယ်ထင် ခေါင်းမရွေ့တတ်သည့် အကျင့်က မွေးရာပါဗီဇ ဒီအကျင့်ကကောင်းတာရှိသလို မကောင်းသည့်အကျိုးရလဒ်က ခပ်များများသာ
မျက်လုံးအစုံဖြေးညှင်းစွာပွင့်လာသောအခါ
ပုခုံးလောက်ရှည်နေသည့်ဆံပင်အရှည်ကိုဖြန့်ချ မျက်တောင်ကော့ညွှတ်ညွှတ်လေးတွေအောက် နီ၍ဖောင်းမို့နေသော မျက်ဝန်းအစုံက ငိုထားသည်ကသက်သေ ကြည်စင်သောမျက်နှာပေါ်က နှာခေါင်းလုံးလုံးလေးက အနည်းငယ်ပန်းရောင်သန်းနေပြီး လှရက်လွန်းသော မိန်းမသားပင် ထင်ရသည့် သားဖြစ်သူအား အစိတ်အပိုင်းတစ်ခုစီကြည့်လို့ လက်အစုံက ပါးကလေးကို ထိတွေ့ရန်တောင်းခံလာသည့်အမေအား မျက်နှာလေးအလိုက်သင့် တိုးပေးရင်း မျက်ရည်တို့ကပါ ထိန်းထားသည့်ကြားက စီးဆင်းလာမိ
KAMU SEDANG MEMBACA
"ညှိုး"(BL) Complete
Cerita Pendek"အခြောက်တစ်ယောက်ကို နင်ကြိုက်နေတာ မရှက်ဘူးလား ကြွယ်ဝထက်သာ" မြစိမ်းမိုး "ညှိုး"ကခပ်ယဲ့ယဲ့လေး အမြဲပြုံးတတ်ပြီး သူ့ရဲ့အားနည်းမှုတွေကို မာန်မာနလေးတွေနဲ့ကာဆီးထားတတ်သူပင် "ညှိုး"ကယုံကြည််မှုရှိဟန် ဆောင်နေသည့် အခ...
