_يا بت يا رحاب يا السمحة
_نعم يمة، بس ثواني أخلص الفي يدي وجاية
_سمح ورح تعالي بدورك تشوفي لي البلك دا ماله
_حااااضر
*بعد دقائق*
_جيتك يمة البلك ماله؟
_بري يا بتي من قبيل بطقطق ومابي يشتغل
_دقيقة اجيب الشنطة واجيك بسس
*جبت الشنطة وقعدت اصلح في البلك، وكان مزاجي رايق جداً، لحدي ما سمعت نداء رنا، خلصت الفي يدي ومشيت عشان اشوفها*
_هااا مالك يا بت؟
_تعالي اقعدي اشرحي لي الفيزياء دي، غلبتني كلهه كله القوانين الكيف كيف دي
_انا ما قلت ليك طبقي كتير؟ مذكرتك وينها الفيزياء دي ما بتتقري ارررر سيوري كدا
_اديتها منال صاحبتي ياخ تعالي هسي اشرحي ليي
_امري لله خلي بالك من مذكراتك ديل فهمتي؟ وارح اقعدي واطة الله دي
*مرت ساعة وأنا بشرح ليها، ورياض جاء داخل وقتها...*
_ولدنااا
_رحاب المكنة، أمسيتوا؟
_تمام الحمد لله انت امسيت كيف؟ والليلة كيف مع اللاب؟
_تمام الحمد لله ظابط والله
_الحمد لله، يمة سوت ليكم اكل ظريف الليلة امش اكل
_اي اي بالله عشان تجي تشرح لي الكيمياء انت كمان
_رنا لا إله إلا الله جيتك خلاص
_أصلا بتاعة مصالح أم راساً غليت دي
_اسكتوا مني انتوا الاتنين تشرحوا وانتوا ساكتين
_هخخخ سمح سمح ورح ركزي معاي باقي مسألتين نخلصهم عشان وراي ستين شغلة غيرك
_ظط يلا
#استوب
سقتكم معاي جداً، رحاب عبد الرؤوف، دكتورة قلبية، 21 سنة، عايشة وسط أسرة بسيطة جداً، وبحبها شديد، أمي سناء الماحي، وأبوي الأستاذ عبد الرؤوف عاصم....
*مرت ربع ساعة تاني شرحت ليها فيها المسألتين الباقيين، خلصت وقمت اشوف ملفات المرضى الكان مفروض علي اراجعها، عملت قهوتي البحبها، وقعدت في السطوح وكالعادة انا والهواء أصحاب جداً، هخخ دائماً بيكون في نسيم لطيف لمن اقعد في السطوح، في نص اندماجي مع سطور الملفات، رفعت راسي بعد سمعت لي صوت....
_دكتورتي
_مثانيييي، مشتاقين
_خنقتيني يا العبيطة خلاصص
_فكيتكك، اخبارك شنو؟ ومالك طولتي من الجية كدا؟
_وربي الأيام دي معانا ضيوف ناس عمي نزلوا السودان وكدا، انتِ اخبارك شنوو؟ وكيف مع الطب الضاغط دا؟
_تمام الحمد لله غايتهه
_عندي ليك شمارات ظااابطة ظبوطيةة بسس اعدلي لي قعدتك د كدا ها
_اهاااا عدلتها ليك، احكي
*مثانيي، صديقة الطفولة والأنتيم، من نحن صغار قمنا مع بعض، وأهلي عندهم معرفة قوية بأهلها الحمدلله زي العائلة الواحدة، انسانة غالية علي جداً اختي التانية.. *
*مرت نص ساعة ع قعدتنا دي ونحن بنحكي، فجأة سمعت صراخ أمي*
_رحاب، يا بت رحاب تعالي ألحقي سرييييععععع......
يتبع🤎
