*رياض*
*في اللحظة ديك امي توترت وقبضت على قلبها، بلعت ريقها وقطعت لحظة الصمت المليانة بالتوتر دي...*
_مراد، في شنو يا مراد ما تقطع لي قلبي في شنو؟
_استغفر الله يا سناء المصائب بتجي توالي توااالي
_في شنوو قول ليي يا مراد قووول؟؟
_كدي استهدي اول انتِ، استهدي واستغفري
_استغفر الله، طيب قول اها
_أولاً المفوض الساعدنا دا نزلوه من رتبته، جاه إشعار فجأة إنه نزلوه من رتبته وتعين بدله واحد جديد، فتاني ما حيقدر يساعدنا، ولمن مشيت للمفوض الجديد رفض تماماً إنه يساعدنا، حسبي الله على بلد ما فيها قانون وكلها فوضى في فوضى
_وااااي انا، استغفر الله استغفر الله يا الله دي شنو العوارض دي يا الله ترجع لي بتيي واااي، اخخخ طيب الحيساعدنا منو هسي يا مراد؟؟
_غير الله ماف زول حيساعدنا تاني، انا حأعمل إعلانات وأخت فيها صورة رحاب، أعلقها في كل مكان عسى ولعل زول شافها أو زول ممكن يساعدنا
_وانا حأنشر في مواقع التواصل، انتِ روقي، رنا تعالي سوقي امك دي خليها تاخد علاجها
_ما عايزة أي علاج مادام بتي ما رجعت لي الليلة
_حجة ربنا يرضى عليك ما تعملي كدا، إن شاء الله حنلقاها انتِ بس ادعي انه نلقاها، عشان خاطرها هي قومي أخدي علاجاتك، لو كانت موجودة هسي كانت حترضى تفتكري مثلاً؟؟
_واااي يا ولدي قلبي ماكلني عليها شديد
_ما تخافي ما تخافي الله كريم، قومي يا حجة، رنا تعالي سوقيها
*فتحت التلفون وبقيت بنشر صورة رحاب مرفقة بكل التفاصيل اللازمة، وعمي اتصل لواحد من معارفه وطلب منه انه يعمل ليه الإعلانات وقال لي ماشي عشان ينسق معاه التكاليف وكذا، طلع وطلعت...*
*من ناحية تانية*
*سماح*
*العصر كدا طلعنا، ونحن راجعين على البيت كذا، تلفوني وقع في الشارع وشاشته اتشقت واللمس بتاعه حرق، شلته في يدي لحدي ما وصلنا البيت وختيته في الدرج، عنان قالت لي انا بكلم ابوي يجيب ليك واحد جديد...*
_عنان عليك الله هو خالي ناقص؟ عليك الله ما تكلميه ما ضروري تلفون هسي، ممكن اشتغل مع أمي بحقها
_ياخي ما تتعولقي فيني يعني حق أمك حتشيليه معاك الجامعة مثلاً؟؟
_ماا حنك ما ضروري في الجامعة أصلاً ياخ
_ورياض؟؟
_بجي بتصل المساء لرحاب من حق امي وبطمئن عليه ما تخافي
_واااي منك يا سماح
_خلاص بسس اسكتي
*وقاص*
*كنا فاقدين رحاب وفارس فاقدها اكتر، بين ليلة وضحاها اختفت، وبين ليلة وضحاها موازين فارس كلها اتقلبت، يبكي عشان ما قدر يشوفها الليلة، اليوم كله داخل في حالة بكاء هستيرية، اخدت رتيل وفارس لبيت ناس امها، واستعنت بصاحبي مفتش مخابرات على إنه يساعدنا، بسس للأسف رفض وقال انه ما حيقدر يساعدني في أي شيء، دخلت لوهلة القروب تبع الجنسيات التانية في الفيس وكتبت منشور بالانجليزية واديتهم كل التفاصيل عنها، ما عارف الخلاني اعمل كدا شنو، عملت كدا وقفلت التلفون ولحقت رياض وعمه...*
*من ناحية تانية*
_نعمم؟؟ وقاصد شنو بكلامك دا كمان؟؟
_الحقيقة يا انسة
_حقيقة شنو؟ انت مريض نفسي صح؟
_يعني ما ملاحظة انك مختلفة عنهم وما بتشبهيهم في أي شيء؟ سواء أكان ملامح أو أي شيء
_المهم بشبههم في الأخلاق ضروري الملامح مثلاً؟
_هه مسكيينة الأخلاق دي كلمة غاشنك بيها ولا شنو؟ يا ستي انتِ عارفة انك ما بتنتمي للعائلة دي أصلاً، ممكن هم يكونوا شفقوا عليك وربوك وهكذا لكن ما تقولي لي بنتمي ليهم وبتاع، أولاً انتِ إسمك الحقيقي رحاب أدهم فهمتيني؟ بت رجل الأعمال المشهور وعدوي الحقيقي، انتِ توأم بته الإسمها وسن أدهم فهمتي؟ يعني الحقيقة ما إنه إسمك رحاب عبد الرؤوف ولا شيء، عبد الرؤوف دا ابوك الرباك فحسب
_د دقيقة، انت شكلك كدا بديت تخرف أو دا زهايمر مبكر لمن بقيت تخترع قصة من راسك؟؟
