*سماح*
_كيف يعني؟ سارة أحسن ليك أنتِ والكلاب ديل خلونا في سبيل حالنا وإلا ما حيحصل خير
_ههه بتهددي في منو انتِ؟ يا ضعيفة الحيلة؟
_انا ما ضعيفة الحيلة فهمتي؟ أنا ما حأخليك أنتِ والأوغاد المعاك في حالهم سمعتيي؟؟
*ومسكت يد عنان عشان نطلع سريع، سرعانما مسكونا رافع ونافع، ربطونا في كراسي ونافع ربط لعنان خشمها، كانت بتبكي وبتهز ليه راسها بمعنى لا لا ما تعمل كدا...*
_ما اتوقعتك سافل وحقير كدا يا رافع، أبداً ما اتوقعتك بسس حسابك معاي فكنيي
_هه أنتِ واحدة تافهة فعلاً ياخ
_فكنييي(صرخت، وطوالي ربط لي خشمي بقطعة)
_ما تعلي صوتكك ساي زول هنا حيسمعك ماف بس أنتِ مزعجة
_شوفوا شغلكم بالله
_ظط يا معلمم
*بقوا يقربوا علينا الاتنين، بكل قوتي كنت بحاول اتفك، في اللحظة الكانت عزة خايفة ومغمضة عيونها وبتبكي، في اللحظة دي نفضت يديني شديد من الحبل وحكيته مع الكرسي لمن قدرت اتفك، الساعدني في الموضوع أنه يدي رهيفة، شلت القطعة الكانت مربوطة في وشي ولزيت رافع بقوة، وقمت، نافع اتخلع وجرى على أخوه، فكيت عزة بسرعة وقلت ليها بسرعة بسرعة، جرينا برة وهم الاتنين كانوا جاريين ورانا، كل ما نجري نكتشف أنه لسة قدامنا مسافة تاني عشان نطلع من الحتة المقطوعة دي، وكأنها ما عايزة تنتهي، لما قربنا نطلع عزة وقفت وبقت تسعل شديد...*
_اه اه ما قادرة
_عزة حاولي تقوي عشان لازم نطلع وما يلحقونا
_ما قادرة اتحرك يا سماح ساعديني واي
_طيب جيبي يدك سرييع
*مسكتها من يدها واتحركنا سريع، لما طلعنا للظلط وقفنا شوية، بقيت بتلفت عشان ألقى لي ركشة اي حاجة ممكن نركبها، جات عربية وقفت قدامنا فجأة لمن اتخلعت، شباك السيارة نزل وشفت وش رياض، اتفاجأت وقلت رياض؟جاء هنا كيف؟...*
_سماح؟ دي شنو الحالة الانتوا فيها دي؟ تعالوا اركبوا
_لا شكراً ماف حاجة
_سماح بتستغبيني مثلاً؟ تعالوا
*عاينت لعزة الكانت معاي وكانت تعبانة، فسقتها من يدها وركبنا وراء، كان معاه حد كدا ما بعرفه، عاين لي بالمراية كدا لمسافة...*
_سماح في شنو؟ ومالكم وكنتوا وين؟
_بحكي ليك بعدين، ممكن تاخدونا على القسم هسي؟
_قسم؟ في شنو يا سماح؟
_نمشي للقسم أول، وبعدين بحكي ليك لأنه مافي زمن
_طيب، يا معلم ممكن تاخدنا للقسم؟
_ظابط يا معلم
*طول الطريق كنا ساكتين،هو بيعاين لي بالمراية، وانا بخطف نظرات بس، بحاول قدر الإمكان اتجاهله وما اعاين ليه، بس ما قدرت، ما عارفة ليه بالضبط، وصلنا القسم، نزلت أنا ومعاي عزة، حتى رياض وصاحبه نزلوا معانا، قلت ليه ماف داعي تنزل، قال لي لا في أنتِ بس أدخلي وما عليك، دخلنا القسم ودخلت على طول مكتب المفوضية، أنا وعزة ورياض، قدمت شكوتي ضد سارة وسجلتها كدعوة تحرش ومحاولة تشويه سمعة، فوعدوني انهم حيقبضوهم وحيتصرفوا معاهم، صاحبه وعزة سبقونا على العربية بعد ما أصروا إنه يوصلونا، بس قبل ما أركب قال لي سماح عايزك في كلمتين بعيد ممكن؟، وقفت عاينت ليه مسافة، وافقت ومشينا وقفنا في ركن بعيد من الظلط شوية...*
_بالنسبة لسارة، حتستفيد شنو لمن تعمل كدا؟
_امشي اسألها لحبيبة قلبك، ما تسألني
_سماح؟ أنتِ واعية للبتقوليه دا؟ حبيبة قلبي مين؟
_سارة
_سارة شنو؟ سماح أنتِ عارفة انه ولا يمكن سارة تاخد مكانك ولا واحدة غيرها
_كان ممكن اصدق لو ما كنت شايفة بعيوني
_شايفة شنو؟ ياخ أنتِ الشايفاه دا كله وهم منك، أو الموهومة ديك هي الحاولت تشوش ليك رؤيتك من الحقيقة، واضحة يا سماح
_ما عارفة يا رياض أنا ما عارفة أي حاجة
*فجأة بديت أبكي من غير ما أحس، ما عارفة السبب الخلاني ابكي شنو، مسك يدي وقال لي سماح هسس خلاص ما تبكي، هديت ومسحت دموعي وسحبت يدي منه، قلت ليه انا كويسة ما تخاف...*
_كويسة؟ سماح أنا بعرفك اكتر من نفسي بالمناسبة
_ممكن نمشي؟
_لسة بتحبيني صح؟
_رياض
_اعترفي
_رياض هسي دا سؤال ليك؟
_قوليها يا سماح وريحيني
_اقول شنو؟
_بتتثاقلي؟
_ريااااض
_قوليها ولاا؟!
*وبقى يجي علي فجأة...*
_عوير انت ولا قايل نفسك في أوروبا؟ نحن في الشارع بطل البتعمل فيه
_حتقولي ولا..؟؟؟!
_طيب طيب بحبككك
*قلتها وانا مغمضة عيوني لما قرب علي شديد، فتحت عيوني ولقيته بيضحك..*
_عوير عواليق
_ما اكتر منك يا عشيقة رياض انتِ
_....
_خلاص رجعنا تاني وفصلنا
_انت لسة بتقول كلمتك العواليق دي زح مني
_وحأفضل اقولها فهمتيني؟
_ياخ ورح ياخ
_خلاص صافية يا حليب؟
_اسمها صافية يا لبن، اييي اييي
_بحبككك يا...
_ر ريااااض؟؟؟
_بتخجلي؟؟
_انت بقيت قليل أدب عديل والله
_لسة ما شفتي حاجة، لمن تبقي حلالي
_واااااي يا الله وقعتني في واحد قليل أدب زي دا
_خلاص خلاص معليش، قبل ما نمشي، داير أكلمك بموضوع مهم