_هه ما مستغرب والله عادي ما دي فكرة زارعنها في راسك وعايشة فيها من كنتِ صغيرة، انتِ اتولدتي في مستشفى اسمها الصحة الخيرية صح؟
_ايوة
_المستشفى دي في وقتها شب فيها حريق صح ولا ما صح؟
_ايوة، وعرفت كيف؟
_وبتسأليني؟، المفروض تفهمي براك اني بقول في الحقيقة يعني، شوفي يا ستي لما امك اللي هي زي ما بيقولوا ليها "مدام أدهم العريفي" ولدتك، ولدتك هنا في السودان بحيث ولدتك في المستشفى دي لأنها كانت قريبة من سكنها، ممكن تسألي أو أثبت ليك الكلام دا عشان تعرفي صح ولا خطأ، بعد ما ولدتك انتِ وتوأمك شب الحريق وانتشر سرعة، ودا تقريباً كان سببه سلك كهربائي أو حاجة حاصلة في عدادات الكهرباء صح؟
_صح
_طيب وقتها أبوك أخد أختك وأمك سرعة وأمك حركتها ما كانت سريعة، ما قدر يشيلك وطلع بسرعة ع أساس يطلعهم ويجي ينقذك، لكن منعوه تاني يدخل ومع الأسف الحريق انتشر في كل أرجاء المستشفى المات جوة مات، وافتكروك من ضمنهم، صراحة لمن عرفت بالمعلومة دي انبسطت، قرر أبوك ياخد أمك وبته التانية ومعاه ولد اكبر منكم لنيوزيلاند، حالياً هم في نيوزيلاند، تقريباً الولد إللي هو أخوك مختلف معاه، ودي نقطة لصالحي، بعد غادروا ويأسوا من إنه تطلعي حية، جاء واحد ماسك طفل وطلعه وقال
الطفل تبع منو؟، عموماً في نفس الوقت عبد الرؤوف ومرته جووا المستشفى حسب العرفته انه مرته كانت اجهضت، عارفة إنه في أخ كبير سابق ليك توفي؟؟
_أ أيوة
_فاا أخدوك وربوك على أساس إنك بتهم،كنت عارف كل تفصيل عنك لحدي اللحظة فهمتي، تابعتك وانا سااكت، حالياً جاتني الفرصة انتقم، هه الزمن لف ودور، أبوك عارف إنك عايشة، قال حيسبقني ويلقاك، وييين دا في الحلم فقط
_وعرف من وين؟؟
_مني طبعاً، حبيت استفزه وألعب بأعصابه دي اللحظة المناسبة أصلاً
_وكيف يصدقك وانت عدوه مثلاً؟
*طلع تلفونه وقرب الشاشة من وشي، تلقائياً بعدت وشي وحاولت أشوف، لقيته شغل لي فيديو أمي شايلاني وقرب الفيديو على يدي الكان مربوط فيها شريط بإسم "إبتهال الفاضل«مدام أدهم»" في اللحظة ديك انا ما قدرت استوعب أي شيء، كيف يعني الشريط الفي يدي بإسم ابتهال الفاضل؟ وابتهال الفاضل دي منو كمان؟ راسي ضرب، سحب التلفون وقفله وبقى يلعب بيه وضحك ضحكة خبيثة...*
_صدقتي ولا لسة يا انسة؟؟
_مستحيل، انت قدرت تصور الفيديو كيف أساساً وانت كنت واقف بتراقب من بعيد حسب الفهمته؟
_تنفعي تشتغلي محققة فعلاً، طالعة ذكية زي ادهم بالضبط، الفي الفيديو دي انتِ ولا لأ؟ دي أمك ولا لأ؟
_أيوة
_طيب، يا ستي أصلاً كنت عامل فيها بستفسر منهم من موضوع وجيت وصورت من غير ما يشعروا بأي شيء، أسهل شيء علي الخدع
_وااضح واضح يا حقير يا كذاب
_انا ما عايز معاك استفسارات اكتر، شغل التحقيق بتاعك دا حيتأثبت ليك براه، كل المهم انا وصلت لهدفي، يمكن ما قدرت أصل لولده وبته التانيين عشان أضوقه الوجع، بس على الأقل وصلت ليك، شوفي الورق الفي يدي دا، حتوقعيه وبعدها حتبقي زوجتي رسمي، ونطلع من هنا
_جيبه
_نعم؟؟
_جيبه مش عايزني أوقع؟؟
_أووه استسلمتي ولا شنو؟ طيب طيب هاك
_طيب ما تفك لي يديني أوقع كيف؟
_أممم طيب
***أول ما فك لي يديني خت لي الورق والقلم فيني، عملت فيها عايزة أوقع وهو واقف مبسوط، كان في تربيزة جنبي رفعتها فجأة وضربته في راسه بقوة، بقيت بفك في نفسي سريع قبل ما يستعيد توازنه، والحمد لله قدرت أفك الربط، اول ما قمت على حيلي نفضت يديني قلت ليه "إنت فاكر نفسك ذكي، بس يا سيدي أحب أطمنك أنا أذكى منك.." حاول يلحقني بس بسرعة نطيت من شباك، بقيت جاريةة وحسيت في أصوات بتلحقني بوراي، كل ما لي جارية في مكان أغمس من الأول..."
يتبع🤎....
